12 ألف شرطية جزائرية . . . . يا سلام

[karim073]

باختصار . . .

بلغ عدد النساء المنخرطات في صفوف الشرطة 12025 من أصل 148 ألف منتسب لسلك الأمن

الوطني، أي بنسبة 8 بالمائة من التعداد العام للشرطة الجزائرية. وحسب آخر الإحصائيات فإن

العدد المذكور يتضمن خمس عميدات أوليات و14 عميدة و97 محافظة و587 ضابطة منهن أربع

ضابطات للنظام العمومي . . . . .

​

​

​

في الوقت نفسه الذي بلغ فيه عدد الشباب العاطل عن العمل ( تخيل عدد و اضربوا في 10000 )

فهل يا ترى من الاحق في مناصب الشغل

و من الاحق والاجدر في حماية الوطن ?

أم انه قانون والسلام . . . .

قانون ..... طبق

تهدر .....فمك يطبق

حول .​

 

[abidou 20081]

لم أستغرب لما وجدت هذا الموضوع من عضو مميز مثلك حفظك الله ورعاك

وهذا حال بلدنا وهدا ماكنا نحكي عليه منذ قليل من تشجيع المسؤولين لنشر الفساد
يقولون أن الفتاة خدامة والراجل يفيس بزاف ونروحو للإدارات والله ياأخي غير نلقاوهم غالقين
البيبان على بعضاهم وقالي قلتلك ويعلم ربي إذا كانت هناك أمور أخرى ونزيد نقولك حاجا منين تتخلط يخرجو الرجال يقولك الطفلة ماتقدرش مانيش عارف واش هو الهدف منهذ الأمور وحتى لو أرادو فتح مراكز للشرطة النسائية مليحة مافيهاش مشكل بصح تكون على ضوابط يعني من كلامي فتح مراكز تخصهم بدون إختلاط توكل لهم
مهمة تفتيش النساء والمعاملة مع النساء فقط لكن أن تصبح مثلها مثل الراجل لاأظن هذا ولن ينجح هذا
وإن أضعفنا جهاز المن بهته الوسائل فنقول السلام عليكم ياجزائر الرجال وماهناوش مع هذ المافيا تاع الدزاير تجي إمرأة تهنمي معاهم المرأة مكانها ليس شرطية وليس دركية وليس عسكرية والله عيب كبير مايفعلونه
ببناتنا لكن للأسف واش تحب تدير وهماتاني طفيلات حبو هذ الشيء ربي يعاونهم وع الأيام رايحين
يعرفو الأخطاء الذي يرتكبون فيها الصراحة قاسية شوية لكن طفلة بوليسية *ماشكيتش عندها دور فعال هف في هف وصاريلها كي الطفيلات لازم يدخلةو لستاد هذا مافيها لكن قبل هذا لازم نعرج تاني للشباب لي رجع كيفو كيف الطفلة في التصرفات قاعد شادلي الحيط يعمر راسو بزوج كيلو شحمة فوق حتى شعرو يوقف يقعر به الروض تاع الطونوبيلات ويتبع فالرايحةوالجاية واش تستنى منو يهدرعلى حقو ماشكيتش ونقولك حاجا والله ثم والله لوكان المسؤولين لقاو رجالة ماراهم كل مرة يخرجو بخرجات فريدة من نوعها وحتى قانون الأسرة لي يعطي الحق لطفلة تزوج روحها لوكان ماشي الطفلة بروحها رفضاتو والله لوكان راطبق خويا كريم مانزيدش لا نطرطق
ربي يخليك خويا وربي يحفظك وربي يعطيك ماتتمنى دمت بألف خير وهناء إن شاء الله​

 

[karim073]

