أحتاج الى النصح ساعدوني

[شذى العطور]

راني حايرة أنا نبغي شخص بصح منيش متأكدة الا هو يحبني مرة قالي نحبك و من بعد خاني مع بنت أخرى وعاود رجع ليا وحلفلي بلي يحبني منيش عارفة واش ندير :confused1::confused1::confused1::confused1:

 

[شهنوزة]

راني حايرة أنا نبغي شخص بصح منيش متأكدة الا هو يحبني مرة قالي نحبك و من بعد خاني مع بنت أخرى وعاود رجع ليا وحلفلي بلي يحبني منيش عارفة واش ندير :confused1::confused1::confused1::confused1:

نظن اذا كان يحبك مايخونكش
حب مراهقة برك

 

[**بنت الأصول**]

إنقلك يا أختي هذا يلعب مش لاقي واش يعمل
الواحد اذا قالك انحبك يعني يحبك ما يخونك مع بنت أخرى.

 

[قمر الاسلام]

يا اختي اتي زينة وضغيرة و 1000 واحد راه يستنى فيك خليك منه ومن خلافه حتى يجيك سيد الرجال لسيدك باباك وهداك النهار افرحي وعاودي

 

[عازفة الاحزان]

السلام عليكم
أنا نقلك أختي بصح نصيحتي تجيك ثقيلة بيسك نهار كنت قدك نصحوني و مخديتش الراي و اليوم راني في ندامة كبيرة
شوهت صمعتي و ما صحلي والوا
أنا نقلك خليك منهدي الهدرة حبني و نحبك
أتلاي في قرايتك و هداك الشيء ساهل حالوا
و نوصيك استخيري و حكمي ضميرك وايمانك
أختي أحبك في الله
أتلاي في روحك و باااااااااااااااااااااااااااااالاك في روحك
و الله العاقبة صعيبة و راني خايفة عليك
​

 

[shahrazad]

الي يخون مرة يخون زوج ثلاثة ربعة .......
واش ديري يا ختي بانسان ماقيمكش و خدعك !!!
بينيلو بلي نتي نفسك عزيزة وباعديه
و نصيحة اخوية مني ليك اخطيك خلاص من هاد طريق مازلتي صغيرة و مكتوبك راه يسنى فيك نشالله
دونك حافظي على روحك و كوني قوية و ماتخلي حتى واحد يستغلك
اسمحيلي ادا ضايقتك بكلامي لكن و الله غير راني نحكي
و في نيتي مصلحتك
و ربي يحفظك و ينجحك و تلقاي الي تتمناي
تقبلي نصيحتي

 

[bessmounette]

ختى انااا فى رآي تخليه لاخاطر ما يستهلكش و ما دام قدر يخدعك مرة يقدر يزيد يخدعك مرة آخرى
و شى لى ماهو ليك غير يعييك
و انت ما زالتك فى سن مراهقة اخطيه خيرلك
​

 

[sayco]

مازلتي صغيرة وخلي الدوسي تاعك نضيف .لي يحبك صح يبان في وقتو * .............attention

 

[حكاية انثى]

شوفي اختي بالكذب تولد الخيانة وبالخيانة يولد الغدر وهكذا
اذا تخافي على نفسك وكرامتك نسيه احسن ليك هاذا راايي وانتي حرة طبعا
لان للي يحب صح مايخونش ولا حتى لمجرد تفكير انو يخون

 

[Adel Adel1]

هداك الله و إياه و أصلح بالكما
شوفي أختي كي يحبك يجيك لداركم
ماشي يقعد معاك و يمشي معاك و يخلي الهدرة لي مش مليحة عليك و مع اللخر كونك هانية ماوش رايح يديك
و مرة أخري كي يجي مكتوبك و يوصل عندك باه يخطبك توصلو هدرة بلي راكي كنتي مع واحد

