أجريييو ورى الخبزة وماتقلقوش مالين لكروووووش

[karim073]

السلام عليكم ورحمة الله
​

والله اليوم جا في بالي واحد الموضوع يقيس شويا

احنا لعرب واش نعرفوا نديروا

نعرفوا غير نهدروا و نكثروا من الهدرة و نكفروا و نتهموا غيرنا و نقذفوا في الحرمات

و المشكل لكبيير هو مثلا اهنا في الجزائر

كون يلعبوا مع بعضاهم والله ماتفرى يقلك اليوم الشناوة مع لبابية و لا مع لمسامعية

ماتهمش النتيجة تهم شكون ضرب وشكون غلب

سامحوني خاوتي بصح معيشة تاع كلاب رانا عايشينها

و انا متأكد بلي السياسة الي راهي دور و السيستام لي نضنا عليه هو لي راهو عامينا كيما هاكدا

باش ما نلتاو بالحكومة ماوالو لازم يخلوقلنا مشاكل في بعضانا باش ننساو جد الهم هذا

و غليولك الاسعار باش تبقى تجري ورى الخبزة و ماتقلقش ماين لكروش

بصح نحير يعني لهاذي الدرجة ماكانش وعي و ماكانش فهامة

ولااا كيما يقول تاع لفهامة

نوووووووووووووووووووورمال ما تقلقكمش هاذي ​

 

[Dr.CrAzY]

وعليكم السلام
ياخويا منين حاب تجي لفهامة
من لي بطل لقراية في الابتدائي
من لي طموحو أنو يحرق
من لي سعادتو التامة في قارو زطلة
وهادو انواع بركـــ
الشعب عقليتو راهي في الريسكـــ
قليل دركا لي بقى يريزوني
في راييي الحكومة لقات شعب مضبع ألور دارو فينا رايهمـــ
​

 

[karim073]

وعليكم السلام

ياخويا منين حاب تجي لفهامة
من لي بطل لقراية في الابتدائي
من لي طموحو أنو يحرق
من لي سعادتو التامة في قارو زطلة
وهادو انواع بركـــ
الشعب عقليتو راهي في الريسكـــ
قليل دركا لي بقى يريزوني
في راييي الحكومة لقات شعب مضبع ألور دارو فينا رايهمـــ​

شفت والله الوعي من المشاكل العويصة الي يواجهها الشعب الجزائري

باش يروح يتعلم و لا يقيس حاجة توعيه بالعكس يروح يزطل ولا يخمم في حرقة


نلاحظ بلي فيه هروب كبير من الواقع

مشكوور اخي الغالي

 

[السوفي حمة]

يا أخي كريم الشعب الجزائري تعلم ياخذ وميعطيش
في عهد الرئيس بومدين والاشتراكية كان المهم أن كل مواطن يشتغل وعلى هذا أصبح منصب شخص واحد يعمل فيه 4 أو 5
وأصبحت الوظيفة يعني ماكلة ورقاد وفي آخر الشهر يأتي الظرف الأصفر يحمل الأجرة.
في عهد الشاذلي رفع شعار من أجل حياة أفضل
الخزينة كانت معمرة وصرفت لكل من أجل التفاهات والناس إلي عاشت في هذاك الوقت تقلك كيفاش كانت الحالة الخضر والفواكه مستوردة بأقل الأسعار وتعود على المواطن على البذخ والصرف وكثرت أسواق الفلاح والمونبريات، وكان الدوفيز رخيص والناس تخرج للخارج يحوس والحياة الأفضل كانت تعني الأكل وفقط.
في عصر ما بعد الشاذلي ظهرت السياسة والأحزاب وأصبح لكل مواطن انتماء وأصبحت الصراعات في كل مكان، وبعدها انقلب الحال وغلات المعيشة وأصبح المواطن يعيش في دوامة تحاصره فيها : غلاء المعيشة + البطالة + الإرهاب + ملاحقة السلطات + ......
الآن بعد هذا الكل وين تشوف الفرصة للمواطن باش يتلفت للسلطة
وعندك الحق النظام طبق كل الطرق إلي تخلي المواطن ميلتهاش بيها.
ومننساش ثاني محدودية الثقافة نتاع الجزائريين بصفة عامة،
يعني الجزائري اليوم إما يصفق أو يطرطق
​

 

[karim073]

والله الحالة الي وصلناها من اهم اسبابها هو المستوى الفكري

مرة احكيت مع طالب في العلوم السياسية بجامعة محمد خيضر ببسكرة

ففوجئت بوعيه السياسي و بعد نظره و طريقة تألقه في طرح الافكار

ياخي علاش ما يتابعوهش في الجامعة ويشجعوا البحوث الي يعمل فيها على الاقل يوصل

و ينفع شوي لبلاد هاذي

لكن على بالي الدولة ما تخليش الانسان يفوت حدودو و كون يتحرك يقنصوه ماذابيهم نبقاو جاهلين

