×× الأستاذ الجزائري ××

[عفاف_48]

صباآح الخير



غادي نحكيلكم قصة أستاذ جزائري
وهو الأستاذ تاآع الانجليزي تاعنا



اليوم وكيما كل يون نضت صباح ورحت نقرا
وصلت لليسي المشؤوم تعنا

دخلت لهديك الكلاصه وانا عينيا مغلوقين من النعاس
و حطيت صوالحي ودخل الاستاد
وبدينا الدرس هو يشرح ويسأل وحنا نجاوبوه
وانا عييت رافده يدي باه نجاوب حتي ذراعي درني
وهو مارفدنيش من لرض تحسب كنت غير مرئية
كمل الدّرس
وخرج الاستاد درب دوره برا وولّي
جا عندي قالي انتي بنت السّي فلان مدير المتوسطة
قتلو انا ايه
ومن تماك وليت انا اللي نجاوب 70% من الاسئله يطرحها
انا صراحة ماعجبنيش الحال
حتى القرايه ولا فيها ولد فلان وولد فلان
وحنا نقولو بلاد ميكي
لازم نقولو غاشي ميكي ماشي بلاد ميكي
حبيت نعرف ادا هادي الظاهر كاينه في مؤسسات اخرى ولا غير تعنا ؟؟​

 

[ايمان48]

وين تروحي تلقايها

 

[الروائية الفور]

موجودة في ربوع التراب الوطني

 

[Hinata_18]

هههههههههههههههههه
أنا حسدتك علابالك
نفس السيناريو ف كل ليسي
الله غالب البيسطو قتلنا
​

 

[bessad]

و ما زال وما زال

 

[IMANO77]

وتستمر الحكاية هههههه والله البيسطو حتى في الجواب

ديما كاينا بصح أنا أثبتلهم المقولة

ليس الفتى من يقول كان أبي بل الفتى من يقول ها أنا ذا

كنت ألمع من ولاد الوزراء في حد ذاتهم الحمد لله

شكرا ليك على الموضوع والله فكرتيني بأيام الدراسة

 

[Midia]

الدنيا ولات مصالح وبيسطون اختي...................
​

 

[faroudjase]

لا حول ولا قوة الا بالله.مهما كان فهذا استاذك ولا يجدر بك ان تقولى هذا الشيء.علمك الكثير وابحثي عن السبب الذي دفعه لذلك.

 

[عاشق مجنون]

هههههههههههههههه الله يبارك

راكي وين ترووحي تلقايها

راهي ولات حتى في المساجد أي إمام و أصبح يستشهد مع الشخص يكون معروف

و الله يهدي ما خلق
​

 

[fahima m]

ايه وين تروحي تلقاي هذي الظاهرة
للاسف بلادنا ولات نتاع مظاهر ومصالح متبادلة

 

[SO GooD]

الظاهرة هاذي راها par tt

مشكوووووووووووووورة على موضوعك ​

 

[amoula19]

وين تروحي تلقاي البيسطون......حنا العام الي فات قرا معانا ولد استاذنا تاع الفرنسية
و مرة ادى3 في الفرض تاع العربية.........امالا الاستاذة تاعنا ردتهالو .........
14........ربي يهدي الاساتدة تاع الوقت هذا هبلوناااااااااااااااااااااا​

 

[ASMA17]

ههههههههههههههه
راهي بار تو

 

[أميرة العيون]

اييييييييه ياخي غير كاينة وسكتتى زعما الاستاذ هو المثل الاعلى اهو لي يربي هذه الدنيا بلوجوه هكذا عدنا نعيشوا

 

[صدي الجحيم]

ههههههههههه
هدي راهي عادي سراتلي شحال من مرة
وفي بداية العام يعني من شهر ولا كي دخلنا الاستاذ لي يجي يسقسينا واش و اسمك لقبك وواش يخدم بيك

 

[هاوية المنتديات]

وين تروحي تلقايهم بلادنا ولات تمشي غير بالبيستو
يودي قريب باش تشري الخبز تولي بالبيستو​

 

[ملاكي]

انا papa صاحب المراقب العام
كل صبح روطار مي توجور ندخل و لخرين يستناو
انا بنت صاحبو

 

[نسومة]

الله يهدي الأساتذة تاوعنا برك
هادي الظاهرة مش جديدة علينا
راهي عادة في التراب الوطني
وين تروحي تلقايها قدامك ​

 

[CYRINE]

كاين !!!!!!!!!!partout

 

[معاك يا الجزائر]

و الله وين تروحي تلقايها.الدوني راه كثر من المليح في بلادنا.و الله راهي شافتني بلادي المسكينة.انا كي كنت صغيرة ضربني المدير ظلما.ربي يسمحلو على كل حال و حاوزني و قالي جيبي باباك.كي جبتلو بابا صابو يعرفو.قال المدير لبابا انا jamais شفت هادي الطفلة.هاهاها.و عنقني و مدلي الدراهم.و الله غير غاشي ميكي.الله يهدينا.