لم أستغرب لما وجدت هذا الموضوع من عضو مميز مثلك حفظك الله ورعاك​

وهذا حال بلدنا وهدا ماكنا نحكي عليه منذ قليل من تشجيع المسؤولين لنشر الفساد
يقولون أن الفتاة خدامة والراجل يفيس بزاف ونروحو للإدارات والله ياأخي غير نلقاوهم غالقين
البيبان على بعضاهم وقالي قلتلك ويعلم ربي إذا كانت هناك أمور أخرى ونزيد نقولك حاجا منين تتخلط يخرجو الرجال يقولك الطفلة ماتقدرش مانيش عارف واش هو الهدف منهذ الأمور وحتى لو أرادو فتح مراكز للشرطة النسائية مليحة مافيهاش مشكل بصح تكون على ضوابط يعني من كلامي فتح مراكز تخصهم بدون إختلاط توكل لهم
مهمة تفتيش النساء والمعاملة مع النساء فقط لكن أن تصبح مثلها مثل الراجل لاأظن هذا ولن ينجح هذا
وإن أضعفنا جهاز المن بهته الوسائل فنقول السلام عليكم ياجزائر الرجال وماهناوش مع هذ المافيا تاع الدزاير تجي إمرأة تهنمي معاهم المرأة مكانها ليس شرطية وليس دركية وليس عسكرية والله عيب كبير مايفعلونه
ببناتنا لكن للأسف واش تحب تدير وهماتاني طفيلات حبو هذ الشيء ربي يعاونهم وع الأيام رايحين
يعرفو الأخطاء الذي يرتكبون فيها الصراحة قاسية شوية لكن طفلة بوليسية *ماشكيتش عندها دور فعال هف في هف وصاريلها كي الطفيلات لازم يدخلةو لستاد هذا مافيها لكن قبل هذا لازم نعرج تاني للشباب لي رجع كيفو كيف الطفلة في التصرفات قاعد شادلي الحيط يعمر راسو بزوج كيلو شحمة فوق حتى شعرو يوقف يقعر به الروض تاع الطونوبيلات ويتبع فالرايحةوالجاية واش تستنى منو يهدرعلى حقو ماشكيتش ونقولك حاجا والله ثم والله لوكان المسؤولين لقاو رجالة ماراهم كل مرة يخرجو بخرجات فريدة من نوعها وحتى قانون الأسرة لي يعطي الحق لطفلة تزوج روحها لوكان ماشي الطفلة بروحها رفضاتو والله لوكان راطبق خويا كريم مانزيدش لا نطرطق

ربي يخليك خويا وربي يحفظك وربي يعطيك ماتتمنى دمت بألف خير وهناء إن شاء الله​

و دائما منور مواضيعي . . .

حتى اني اصبحت منتظرا لطلاتك هاذه بفارغ الصبر

و الله مشاكل كبيرة وكون ما نذكروهاش و نفرغوا قلوبنا ماعادتش تفرى

الرجال كيما قلت و ماقدروش يكفوا و يوفوا يعني راح يقدرلها مهنة كيما هاذي

مالا يتبدل اسمو ما يبقاش جنس لطيف . . . .

 

[السوفي حمة]

أولا أخي كريم وجود إناث في جهاز الشرطة شيء مطلوب، لكن الغير مرغوب فيه هو الزج ببنات الجزائر في الفرق الخاصة والتي تتطلب قوة بدنية لا تمتلكها المرأة وربما تصبح ثقلا إضافيا على كاهل زملائها.
المسؤولين نتاوعنا يريدون إظهار أنفسهم بأنهم متفتحون ويهتمون بحرية المرأة لكنهم لا يعلمون أنه ليس هكذا تعطى للمرأة حقوقها، إن كانوا صادقين فليتوجهوا للأرياف والقرى ويرون معاناة النساء هناك، هل التلميذة ليست مرأة وهي تنتقل مسافات طويلة راجلة لتصل إلى المدرسة، الأم التي لا تجد ما تعيل به أناؤها أليست مرأة ؟ أم المرأة هي نوع معين من الإناث عندهم.
​

 

[karim073]

أولا أخي كريم وجود إناث في جهاز الشرطة شيء مطلوب، لكن الغير مرغوب فيه هو الزج ببنات الجزائر في الفرق الخاصة والتي تتطلب قوة بدنية لا تمتلكها المرأة وربما تصبح ثقلا إضافيا على كاهل زملائها.

المسؤولين نتاوعنا يريدون إظهار أنفسهم بأنهم متفتحون ويهتمون بحرية المرأة لكنهم لا يعلمون أنه ليس هكذا تعطى للمرأة حقوقها، إن كانوا صادقين فليتوجهوا للأرياف والقرى ويرون معاناة النساء هناك، هل التلميذة ليست مرأة وهي تنتقل مسافات طويلة راجلة لتصل إلى المدرسة، الأم التي لا تجد ما تعيل به أناؤها أليست مرأة ؟ أم المرأة هي نوع معين من الإناث عندهم. ​