 

[السوفي حمة]

شكون يتابعه ؟؟؟؟؟؟
الأساتذة أغلبهم بزناسة ومعندهمش المستوى الكافي
بلاك هذا الطالب أكثر ثقافة ووعي منهم
نقلك حاجة أخي كريم لو تطلع على التقارير إلي يكتبوها بعض المختصين حول الجامعات نتاعنا تبكي دم
وأنا إطلعت على تقرير حول جامعة الوادي والله ما عرفت واش نقول
مدرسة ابتدائية أحسن منها في كل شيء
قول ربي يجيب شكون تتبدل على يديه أحوال البلاد
​

 

[karim073]

ذرك نقلك كيفاش ينفعونا وكيفاش يشجعوا الطلاب ويشجعوا البحوث العلمية

باقامة المهرجانات وصرف الملايير و باستدعاء الفاسقين والفاسقات بمئات الملايير

الظلم يا خويا حمة الظلم

و خلي برك راني ديما نقول الهم كبير ولكلام طويل ........

 

[السوفي حمة]

الظلم وآآآآآآآآههههه من الظلم
واش نقلك يا كريم يا خويا
في جامعة الوادي السنة الماضية احتفلوا بالطلبة المتفوقين وسلمولهم الجوائز قبل ما تخرج النتائج الرسمية .........؟؟؟؟
واش معناها هذا ؟؟؟؟؟؟
كاين طبخات تجري لتحت لتحت والضحية هذاك الزوالي مسكين يقرا ويجتهد وفي الأخير يضيع حقوا
لصالح فلان وإلا فلتان من أصحاب .........
كاش ظلم أكثر من هذا ؟؟؟؟
واش يواسي هذاك المسكين ؟؟؟؟؟؟؟
خايف لربي يبعثلنا كاش استعمار جديد من جراء كل هذا الظلم
دار الظالمين خراب
ربي يستر برك
​

 

[karim073]

الشعب اكل راهو فايق

من وقت بوضياف و وقت الملفات السرية و والوقت الي كان يموت فيه الشعب جهار

نهار رصاص الدولة و رصاص الجماعات الارهابية بمختلف انواعها

علاش عليهم مايخافوش من ربي و الرئيس وين راهو ...... :confused1:

و الشي لي راهو صاري في الجامعات كيما تفضلت اخي حمة حدث ولا حرج

كاين ناس والله مايعرفوها كيفاش مدايرة و يتخرجوا و تلقاهم في مناصب عليا

و الدليل كاين و شفناه كل بالعينين

وين راح يتخباو من ربي ايا قلي

 

[السوفي حمة]

أنا حقيقة ورغم معجبنيش الحال كالرئيس عدل الدستور وترشح للعهدة 3 ، لكن كنت حاط أمل أنه يعدل الحكومة خاصة وأن كل الصلاحيات أصبحت بيده يعني كيما كلن يطالب أصبح رئيس بكامل الصلاحيات.
لكن للأسف الصحف قالت أنه معجب بالحكومة ورايح تبقى كيما راهي
للآن مفهمت والو، كيفاه مرة يقول أنهم كذابين على الوزراء ويعرقلوا في البرنامج نتاعه واليوم يخليهم .........
بلاك أنا ناقص فهامة ............
لكن كاين وزير سألوه حول تسيير شؤون الجزائر
قال تسير على عقلية بوبقرة.


​

 

[karim073]

لا حول ولا قوة الا بالله

الدنيا تقلبت رأسا على عقب و كلش فيها رجع مخسر

انا نقول يا خويا حمة ويييييييييين راك يا سيدنا عمر بن الخطاب و يا سيدنا علي ابن ابي طالب

 

[السوفي حمة]

رضي الله عنهما وأرضاهما
منطلبوش المستحيل لكن على الأقل حاجة قريبة منهم
الحمد لله الجزائر ولادة وفيها رجال قادرين على شقاهم في كل الميادين، لكن المشكل في رجال الخفاء المستفيدين من تعفن النظام
هاذو الناس ميخلوش شكون يخدم لبلاد لأن مصالحهم تتظرر،
خليها على ربي برك ودوام الحال من المحال يجي النهار وكل واحد يتحاسب على فعايلو في الدنيا وفي الآخرة
​

 

[karim073]

طبقوا وصايا الرسول صلى الله عليه وسلم و لم ينسوا كتاب الله

فيه فرق شاسع بينهم و بين قوم تناسوا و نسوا كتاب الله و رسوله محمد ( صلى الله عليه وسلم )

على رايك خويا حمة نخلوها على ربي ماعدنا مانديرو

مشكوور و لك مني خالص عبارات الاحترام والتقدير

دمت مميزا اخي الغالي