ادخلو بسرعة بسرعة

[الروائية الفور]

السلام عليكم ياخاوتي اصحاب اللمة معليش خلعتكم باالعنوان المهم ياخاوتي منذ الاستقلال مشفناش ومسمعناش الشعب الجزائري فرحان ورافد الريات ويتغنى باشعارات وطنية لاخليدة تومي باالمهرجان انتاعها ولا الانتخابات الرئاسية ولابطاطة الخنزير...
خلات المواطن الجزائري ينسى الهم والديكوتاج والحرقة و الانتحار غير هذاك الجلد المنفوخ الذي ينط هنا وهناك (البالو) ايه البالو هي ليخلات الشعب الجزائري يوقف وقفة واحدة هي ليخلات الغني ايعانق الفقير والكنة تعانق العجوزة......
المهم منطولش عليكم وانشاله مايكونش هذا الموضوع معاود:confused1:

 

[نور الانوار]

عادو الناس برا ولابسين الدرابو وواحد لابس التونو تاع دزاير وواحد حاط كاشني ولا ايشارب تع دزاير والبنات بلي قورمات تاع دزاير ايماا ايمااا رجعت الفرحه زاد الحب تاع الوطن
كثرت الوطنية هههه الي توحشناها

بصح حاجه غريبة شوية
انو الدرابو يتباع ؟
​

 

[ملاكي]

البالون بينت بلي نحبو بلادنا رغم كلشي

 

[نجاة40]

هههههههه خويا سبغ روحو بلخضر ولحمر ولبيض ونهار كامل هو بالغنا نتاع دزاير علق الدرابوات فالدار حتى يما قاتلو دبرلي درابو تعلقو في طابليتها كي تروح تقري هههههههه
انشاء الله ربي مايخيبناش ويفرحنا يااااااااااااااااااااااااااااااااااااااااااارب​

 

[emy39]

ان شاء الله ديما رابحين ربي ينجح الفريق الوطني ويفرحنا بيه وتزيد محبة الجزايريين وتحيا الجزائر معاك يا الخضرا نديرو حالة

 

[IMANO77]

حب الكرة من حب الوطن بصح أحلى شي لي صاري ختي الدنيا ملونة بالوان العلم الوطني

يكتر خير البالو لي نوض الوطنية الملتهبة في قلب كل جزائري

مشكورة