أنا مخالفك الرأي تماما أخي حمة

شوف الامن والا الجيش والا الدرك مهنة خاصة بالرجال

و الحفاظ على الامن في الدولة مهنة رجولية

النساء ماقلناش ما يخدموش ما قلناش يقعدوا في الدار

لكن مثلا هناك التدريس . . الطبخ . . الطب . . الصيدلة

لكن الامن .. . . سامحوني يا جماعة ما تدخليش لراسي

و هذا رايي المتواضع طبعا

 

[السوفي حمة]

أخي كريم في المطار أو في أماكن تتطلب تفتيش النساء من يقوم بها؟
ولتعلم أن نسبة الإجرام بين الإناث في الجزائر في ارتفاع رهيب
​

 

[karim073]

أخي كريم في المطار أو في أماكن تتطلب تفتيش النساء من يقوم بها؟

ولتعلم أن نسبة الإجرام بين الإناث في الجزائر في ارتفاع رهيب​

صحيح أصبت خويا حمة و عندك حق

النقطة هاذي لم انتبه لها

لاكن بتحفظ أكثر ولا واش رايك

 

[حسناء البليدة]

اخي الكريم و الله مقارنتك ليست بمحلها من الحق المراة ان تلتحق بالشرطة و ليكن بعلم اخي الكريم انا مشرحة للدخول و الانخراط ف كلية الشرطة
لكن اخي انت تقول عدد الرجال عاطلين لا تنسى انه قبل ان ينظم المراة لمدرسة الشرطة فانها تقوم باختبارت متلها متل الرجال و كدلك نسبة النساء اقل بكتير من نسبة الرجال ف بلادنا
و كدلك مقارنة بالدول العربية الاخرى

 

[karim073]

اخي الكريم و الله مقارنتك ليست بمحلها من الحق المراة ان تلتحق بالشرطة و ليكن بعلم اخي الكريم انا مشرحة للدخول و الانخراط ف كلية الشرطة
لكن اخي انت تقول عدد الرجال عاطلين لا تنسى انه قبل ان ينظم المراة لمدرسة الشرطة فانها تقوم باختبارت متلها متل الرجال و كدلك نسبة النساء اقل بكتير من نسبة الرجال ف بلادنا
و كدلك مقارنة بالدول العربية الاخرى

أختي الفاضلة مرحبا بيك في الموضوع

والله كل ما في الامر اني عطيت رايي و راح نفهمك في وجهة نظري

لما تجد نساء في سلك الامن او في الدرك الوطني و تخضع للتدريبات القاسية و نحملهم

مسؤولية

الحفاظ على الامن . . . . ماعجبتنيش الفكرة

لانو كل كلمة ومرادفاتها

كاين مناصب عمل اخرين خير من الامن

و اضمن و اريح على اخواتنا الجزائريات

 

[صفية الروح]

السلام عليكم

فهل يا ترى من الاحق في مناصب الشغل

طبعا الشباب الاحق بهذه المناصب وانا مع دول التي حددت الوظائف التي تشغلها المراة
لكن في بلدنا كل القطاعات استولت المراة عليهم ارى ان الاولوية للشباب لانهم هم الاجدر في حماية الوطن هذا القطاع للرجل فقط

موضوعك مميز حقا يعيطك الصحة

 

[aMiNa-K]

السلام عليكم
ايييييييه لحقو لل 12 الف .. الله ينقصهم ههههه

​

​

​

​

ببناتنا لكن للأسف واش تحب تدير وهماتاني طفيلات حبو هذ الشيء ربي يعاونهم وع الأيام رايحين
يعرفو الأخطاء الذي يرتكبون فيها الصراحة قاسية شوية لكن طفلة بوليسية *ماشكيتش عندها دور فعال هف في هف

صح عندك الحق.. رانا شفناهم البوليسيات وش راهم يديرو.. يحطوهم غير في بلايص نقيين زعمة وين مايصرا والو.. و زعمة بوليسية يحطوها جيهة الحراش و لا جيهة وحدخرة تشبهلها محاااااال
ديجا حاطينهم ينظمو المرور برك.. و لوكان اوموا جاو يسلكوها :thumbdown:..

هادو بوليسيات تاع تاغنانت برك :glare:
​

و ادا مراة بوليسية قادرة على بوليسي وعلاش لالا.. نزيدو شوية نولو نشوفو الرجال في قاعدين في الدار و بالطابلية تاع الشغل يطيبو في العشا و المراة تدخل لعشية للدار نوووورمال.. تقلبت الاية درك

a par ça.. راني مع كلام خويا عبيدو.. ماعندي مانزيد

-------------------

موضوع يستحق التقييم

بارك الله فيك​

 

[abidou 20081]

و دائما منور مواضيعي . . .

