أزمة السكن

[أم نورهان]

السلام عليكم
هده أول مشاركة لي في المنتدى
أريد طرح موضوع عن السكن و أرجو المشاركة
أصبحة أزمة السكن في بلادنا هم كل مواطن وخاصة الشباب الدي يريد الزواج و بناء مستقبل
أنا أعمل مند 3سنوات ولحد الآن لم أوفر المبلغ للمشاركة في البناء التساهمي .راني بغيا نعرف كيفاش راهم يديرو هد الناس ليخلصو بشهرية تلقاهم بانيين فيلات و لا ساكنين في أبرتمو تع ثلثميات مليون راني باغيا نفهم فهموني كيفاش لعيشا في بلادنا :confused1:

 

[السوفي حمة]

أختي الكريمة
أنا أعمل منذ سنوات وللعلم أنني إطار في الدولة
ومازال مشريتش حتى قطعة أرض يعني كل أحلامي مؤجلة،
إلا كاش واحد يعرف الجواب ما يبخلش علينا بيه.
لكن نظن الجواب معروف

​

 

[ألاء الرحمن 90]

ماشي لي عندهم شهرية قاع راهم عايشين باش تعيش وتشري فيلا لازملك 2 خلصات على الاقل ما تلحقش المعيشة غلات والسكن كان ازمة واصبح ازمة كبيرة

 

[دودو لبزاف]

هه بلحرام وي انا نظمنلك سيارة و فلة

مي بالحلال صعيبة شوي

رانا عايشين مع حيوانات

ربي يحفظكم ​

 

[médéenne.girl]

ختي لي راهم دايرين الفيلات أنا نقلك العقلية كيفاش القاعدة تقول :
ديري الفيلا لازم تاكلي من روحك وحنا هاديك المعيشة ما نقدرولهاش وماناش متعودين عيها الله غالب حنا 3 يخدموا في الدار وماقدرناش نديرو فيلا كاين لي عاطيلو ربي منحسدوهش الله يزيدو و كاين لي يسرق باش تصيبي واحد دار الفيلا في مدة قليلة هادي مكاش منها والله يبرينا من الحرام
امالا ادا راكي واجدة باش تشحي نقولوا تقدري ديري سكنان بشويا و اذا ما تقدريش تبقو ازمة السكن توجور ........
والله ما يغروك صحاب الفيلا تصيبيهم ع الدورو يقتلوا شوفي برك واش ياكلوا وواش يلبسو ورديلي الخبر
و انا جو بريفار نسكن في مسكن عادي و ناكل واش نحب ما نبخلش على روحي شكون يضمنلي رح نعيش منا لغدوة
ولا ندير فيلا طول و عرض ونشح على روحي ..........

 

[karim073]

مدير بنك جزائري يشتري فيلا ب 7 ملايير ثم يهدمها لاعادة بناء فيلا جيديدة

يعني حوالي 20 مليار ?,,

لكن اختي انت وانا و نحن لا نمتلك مثل هذا المبلغ ولا مثل هذا العمل

حفظنا الله

سنجد الاحسن في الجنة

لأن حقنا مسلوب و ضائع فالله معنا ...

 

[البسكرية1990]

الناس تعيش وتربي الريش وناس مطايشة لبر
ديار والاراضي عادو يتوزعو للناس الي عندهم ديار اصلا باه يبيعوهم ويشرو طنوبيل ولا يكملو يبنو ديارهم على الدوزيام ولا الطروازيام ايطاج راكي علابالك بصح الي ماعندوش دار خلوه لبر واش رايحة الديري .............. شكرا على الموضوع وربي يوفقك

 

[largo19]

و الله غير مشكل تاع الصح... مي اسمحيلي اختي.. أنا جبدت أسمي من قائمة الناس اللي يخممو باش يشرو سكن ولا طوموبيل جديدة...
نسيت هاذ الأحلام . حتى فكرتيني فيها....
أنا نحكي على روحي.. خدام الحمدلله ... مي لقيت روحي كيما نحسب ما نلقاش حل باش نشري سكن ولا قطعة أرض .. ولا حتى باش نبني طابق قي منزل مع الشيخ بابا... و على هاذا راني . .لا زواج لا والو malgré علابالي بلي راني روطار.. مي الله غالب... ما نقدرش نجيب بنت الناس و نميزرها معايا.. مام اني خدام.!!!!
قالك الخدمة و الفحولة.. خدمت طول حياتي و النتيجة 0000000
..... على الأقل لوكان عطاولنا سكنات إجتماعية في الباطيمات .. مام f1 . ماعليش.. المهم الواحد يخبي راسو... و راهي ليهم الفيلات و لي ميليار ...
ربي يجيب الخير...