جيتك يا البحر غير باه تصبرني
الساعة رجعت أنا نصبر فيك
راني حاس بحالك راك غايضني
ران حاس بلي راه صاري فيك
منين راح الصيف ورجعت الشتا وليت وحداني
الغزلان اليوم الكل هجرت عليك
ماشي غير انت يالبحر اللي راك تعاني
حتى أنا الحgرة هي اللي جابتني ليك
حتى أنا حبيب قلبي راح وعاداني
ونسى بلي كان معايا فالحب شريك
مازلت نتفكر بلي راح وخلاني
ولو نعدلك همي يا البحر في همك انسيك
حاكم الورقة نكتب والدمعة في عياني
يالي بكيتي هدا القلب تدور الدنيا ونبكيك
علاه راك تبكي
الوليه هي اللي تبكي وتزيد
الخالي دارو مازالو واقف وصنديد
صابر لربي مالgري قلبو مجراح
الخير فاضل وكل يوم كاين جديد
واللي بغات تروح من عندنا مسموح
غير تروح وانشوفوها وين توصل
ومع التالي نشوفو كيفاش تخلاص عليها
اللي هربت على الرجال لابد تحصل
وتبكي بالدموع على اللي ضاع من يديها
الراجل ماجاياش يبكي ويحلل
الخالي دارو عمرو المرا مايركع ليها
بغات تروح ..الطريق راه يفوت جمل وندعولها ربي يهنيها
فيق يا الرايس فيق وين راك رايح على راسك
ناس بكري قالو
محنة تنسي محنة حتى للقبر
الى اللقاء في الجزء الثاني
الجزء الثاني
ماشي غير انت يالبحر اللي راك تعاني
انسى كلامك يا الرايس واسمع
علاش هدا البكا علاش راك تهدم في روحك
المرا كي تبكيلها تضحك عليك
المرا ماتبغيش اللي يبكي ويحلل
...
آخر تعديل بواسطة المشرف:
