يا بنات فوقو بركو من الاحلام الوردية................

[fahima m]

ههههههههههههه انا وقعت في الفخ ههههههههههههههههههههه


يا ختي انا خطبت الحمد الله لعقوبة ليكم

مبروك عليك خويا مي نضن ماكش فاهم موضوعي تحياتي لك

 

[fahima m]

الحمد الله اللي فهمتيني:yahoo:
و الله يا أختي نصحتها و فهمتها mais ماكان والو..قتلها منحس والو معاك الله غالب الحب مش بدراع
انا حبيت نوصلك انو كاين رجال و رجال باتم معنى الكلمة
ناس بكري قالو
الزوخ و الفوخ مايزيد فالرجلة
انا حبيت نحكيلك وش صرالي برك
باللي هي سلمتلي الجسد تاعها و كان في بالها انها ررايحة تغويني باش نولي نحبها بصح انا قلتلها non كانت عندي فرصة اني نفسدها و هي اللي عطاتهالي لكن انا رفضت
هادا قصدي من قولي قبيل اني تصرفت بما تمليه عليا رجولتي و تربيتي
المهم
تهلاو في رواحكم يا لبنات
الرجال.....الديزيري فحل و اللي متحبهاش لاختك متحبهاش لبنت الناس(نحكي على الفحلات)
​

بارك الله فيك اخي انشاء الله برك يكونو الرجال كامل كيما انت واعرف برك مانيش نجمل كاين وكاين وشكرا

 

[fahima m]

ياو في زوج يلعبوها هو داير وحده منا وحده منا ولي سهلت هاذيك هيا
وهي تحكي معا هاذا ومع ذاك وتلعبها سيريو وتزير روحها وتقول انا خاطيني وهي تحكي مع وشحال من واحد وتقولك لي حكمت معاه هاذاك هو هاذا تلعبهالو سيريو وهاذا طمعو بشويا هكا ولي طاح في الشبكه تقلك هاذاك هو
والراجل ديريها في بالك بلي قله قليييييييييله لي يتزوج بوحده حكا معاها وتعمق معاها راكي عارف واش نقصد في الحكيات الا اذا تاكد انه غير هو لي تعرفو او اول واحد حكات معاه

هههههههههه وهاذا وش راني حابة نقول للبنات انو لازم ما يوقعوش في الاحلام الوردية ويخضعو للواقع ويعرفو بلي الراجل الي يحبها صح يروح يخطبها
وشكرا على المرور

 

[القطة الزهرية]

ايه الحب تاعكم مش سامعة بجد يماه خلاص وفي رايكم كاشمة بقى حب في هذا الزمان غير المصلحة تقول لختها تازي

 

[fahima m]

ايه الحب تاعكم مش سامعة بجد يماه خلاص وفي رايكم كاشمة بقى حب في هذا الزمان غير المصلحة تقول لختها تازي

ما تسمعيش بيه خير اختي هههههه شكرا على المرور تحياتي لكي

 

[hayderr]

يعني ما قريتش رايك في وش قلت ؟
الظاهرة خفت منه
الانتقائية في الرد مش مليحة . تفقد الموضوع مصداقيته
ربي يهنيك

 

[كبرياء دمعة]

انا امور الحب و هاد لحوايج كامل ماشى من اهتماماتى و ماشى سامعة بيهم كامل
صح كاين منه الحب مى يجى بعد الزواج ماشى مقبل
لانو اللى يجى قبل كامل تمسخير و تضياع وقت و قلة حياء
يعيشوا فى الاوهام و حاسبتلهم راهم فى مسلسل تركى
مكتوبى ربى يجيبهولى و اللى يحبنى يجى للدار
الحمد الله عمرى ما طيحت بروحى قدام كاش واحد ولا شككت دارنا فينا و ولا طيحت بتربية و قيمة اهلى و كرامتى و كرامة دارنا دايما مرفوعة و الحمد الله
موضوعك بزاااااااف شباب و كيما قلتى اللى يحبنا يجى للدار يخطب

 

[fahima m]