حتى اني اصبحت منتظرا لطلاتك هاذه بفارغ الصبر

و الله مشاكل كبيرة وكون ما نذكروهاش و نفرغوا قلوبنا ماعادتش تفرى

الرجال كيما قلت و ماقدروش يكفوا و يوفوا يعني راح يقدرلها مهنة كيما هاذي

مالا يتبدل اسمو ما يبقاش جنس لطيف . . . .

ربي يخليك خويا لعزيز وربي يحفظك والموضوع منور بمولاه خويا
وهذي الكارثة لي رانا رايحينلها إذا هدرنا ناض الصراع بين الأنثى
والذكر وإذا سكتنا ماعدتش تفرى كيما تدير ماراكش فالخير
خططولها مليح وعرفو كيفاش يخططو والمشكل أنك كي تقول
هذي ماتصلحش للأنثى ينوضو الإناث يقولولك بلي أنتم معصبين ومزيرين
وبعد ماتطفر يجو يبكو ويندبو حنا ماكوناش عارفين هكذا غير لقليل من البنات لي الله
يكثر من أمثالهم يعرفو وين يحطو رجليهم ومايطيحوش في هذ الأفخاخ
وعرفو بلي قيمتهم ماتسمحلهومش باش يتصرفو بهم حسب أهوائهم لكن للأسف الباقي
يدخلو معاك في صراع هذا هو المجتمع وهذي هي النقطة لي لازم كامل ينتبهولها
وينتبهو للغرض منها والجنس اللطيف راه ماشي ويختفي والدليل على دلك
كاين بزاف لي يقولك راني نهدر مع صاحبي ماشي خطيبتي ولا زوجتي
وكاين العكس تاني وين الأنتى تولي تقول نحس بروحي نهدر مع صاحبتي ماشي مع راجل
والفاهم يفهم ربي يخليك وربي يحفظك مواضيعك قيمة دمت ودام تألقك ​

 

[abidou 20081]

السلام عليكم
ايييييييه لحقو لل 12 الف .. الله ينقصهم ههههه




و ادا مراة بوليسية قادرة على بوليسي وعلاش لالا.. نزيدو شوية نولو نشوفو الرجال في قاعدين في الدار و بالطابلية تاع الشغل يطيبو في العشا و المراة تدخل لعشية للدار نوووورمال.. تقلبت الاية درك

a par ça.. راني مع كلام خويا عبيدو.. ماعندي مانزيد

-------------------

موضوع يستحق التقييم

بارك الله فيك​

وعليكم السلام ورحمة الله تعالى وبركاته

ربي يخليك وربي يحفظك ختي أمينة لي ضميتي صوتك لصوتي وهذا ماشي غريب عليا
لأننا محتاجين بزاف لطفيلات كيما أمثالك تاع الصح مهما يحاولون تنفيذ مخططات ذنيئة يلقاو
الطفلة منتبهة لهذ المخططات قبل الراجل ولي قلتيه كامل صحيح ورانا نشوفو فيه والمراة منين
دخلوها بوليسية والله غير راهم عارفين بلي ماتهنيش في عالم الإجرام والرجال وحصلو فيه
ماشي غير الطفلة لكنهم يفعلون ذلك متعمدين وكامل على بالنا على واش راهم يديرو هكذا
ماراهمش ناقصين ونقدر نعطي فكرة مليحةوعلاش مايطبقوهاش الشباب مخصوص خدمة
وعندهم بزاف لي روبري دو جوستيس يعني لي داخلين لللحبس يقدرو يعاودو ينظمو هم في
مراكز كيما لي فليك في أمريكا ومنها يقدرو يعرفو عفايس بزاف على المهربين والسراقين
وغيرهم لكن وعلاش ماداروهاش هذي راهم يدعو للخوصصة وغيرها وعلاش ماداروش شرطة خاصة
وهكذا نولي كاينة منافسة في إلقاء القبض على الكثير من المجرمين ومنها القضاء على بعض
الشرطة الفاسدة لكن للأسف المخططات هذي كامل الهدف تاععها ضرب المقومات الإسلامية
وإخراج المراة من الدار أو زيادة عدد الفتيات في الشوارع وكامل على بالنا النتائج تاعها وين توصل
ماراناش ضد عمل المرأة لكن ضد إفساد المرأة ووضعها في مكان غير مكانها الطبيعي
ربي يخليك وربي يحفظك ويعطيك ماتتمني والله يكثر من أمثالك دمتي بألف خير وهناء إن شاء الله ​