هادي بكل المشاكيل تولي عليكم يا البنات أفهمو تضيع عمركم في حاجة تضنوها ضحكة

 

[bessad]

لي خان مرة يديرها الف مرة كون راه يقول للقتاة لي خانك معاها بلي راهو يحبها هي

 

[largo19]

السلام عليكم
أنا نقلك أختي بصح نصيحتي تجيك ثقيلة بيسك نهار كنت قدك نصحوني و مخديتش الراي و اليوم راني في ندامة كبيرة
شوهت صمعتي و ما صحلي والوا
أنا نقلك خليك منهدي الهدرة حبني و نحبك
أتلاي في قرايتك و هداك الشيء ساهل حالوا
و نوصيك استخيري و حكمي ضميرك وايمانك
أختي أحبك في الله
أتلاي في روحك و باااااااااااااااااااااااااااااالاك في روحك
و الله العاقبة صعيبة و راني خايفة عليك
​

السلام عليكم .... شوفي النصيحة

 

[lil-mirou]

هدا سير يعقب في الوقت نصيحة غير اخطيك منو نتي مازلتي صغيرة و مازال العمر طويل تلقاي اللي خير منو...ديجا تاع الخيانة برك ماطمنش
​

 

[hard_way1990]

هههههههههههه آو حبيتيه ومنبعد قالك راني نحبك ومنبعد خانك وظرك رجعلك هاذي أمالا صرات في عصر السرعة ههه ..
نضحك برك أختي ..
راكي مازلتي صغيرة أصلا على الأمور هاذي وراهو غير الشيطان يزينلك فهاذ الشيء + سن المراهقة ..
أصلا كي تتوغلي في هاذ الأمور تلقاي بلي ماكان ولا فايدة تذكر لا زواج على سنة الله ولا هم يحزنون آبار ممكن تضري روحك تديري برايي صارحي أمك وهي تلقالك الحل ..
​

 

[نجاة40]

اختي كيما قالو لي قبلي انتي صغير والمستقبل مازال قدامك كملي قرايتك واخطيك من الحب الحب صح مليح بصح اذا ماتعرفيش صلاحك ياكلوك تاخذي رايي هاذاك راه غير يتمسخر انتي 16 ومبعد هاو يحبك وتحبيه ولخر راه تزوجو هاو سير مايكملش ويكره منك مع الوقت اسمحيلي بصح الحكاية هك وزيد هو يقرا يعني لازم باه يزوج يكمل القراية ويخدم ويجمع دراهم باش مبعد يفكر فالزواج الوقت هاذاك تكوني انت راحتلك احلى اوقات في عمرك
اخطيك من الحكاية هاذيك مازلتي صغيرة​

 

[مروة MARWA]

شوفي ادا قالك نحبك اعرفي بلي راهو يكذب على خاطر لوكان كان يحبك صح ما يقولهالكش بصح يبان من تصرفاتوووووووو
ان شاء الله فهمتي

 

[فؤاد الورقلي]

السلام عليكم

يا اختي راكي مزال صغيرة يزيك من هذا الصوالح وتهلاي في قرايتك احسن

وفقك الله

 

[salma2010]

باين انه يلعب بيك والدليل الخيانه وتلاقي البنت اللى خانك معاها تركتو علشان كده رجعلك ومش بعيد لما يلاقي واحده تانية يرميكى وهاكدا ننصحك تبعدى عنه لانه باين انه نسونجى

 

[SO GooD]

راك 16 سنة يا طفلة !!

مرحلة مراهقة فقط

كي تفوت هاذ المرحلة راح تضحكي و تقولي شا كنت انا ندير
​

 

[حنوون]

ختى انااا فى رآي تخليه لاخاطر ما يستهلكش و ما دام قدر يخدعك مرة يقدر يزيد يخدعك مرة آخرى

و شى لى ماهو ليك غير يعييك
و انت ما زالتك فى سن مراهقة اخطيه خيرلك​