الطابلية الزرقاء راهي تتحول بيضاء

[الأمير الجزائري]

مشكلة الطابليات مازلت وهادي خرجة جديدة.
الجديد هو القماش الأزرق اللي شراوه عائلات وخيطوا بيه طابليات راه يتبدل ويرجع أبيض
راهم يقولوا القماش مغشوش .... هو في الأصل ابيض وصبغوه بصبيغة زرقا وكي غسلوه راه يرجع لأصلو (بلاك كان مصبوغ بلابانتير تاع القاتو انتاع العيد)
كيفاش الحل؟؟؟ التلميذ يدخل بطابلية زرقاء ويخرج بواحدة بيضاء أفتينا يا سي بوزيد ؟؟؟

 

[احساس طفلة]

ياخو هدا بوزيد راهو هبلنا صح والله غير بزاف وسيفري القماش مغشوش وراني نشوف كيفاش راهو يحول
نشاله هدا بوزيد يرجع لعقلوا ...شكرا

 

[moha073]

والله عندك الحق مي واش رايح دير ​

 

[nina bonoise]

حتى انا قريتها في الجورنال
وش حنديروا

 

[اسد الدين]

ماذا تتوقع من وزير ملحد مايخافش الله في الفقراءالمهم التكوين مشي التلوين واش هي الفايدة من الزي الموحد وعقول التلاميذ فارغة الله يهديك حيرتنا معاك

 

[Rosa2]

gاع العام و هوما يشكلو و الله ما علابالنا وين غادي نوصلو ...

 

[ايمان48]

واش نديرو ان لحد الان ما شريتش ولا خيطت طابلية

 

[الأمير الجزائري]

شكرا على كل واحد وضع رد
مشاكل التعليم كثيرة وكثيرة

 

[**بنت الأصول**]

ياخويا مش كان الطبلية الزرقاء حتى الطبلية الوردي تاني
عندي أختي شرت طبلية وردي وكي غسلتها تبدل لونها يعني لقماش مغشوش كيما قلت
راهو الغش في أي مكان يا خويا

 

[wahab145]

بارك الله فيك اخي و جازاك الله كل خير​

 

[أمين حاجي]

أودي ماكان والو و الله أنا كرهت في الجزاير
الواحد يدي حياتو قاع قراية و من بعد يجو وحدين كيما هادو يتمسخرو بيه
و الله ماينطقو العربية مليح تحسبو قاوري
أنا 17 سنة و أنا نقرا و كي تخرج تلز للحيط باه تشدو تخافو يطيح
لازم مايديروش البيليات أحنا هوما البيليات
​

 

[البسكرية1990]

ههه نورمال وراه المشكل يرنخو الطابلية في الصبغة الزرقا والصباح يتصبحو رايحيين بيها ولا ما يزيدوش يغسلو الطابليا ....على جال خاطر السي بوزيد الي مازال مافطنش

 

[حكيم البرايجي]

كل يوم يخيرجنا بخرجة

عندي 100 سنة

وماحبوش يبدلوه علينا

يخي عقلية نتاع أطفال

تحياتي
​

 

[مغرورة بأنوثـتي]

والله ويدير ماشي غير توحيد اللون
تبقى توجور الطابليي من الكارطابل متخرجش غير ادا جات كاش معجزة
و السي بن بوزيد راهوا يخبي في العقول الدزيرية لوقت الحاجة ولا كيفاش؟

ياخي تمسخير والله غير كرهونا في القراية
ويقوللك انتوما متقراوش

 

[aMiNa-K]

نورمال يعاودو يسبغوهم وين راه المشكل
كولورو تاع الحلوة رخيص.. كما تباعو مسبوغين يكملو يلبسوهم و يسبغوهم

و هكدا يقعدو يلعبو
يخي تمسخير يخي.. بن بوزيد علابالو بهاد الشي و ضارب النح.. الله لا تربحو​

 

[PISOS]

عجبتني هاذي الطابلية المسحورة ادوها لواد يرقيها

 

[EmO-bOy]

والله عندك الحق مي واش رايح دير ​

 

[صفوة الوفاء]

السلآم عليكم
ليست مشكلة بن بوزيد بل مشكلتنآ
و ليست جديدة...الغش ....
و لانه ظآهر الكل يقول علاه غشني ؟؟؟
و ننسى الغش الاكبر تع الامتحآنآت....
الكل غشاش و كلنآ في الهوا سوى
لن نتغير
حتى نغير مآ بأنفسنآ

ربنآ يصلح احوآلنآ
تحيآآتي = الايروكية=

 

[Badech]

ـبسم الله الر ـحم ــن الرحيمــ
وَ اَللهِ لَوْ قَطَعُوْ يَمِينِيْ لَنْ اَتَخَلَىْ اَبَدًا عَنْ دِينِي
السلام عليكم ورحمة الله وبركاته

...ـوشبت النار في خيمتنا :]

صدقني ما شريتها

و ماراحش نشريها

.. اللهم يا ع ـالي انـ صر منتخ ـبنا الغاليـ ..
الَلهُمَ صَلِيْ عَلَىْ سَيِدِنَا مُحَمِدْ وَ عَلَىْ آلِهِ وَسَلَمْ
.. ـالْفـَ اهِمْ يَفـْ ـهَـ مْ ..
سَامِـ حُونِي عَلَى الِإزْعَ ـاجْ
.. لَا يُهِمـُ ِني َردَكْ اَوْ َتقـْ ـ ِـييمَكْ المُهِمْ اَنْ تَـ سْتَفِيـ دْ ..
اللـهم أَعِ ـنِ عَلـ َى ذِكْرِكَ وَ شُـ كْرِـكَ
.. إِقْرَا جَيـِ ـ دًا مَا بَيـْ نَ السُـ ـطُورْ ..
لَا تَكُنْ كَمَا كَانَ بَعْضُهُمْ بَلْ كُنْ تَخَافُ إلَا الله
.. ــSilent Hunterــ ..​

 

[abdou27]

السي بوزيد ما راهوش إمام يفتيلك

ونزيدك حاجة أنا سمعت باللي كاين كمية كبيرة تاع قماش شراوها الروس الكبار

ومالقاوش كيفاش يسربوها ولاو دارو الزروقة في الطابلية ههههههههههه