أستاذ يعتدي على تلميذة

[PISOS]

ياجماعة الخير ... رايح ننقل لكم خبر صحيح
أستاذ التاريخ في ثانوية فاتحة امحمد بالعبادية ولاية ع الدفلى يعتدي باللفظ المعنوي على تلميذة دون أن تفعل أي شيئ .
التلميذة ممتازة علما وخلقا حسب الجميع لكن تعاني من ضعف النظر وعاملة نظارات طبية
حبت تشارك ورفعت اصبعها مثل البقية .
قالها أنت حالة فضيعة .... كيفاش خلاوك تدخلي الثانوية.... مستحيل هذا
قالت بأدب كبير : واش درت يا أستاذ ... قل لي فقط ... وما حبش يشوف ليها
من يومها راهي تبكي .....وحبت تبطل قراية
القصة صرات من يومين ومؤكدة لأن عندي ابن اختي يقرا في نفس القسم

 

[D@rk Angel]

ههه , هذا حيوان مش استاذ .

 

[karim073]

لا حول ولا قوة الا بالله

لا حول ولا قوة الا بالله

الله أكبر

الله أكبر

 

[Adel Adel1]

أنا كنت طاغية بالمدرسة مدير الشغب و عقيد المشاكل و جنرال الخدع و المقالب
لماذا ؟؟؟
كنت عاااقلل بالمدرسة فالقسم ديما ساكت
وحد النهار فالحصة تاع العربية غلطت الأستاذة في بيت شعري صححتولها و زادت قرات بيت غلطت وليت صححتهولها
قالتلي أنت مرض ماكش متربي في بالك رايح تنعتلي خدمتي نتا "جاهل بمستوى ضعيف"
علابالك وش كان ردي
قلتلها للأسف مليس بديتي تقري علابالنا بيك بكل بلي خشيتي معريفة و دليل بيت شعري ماعرفتيش تقرايه يا" أستاذة العربية " راكي تبهديلة و عار على الأساتذة يصراحة أستاذتي مع حترامي ليك الحق يقال
قالتلي مالا و الله درك نقعد بلاصتك و شرحج القصيدة
قلتلها أعطيلي الورق و تحضير تناعك
قالتلي لا واحد كيما نتا مايمسش حوايجي " مع حترامي ليك
قلتلها مشكورو على حترامك وولي بلاصتي ونشوفو
طلعت هزيت الكتاب و لحسن حضي كانت القصيدة تاع عنتر بن شداد
كنت نقرا القصايد تاعو و ندرس عليهم باه نتعلم
والله بديت بالشرح و تلاميذ شاركو و دخالت المراقبة العامة مع المدير مافهمو والو
هوما كانو جايين باه يديرو تفتيش و أنا كنت هاز موس " خنجر"
سترني ربي
قالت المراقبة و ش يدير هنا وش صاري حكاتلها الحكاية و كذبت قلت للمراقبة و الله راي حرفت
ناضت تلميذة و حكات واش صرى وقالولها بلي درت شرح خير منها و كلش
ناض المدير قالي واش نتا كي شفت روحك حاكم نشاطات رايح تولي أستاذ و طيحلي الهدرة
قلت مالا كيفك كيفها و خرجت
من النهار هاداك و قفو معايا أساتذة يحبوني و وليت طوايشي ديراكت لي يهدر يلسق


من الحكاية هادي هادي لي صرالها هكاك تقدر تهز عبرة و ماتبطلشس ممكن دير كيما أنا بصح مش تولي طوايية
إنما ترد بطريقة مش مليحة و تدافع على رحها على خاطر الأستاذ لي مايحتارمش تلامخيذو راو عار على تعليم و العلم بحد ذاتو

 

[amoula19]

الاساتذة تاع الوقت هدا كي تسكت وتكون متادب معاه يركب فوقك
بصح كي ما تسكتلوش على حقك رايح يركح و يحبس من فياقتو ​

 

[la fole]

الله يهدي ما خلق اساتذة كيما هاذو مالازمش معاهم الادب لازم تعطيلو حقو من الكلام قدام التلاميذ باش يعرف قيمتو

 

[PISOS]

أرجو من جميع الإخوة الرد بقوة على هاذا التصرف
المشكلة أن هذا البنت طيبة جدا جدا وماهيش انتاع مشاكل .

 

[Midia]

يخي مونغول يخي هذا استاذ هذا...................مي هذا حيوان ومزية الطفلة كالم ورزينة كون وحدة خلاف تحطلو سعدو في يديه......................
​

 

[x123]

هاذا حيوان
و اقسم بالله لو صرات هادي الحاذثة لاختي او انسانة قريبة ليا
رايح يندم على يوم لي زاد فيه
​

 

[ASMA17]

هاد راه جاي معمر من دارهم
فرغ زعافه في الطفة
الله يهديه ان شاء الله
هاد راه مريض ماراهش في عقله

 

[أميرة العيون]

هذا مايستاهلش انو يكون استاذ

 

[zagane]

السلام عليكم
زعما يعلم الأدب و التاريخ

 

[الأمير الجزائري]

مثل هذا يجب معاقبتهم يا أخي
هم لا يستحون ولا يعرفون النتيجة السلبية لهذا الكلام الجارح
يفترض أن يكون الأستاذ مربيا .
الله لا يتربحو

 

[the summer]

