الدنيا سبحان الله عييت نفهم

[مسعود-92-]

بسم الله الرحمان الرحيم
السلام عليكم ورحمة الله وبركاته
يا جماعة راني حاير فى حاجة ونتمني نلقي عندكم الجواب
الأامة والي يعرفوا فى امور الدين يقولك قبل ما تخلق راو مكتوب عليك تعيش فقير ولا غني سعيد ولا بائس
وثاني مكتوب عيك تدخل للنار ولا للجنة بصح كاين مشكل واحد كي يعود مكتوبلو يموت منتحر ولا سكران ............عــــــــــــلاش يتعذب ويدخل النار عييت نفهم سبحان الله
الســـــــــــــــلام
​

 

[marouane19]

السلام عليكم ورحمة الله وبركاته ،،
ياخويا الدنيا اختبار .. لاز تجاهد وتحارب نفسك وتعبد ربي وتطبق ماجاء في القران وفي السنة
وان شاء الله نكونا من الصالحين .. مي كي تخمم بالطريقة هد ماتوصلش صحيح نامنو بالقضاء والقدر وكل شيء كمكتوب مد ان نفخت فينا الروح لكن عدم الاخد بالاسباب مثال واحد مايقراش العام طول مع الاير يدعي ياربي ونجح كي ماينجحش يقلك اي مكتبة صحيح مكتبة مي مالازمش تاخد بالاسباب
الواحد يقرا ويجتهد ويدعي وربي ان شاء الله ينجح
هكدا الدنيا خويا تتجهد وتحرب نفسك تنجح فيها وادا اتبهت نفسك تكون من القوم الظالمين ان شاء الله مانكونوش منهم
كشما نلقالك فتوى لاحد الشيوخ نوريهالك ان شاء الله
ربي يوفقنا الى مايحب ويرضاه
في امان الله

 

[مسعود-92-]

شكرا جزيلا اخي مروان
عدم الاخذ بالاسباب معروفة
والتقوي والصلاة والاجتهاد راهم لازم
حبيت نفهم علاش مكتوبة علي العبد يموت منتحر اقبل ميزيد ويدخل النار قبل ما يزيد
​

 

[حكاية انثى]

شوف خويا للي مؤمن راه يخاف حتى لي مجرد تفكير انه ينتحر او يدير شي امور للي تغضب الله سبحانه وتعالى
وناس للي ايمانهم ضعيف بحال للي كيقدم على انتحار او قتل او الاغتصاب او اي شيء حرام حشى واش الله للي مكتب عليه داك شيء هذاك كيكون الشيطان متغلب عليه في جميع امور وكبينليه اشياء للي محرمة على انها حل الوحيد للنجاح
واشياء الحلال كيبعدو عليها دون كل شيء من ايمان
كنتمنى نقدر نوصلك فكرة

 

[مسعود-92-]

وهذا السؤال صعيب بزاف
وراني اسألت عليه وقالولي هكذا الدنيا معمولة وهذا الشيء راهو قادر يدخل فى علم الغيب
اسمحولي وشكرا ​

 

[مسعود-92-]

لك اخي جزيل الشكر
بارك الله فيك​

 

[صهيب الرومي]

شكرا جزيلا اخي مروان
عدم الاخذ بالاسباب معروفة
والتقوي والصلاة والاجتهاد راهم لازم
حبيت نفهم علاش مكتوبة علي العبد يموت منتحر اقبل ميزيد ويدخل النار قبل ما يزيد
​

باختصار وبالتقريب
الإنسان الذي يموت منتحر هذا باختياره
فالله في علمه السابق قبل الخلق عرف أعمال العباد
عرف ما سيعمله كل واحد منا
إذا هذا باختيار العبد وليس مجبرا
فالله في علمه السابق علم أعمال العباد ثم قال للقلم اكتب قال ما أكتب قال أكتب ما هم كائن إلى يوم القيامة
هل اتضح لك الأمر

 

[مسعود-92-]

باختصار وبالتقريب
الإنسان الذي يموت منتحر هذا باختياره
فالله في علمه السابق قبل الخلق عرف أعمال العباد
عرف ما سيعمله كل واحد منا
إذا هذا باختيار العبد وليس مجبرا
فالله في علمه السابق علم أعمال العباد ثم قال للقلم اكتب قال ما أكتب قال أكتب ما هم كائن إلى يوم القيامة
هل اتضح لك الأمر

الحمد لله

انا اذا المخطأ والي قالي غالط
شكرا والف شكر ليك اخي صهيب
بارك الله فيك راك قنعتني
​