 

[bibi_boy]

درك كلش لازم خويا كريم
درك كيف الذكر كيف البنت
ماكانش فرق
والبنات في الخدمة العسكرية
لازمين في قضايا التفتش خاصة النساء
الاحباااس تاع النساء
ورانا ماشين نلقاو وقت في البنت تعقب العامين
مشكور اخي
​

 

[Rosa2]

في رايي ماكانش اللي يقدر يطبق القانون كيما المرأة
و المرأة تاني عندها حق كيما الرجل و لا وين راهي la différence

 

[سماح100]

vive bladi

السلام عليكم

فهل يا ترى من الاحق في مناصب الشغل

طبعا الشباب الاحق بهذه المناصب وانا مع دول التي حددت الوظائف التي تشغلها المراة
لكن في بلدنا كل القطاعات استولت المراة عليهم ارى ان الاولوية للشباب لانهم هم الاجدر في حماية الوطن هذا القطاع للرجل فقط

موضوعك مميز حقا يعيطك الصحة

_____________________________________________________
مبروك على الجزائر بلادنا كبيرة ميكفيش 1000 او 2000 امرأة شرطية و جهاز الشرطة لازم يكون فيه النساء شرطيات قولوا تحيا الجزائر

 

[سماح100]

ررر

مبروك على الجزائر تحيا الجزائر

 

[karim073]

السلام عليكم

فهل يا ترى من الاحق في مناصب الشغل

طبعا الشباب الاحق بهذه المناصب وانا مع دول التي حددت الوظائف التي تشغلها المراة
لكن في بلدنا كل القطاعات استولت المراة عليهم ارى ان الاولوية للشباب لانهم هم الاجدر في حماية الوطن هذا القطاع للرجل فقط

موضوعك مميز حقا يعيطك الصحة

بارك الله فيك اختي

انا ثاني قلت هاكدا

و تبقى وجهة نظر لا اكثر ولا اقل

 

[karim073]

ربي يخليك خويا لعزيز وربي يحفظك والموضوع منور بمولاه خويا
وهذي الكارثة لي رانا رايحينلها إذا هدرنا ناض الصراع بين الأنثى
والذكر وإذا سكتنا ماعدتش تفرى كيما تدير ماراكش فالخير
خططولها مليح وعرفو كيفاش يخططو والمشكل أنك كي تقول
هذي ماتصلحش للأنثى ينوضو الإناث يقولولك بلي أنتم معصبين ومزيرين
وبعد ماتطفر يجو يبكو ويندبو حنا ماكوناش عارفين هكذا غير لقليل من البنات لي الله
يكثر من أمثالهم يعرفو وين يحطو رجليهم ومايطيحوش في هذ الأفخاخ
وعرفو بلي قيمتهم ماتسمحلهومش باش يتصرفو بهم حسب أهوائهم لكن للأسف الباقي
يدخلو معاك في صراع هذا هو المجتمع وهذي هي النقطة لي لازم كامل ينتبهولها
وينتبهو للغرض منها والجنس اللطيف راه ماشي ويختفي والدليل على دلك
كاين بزاف لي يقولك راني نهدر مع صاحبي ماشي خطيبتي ولا زوجتي
وكاين العكس تاني وين الأنتى تولي تقول نحس بروحي نهدر مع صاحبتي ماشي مع راجل
والفاهم يفهم ربي يخليك وربي يحفظك مواضيعك قيمة دمت ودام تألقك ​

بارك الله فيك اخي عبيدو

أصبت اللب و استطعت ان تعبر على رأيي بطريقة رائعة وممتازة

حبيت نقول كل جنس و الوظائف الخاصة بيه

مانقدروش نديروا مرأة تخدم في شونطي و راجل معلم في لاكراش

ان شاء الله تكونوا فهمتوا وين حبيت نوصل

تعيش خويا عبيدو

وانا أنتظر ردودك الحارة و المميزة

 

[karim073]

درك كلش لازم خويا كريم
درك كيف الذكر كيف البنت
ماكانش فرق
والبنات في الخدمة العسكرية
لازمين في قضايا التفتش خاصة النساء
الاحباااس تاع النساء
ورانا ماشين نلقاو وقت في البنت تعقب العامين
مشكور اخي
​

مرحبا اخي الحبيب

انا احترم وجهة نظرك لكني متمسك حاليا بفكرتي

كاين خدمات لازم المرأة ما تخدمش فيهم