عين الفوارة.. المرأة التي تستعرض مفاتنها أمام المسجد!

[karim073]

العنوان ماهوش لائق لاكن سامحونا مالقيناش ما احسن منو يوصف الحالة الي راح نحكي عليها

بالقرب من مسجد العتيق بولاية سطيف نجد عين الفوارة وتمثال المرأة الفرنسية التي

بناها الاستعمار الفرنسي ........ ( ماتفاهمناش )

هاذي لمرأة بناها نحات فرنسي و لاسباب عديدة منها طمس معالم الشخصية الجزائرية

وتشريد الشعب الجزائري ...........

تخيلوا ان مئات المصلين كل ما يخرجوا من الجامع تقابلهم و بنفس مقاييس المراة الحقيقية

و المشكل انو اصبحت عين الفوارة من احد الرموز و المعالم الروحانية للولاية

حيث يعتز بها كل السطايفية و يجيو من كل الولايات ويزوروها

و هنا نمركيو نقطة ونقولوا ........

لهاذي الدرجة المسؤولين الي متكفلين بالامر ماشافوش الظاهرة هاذي

و لا الشعب علاش مايطالبش بنزع التمثال واستبداله

و نقول فرنسا دارت حوايج و بقاو مأثرين لحد الساعة الله يبارك


و بعض المصادر التاريخية تقول أن فرنسا وضعت تمثال عين الفوارة في ذلك المكان


بالذات ردا على بناء مسجد "العتيق" بما يشكل تحديا صارخا لمشاعر المسلمين، وإلا

لماذا لم تبن مصنعا أو مدرسة، بدل أن تنصب تمثال امرأة عارية بالقرب من المسجد؟!!


موضوع سايسي و يمس الثقافة و لا نقلكم يمس جميع التيارات و الاتجاهات

سامحونا مرة ثانية .....

 

[karim073]

صورة في محلها ​

 

[wahid47]

انا عندي حاجة وحدة برك نقولها انا نظن او شبه متأكد ان هذا التمثال عاجبهم ومش حابين يبدلوه

وكاين لي راه يفكر ينحو...... علابالك علاش............؟ باش يدير واحد اكثر منو وتفرجوا ياأيتها العائلات الجزائرية المسلمة وشكرا

 

[Moha le sage]

يا اخي الكريم المسجد العتيق ماهوش مقابل عين الفوارة .. واللي قالك المعلومة هاذي غالط

و عين الفوارة رغم العراء تاعها اصبحت جزء من سطيف و ساكنة في قلب كل سطايفي ..

و اي مساس بها يعني مساس بهوية سطيف .. وتا ديش الموضوع للجانب الديني ولا السياسي .. خليه في مجالو الثقافي ..لانها تعتبر رمز من رموز سطيف وليست مجرد تمثال لمراة عارية

 

[AHRAR]

جـــــــــــــــــــــــــــــــزاك الله خيرا أخي الكريم

 

[el faycal]

النساء العاريات في كل مكان . وعلاش ما حكيتش عليهم .

 

[asma2090]

مع اني لست سطايفية وبصراحة عمري لا شفت الفوارة وهد التمثال لكن نشوف فيه في الصوروالنت و بصراحة انا عندي عيب انها تمثال كيما هدي موضوعة في قلب سطيف واللي جا يشوف عيب ليس من ديننا ولا من ثقافتنا وشكرا على الموضوع
اختكم اسماء​

 

[wissal07]

انا نقول الصح انا كي رحت وتصورت حذاه راح بالي انو صورة تذكارية من هذي الولاية ما راحش تفكيري لحاجة اخرى ونضن كامل الجزائريين ما خذين المسالة على انها معلم تاريخي اكثر من انها مراة عارية ويجب نزع هذا التمثال
هذا مجرد راي لا اكثر

 

[best-arch]

هــــذه الرة الاأولى التي أسمع أنه يمكن ان يكون للصخور مفاتن و تستعرضها

من منا يمكن ان ينظر الى تمثال مناسب و يسمح له باثارة شهواته و لو بقدر ضئيل
و ان كان يوجد فارجو اعلامي


هذا مجرد رأي أرجو تقبله من دون ضغائن


مشكووووووور على الموضوع الرائع و الطرح الرائع
بوركت أخي و تقبل مروري



​

 

[Moha le sage]

يا جماعة بركاو من التفلسف تاعكم ... عين الفوارة اكثر من تمثال ..راها رمز في قلب اي سطايفي

 

[انتصار*]

العلماء حرمو الدمى الشبه العارية لي تعرض عليها الملابس فما بالك بمراة عارية ويتبركو بالمياه لي تجري تحت اقدامها ويقولو لي يشرب اعاود اولي كل بدعة ضلالة .......تقبل مروري
ممكن في المستقبل الشناومة يستثمر فيه وينتجو تماثيل بحجم صغير لعين فوارة ويشروه الناس ممكن ..تقبل مروري​

 

[shéryfa luna]

آلطييييييييييييف تاع عيطات برك
تمثال آو صخرا صخره و مقلتوهاش ؟؟؟!!
احنا سطايفيا و نعتزو بهادا التمثال و ميهمناش في الهدره الناقصه مايهدرها غير اللي تفكيرو 00000زيييييرو
هههههه قالك نتفرجو في..... يخي عباد يخي ​

 

[Moha le sage]

موضوع قد يخرج عن مساره