fahima بشوية برك
راني نشوف فيك كللي موشوكيا ؟
البنات ما همش الكل نتع تمسخير كيما لولاد مهمش اكل نتع تمسخير
بصح كاين وكاين ؟
كاين بنات الله يهديهم ويهدينا هي تشري لنفسها المحنة والعذاب
تلبس مليح وتحط الحطة وتثير الفتنة باسم التحضر وهم بعاد عنه
اسالي اذا حبيتي جامعاتنا وثانوياتنا ومتوسطاتنا وشوفي حال البنت فيها
انا لا اعمم حتى لا اظلم الجميع
فيها بنت الاصل والمنبت الطيب بصح عادت ما تبانش معاهم
الكل جرفه تيار التمدرن والعصرنة باسم الحرية
للاسف الكثير يضعن خمار ولكن ما تحت الخمار لا يمت له بصلة
هل الحجاب الشرعي اصبح عائق للبنت والله ارى العكس
ربنا سبحانه امر البنت بالتحجب عن الاجنبي وان هي ارادت ان تخرج من بيتها تضع حجابها الحامي لها من كل العيون الخائنة بشرط ان تكون غير سافرة ولا مجاهرة بالسوء
كثير من البنات يخرجن و ريحة العطر تشم من كذا متر وهذا الامر منهي عنه شرعا لانه
يثير الغرائز المكبوتة لدى الشاب
يعني انا لا ادافع عن الشباب لان هناك منهم للاسف من يحب اكل اللحم النتن اليوم ويوم القيامة اسال الله الهداية للجميع ويعطي لنفسه المبررات ونسى ان الله ابتلى سيدنا يوسف عليه السلام واختبره وكان عبدا مامورا وكانت التي ارادت غوايته سيدته في القصر فصبر وتمسك بحبل الله فكيف لهم وهم اقل ابتلاء منه .
ان شبابنا (بنات وبنين )امامه كم هائل من الفتن ( النت ، التلفزيون ، مظاهر عدم الاحتشام في الشوارع ) وامامه ضعف الوازع الديني والابتعاد عن الاخلاق الحميدة وتخلي الاسرة عن تربية اولادها تربية صالحة ماذا تعتقدين ان تكون النتيجة ؟
هل سنرى مجمتع ينعم بالاخلاق الحميدة ام العكس ؟
واضح الجواب نسال الله العافية
اما فكرة موضوعك فاحييك عليها وهي دعوتك الى بنات جنسك ان يتمسكن بدينهن وان يصبرن وان لا يتزعزعن وان لا يفرطن في انفسهن فهن غاليات عند الله ثم عند اهلهن ثم عند ازواجهن
و اختم القول بهذا المثل :
حبة الحلوة اذا اخرجت من غطائها ماذا يحدث لها ؟ بالطبع سياتي الذباب الطائر ليلعق من حلاوتها
اما التي لم تخرج من غطائها فمهما حاول هذا الذباب فلن يستطيع ان ياخذ منها شيئا والفاهم يفهم
وشكرا لك ولكل من تدخل

شكرا اخي على هاذا التعليق الرائع واوافقك الراي في ما تقول تحياتي لك واعذرني على التاخير في الرد

 

[ايمي03]

والله كلامك صح ونتمنى كل بنت تفكر مليح قبل ما تتخد اي قرار وخاصة لو كان عن الحب والزواج

 

[Mouni Miss]

bnat lyoum ychofo had lhadra takhalof malleuresment.watafla li hahma roha wtahchem y9olo 3liha habssa.ana soufrit fladolecence men had asujet.bassah dork 3raft beli kan 3andi lha9.welhamdolah makhalit hata wahad yahder 3la baba wela khoya...wdima nansah khwatati sghar wesshabati bach ykoun fi hyathom rajel wahed howa rajalhom .bach rabi ybarekelhom....

 

[nour93]

سامحوني انا جامي لعبت بمشاعر تاع طفلة وذرك تصدقوني كي يرد واحد العبد او عمبلو بروحو​

 

[fahima m]

bnat lyoum ychofo had lhadra takhalof malleuresment.watafla li hahma roha wtahchem y9olo 3liha habssa.ana soufrit fladolecence men had asujet.bassah dork 3raft beli kan 3andi lha9.welhamdolah makhalit hata wahad yahder 3la baba wela khoya...wdima nansah khwatati sghar wesshabati bach ykoun fi hyathom rajel wahed howa rajalhom .bach rabi ybarekelhom....

شكرا على مرورك اختي وبارك الله فيك ومن امثالك

 

[fahima m]

سامحوني انا جامي لعبت بمشاعر تاع طفلة وذرك تصدقوني كي يرد واحد العبد او عمبلو بروحو​

شكرا على مرورك اخي ولكن نحن نتحدث عن انا الرجل لما تعجبو وحدة يروح يخطبها لانو في العلاقات ماكاين حتى ضمانات
تحياتي لك

 

[boutarfaya]

الرجالة كامل خاصة نتاع جزاير ماهم نتاع حب ماوالو ما يعرفو يعبرو
يعرفو الامراة غير للاغراض الشخصية وكامل يخمو هكدا
وانتوما تشوفو غير في الطفلة الي مش مليحة ومن خلالها تحكمو على البنات كامل وهذا تفكير خاطئ
كاين وتقريبا اغلب البنات بنات فامي ونتم تعجبون غير بلغير متربية وكي تخدعكم وتتمسخر بيكم تقولو تبريركم الساذج البنات كامل نتاع تمسخير
ياو راكم انتم الرجالة نتاع تمسخير واكبر دليل علاه كي تعجبكم طفلة ما تخطبوهاش طول من اهلها
علابالي ذك تقولولي نعرف عقليتها
ياو ربي علاه دار مرحلة الخطبة
ياو ربي مش يتمسخر



​

هههههههههههههههههههه

زعما درتو قانون وطبقتوه على كاااامل الرجال ؟؟!!

وخرجتو المرا بريئة وماهي تدير في والو ؟؟

​