هدا الموضوع مسني بزاف وان استاذة ارفض بشدة كلام مثل هادا او فعل متل هدا وانتمى من كل قلبي التلميذة ترجع تقرا وما تسمعش هاذا الكلام وانما يشجعها باه تزيد وتواصل الدراسة لان السقطة التي لا تكسرك تقويك
ولكن عندي تدخل بسيط لا نحكم على الناس بتسرع اذا كان الاستاذ معروف عنه قلة ادب دائما هدا لازملو اجتماع عام من طرف التلاميذ انهم يتكبو رسالة للمدير ويقاطعو الدراسة عندو وهكذا نتهناو من شخص عالة على التعليم
اما اذا كان ت اول مرة تحدث مع الاستاذ يطلب من التلميذة السماح ويخلاص المشكل
لان ممكن كانت عنده ظروف قاهرة جعلته يتفوه حاجةم ممكن كون تسالو الان واش قلت يقولك مش عارف
عموما ربي يصلح امورنا
وتقبل مروري الطويل بصح هدا هو الصح

 

[ikhlas]

هذي التلميذة لازم ترفع دعوة قضائية على الاساذ ولازم تجيب شارتفيك ميديكال من عند طبيب نفساني لانه رايح يحطملها جياتها هذلحيوان ........

 

[ikhlas]

الاساتذة نورمالمو يعاملونا بلطف سيختو لي يقراو ............حتى انا ندرس مليح ونهار لخميس نسيت كراس الجغرافيا فالدار استاذتنا جديدة طردت قاع لي ماجبش الكراس وان وحدة منهم ..............ماعييت نتاسفلها ونقولها يا استاذة الله يحفظك انا راني حابة نقرى سمحيلي مشي بلعاني مي هي ماحبتش تفهم ......وبقات تعيط وتقول برا راني نقول برا ...........ماعييت ندلقلها وقلتلها ماشي انا لي نطرد وانا جامي عاملوني كيما هكدا مي ما حبتش تفهم ...........انا خرجت جبت كراسي مالدار غي قريبة .........ورحت عند الحارس العام وبقيت نبكي ونقوله انا انا نطرد من لكلاصا وهو قالي صايي راهي عاد جديدة وما تعرفكش وكل الاساتذة صاروا يسكتوا فيا زبسبتي قاع الي غابوا دخلهم الحارس العام .

 

[karim073]

فعل هذا باسم العلم والاخلاق والتربية ......

الشعبي هو المسكين و الكل محاسب ....... لا محالة

الله أكبر عليه وعلينا وعلى أمثالوا

 

[Moha le sage]

السلام عليكم


الاستاذ عبد كيما هو كيما هي .. يغلط ويصلح

اذا كان هو تصرف هكذا بحسب العادة تاعو ..يعني هذا طبع فيه ..متكبر و مش متربي ..فنقولو ربي يهديك .. و يمكن ان تتصل بوالديها و يطلبو اعتذار شخصي منو

اما اذا كان غلط .. ومكانش لي ميغلطش .. راه يفيق لروحو من بعد و يأنبو ظميرو ..

زيدلها حوايج بزاف لربما كان عندو مشكل هذاك نهار .. او ضغوطات ..ربي عالم باحوال الناس و مشاكلهم ..

و اي قضية من هاذ النوع مالازمش نعزلوها .. ولكن نشوفو كامل ظروفها ..

 

[نسومة]

هذا تصرف لا أخلاقي و المشكلة انو من طرف استاذ أي صاحب الاخلاق نورمالمو مي معندنا ما نديرو هدا الاستاد ربي يصلحو و يهديه و بالاك كان مقلق و خلاص و جات غلطة منو مي البنت ميلزمش تبطل قرايتها على سبة كيما هادي ترجع تقرااا و يلا محبتش هداك الاستاد تتحول من الكلاصة و تقراعند استاد وخداخر و خلاص الهروب ماشي حل و لا ترجع تدرس عندو و تبينلو بلي كان غالط معاها
انا تاني مرة استاذ كان يسجل في الغياب و مين كمل قاس الستيلو و بدا يسب فيا ما خلالي والو و انا غير ساكتة و نبكي حتى كملت الساعة تاعو و مهدرتش قاع معاه مسقسيتو لا علاه لا والو مين جات الساعة تاع غدوة من داك معااه ايا عيطلي و بدا يهدر معايا تكلي ما صرا والو

الهرووووووووووب ليس حل
تقبلي مروري ​

 

[اشرااق]

الاستاذ قدوة ومربي قبل كل شئ ومن المعيب ان يتصرف استاذ بهذه الطريقة في حق أحد تلاميذه خاصة ان التلميذه المستهدفة مؤدبة وممتازة وان كانت مصابة بعيب خلقي فهذا مدعاة للتعاطف معها واحترامها وليس العكس
اتمنى ان تتجاوز التلميذة مشكلتها وتعود بعزيمة وارادة اكبر للنجاح وان يعتذر الاستاذ المعني عما بدر منه او تقوم الادارة باتخاذ اجراء ردعي في حقه على الاقل يكون تعهد بعدم تكرار هذا السلوك مع تلك التلميذة او غيرها
يبقى ان نقول ان لكل قاعدة شواذ وحالة هذا المربي السئ لا تنطبق على الجميع فالاستاذ اب واخ ومربي واحترامه واجب ​