هل الوالدين دائما على صواب؟

[Manar19]

احلى سلام لاحلى مشتركين, نحن المجتمعات العربية بصفة عامة والجزائرية بصفة خاصة نعيشو في اسرة تحكمها قوانين وعادات و و الخ لاب هو رب لاسرة كما نقولو ولاب هدا هو للي يسير لاسرة هدي بمساعدة لام بيانسور وحنا لاولاد من قدروش نتخدو قرار وللا نديرو حاجة بلا ما نشاورو لاولياء تاعنا, المشكل وين انو لابن او البنت كي يوصل لعمر معين يحبو يتخدو لقرارات تاعهم وحدهم , متلا انت كي تتحصل على شهادة لباكالوريا انت تخير برونش وباباك يقولك لالا تقرى برونش خلاف وكاين حوايج بزاف موش غير لقرايا للي لاب يفرض رايو على ولادو, علىبانا بللي لوالدين يحبو مصلحة ولادهم وبما انهم عاشو كتر عندهم خبرة اكتر , سؤالي هنا هل الوالدين ديما قراراتهم صائبة ؟ هل للابناء لحق في اتخاد قرارات من دون تدخل لاولياء؟ هل لوالدين قادرين يغلطو ويضلمو ولادهم؟ نتمنى تشاركوني لموضوع وشكرا

 

[Bob Marley]

الوالدين جامي يضلمو ولادهم
لكن يوجد بعض الوالدين ميعرفوش العقلية تع لجينرسيو هدي
لدلك يوجد تناقط
نعم يوجد اولياء يخطؤن لكن في امور معقد بنسب لهم
لكن من رغم هدا لازم انسعفوهم

 

[Manar19]

الوالدين جامي يضلمو ولادهم
لكن يوجد بعض الوالدين ميعرفوش العقلية تع لجينرسيو هدي
لدلك يوجد تناقط
نعم يوجد اولياء يخطؤن لكن في امور معقد بنسب لهم
لكن من رغم هدا لازم انسعفوهم
شكرااااا على لمرور اخي

 

[boubakeur081]

نعم دائما الوالدين على صواب

 

[حكيم البرايجي]

فيهم و عليهم

كاين اللي يفهموا العقلية وكاين لي كي تبات تشرح

تحياتي
​

 

[zahra09]

كاين اوكاين

تحياتي​

 

[الظل الطويل]

اختي حبيت نقل اولا
بلي مشي كامل الوالدين يفرضو رايهم على اولادهم
عندك اكبر دليل
انا دائما ابي يكون عنده رأي يقلهولي بصح ميفرضش عليا
يقولي هدا رأيي و الكلام الاخير لك

ثانيا مهما كان قرار الوالدين سواء صائب او خاطئ اكيد الهدف نتاعهم مصلحتك
وممكن تكون عندهم نظرة بعيدة انتي بنفسك متقدريش توصليلها
نقلك ربي يخلينا والدينا ومكاش احسن من الوالدين لي يحاولو اقناع اولادهم فيب قراراتهم
باش متكونش بصيغة اوامر

تحياتيــــــــــــــــــ....
​

 

[driso]

الوالدين واش راح انقولك طعيهم في احوايج واسمعيلهم في احوايج او فهميهم في احوايج طعيهم بما يامرونكي بي نعم او ماعليه واسمعي لنصائحهم الذي يعرفونها وفهميهم فالشئ لي ما يعرفوهش خصوصا في التعليم وما بعد التعليم والباقي كل شئ ايجي بالرضا و ادعاوي الوالدين شكرا علي الموضوع دريسو

 

[médéenne.girl]

ختي الوالدين ماهمش ملايكة منقدرش نقلك جامي يظلموا كيما قال الاخ المهم صح الوالدين كامل يحبوا مصلحة اولادهم كاين والدين متفهمين يقترحوا حاجة ويقلك نخلي الحرية للابن هذي فيما يخص القراية انا بالنسبة ليا الوالد يفرض على وليدو واش يقرا هذي تخص الابن هو لي قرا وهو لي يدبر راسو واش يدير و لمن يرتاح يحوس يرجعوا طبيب بسيف كما واحد باباه قراه رجعو بيطري وهو يكره هدي المهنة دكا راهو يسقم ف الطونوبيلات وشمن فايدة ؟؟ مي مدابيا يفرضوا رايهم ف حاجة يكونوا الاولاد مخطئين فيها مثلا ليمحبش يقرا ........... وكاين والدين يزيدوا يدو ولادهم لطريق الحرام ايه كاينة متشوفوش غير لرواحكم وسيرتو ف المجتمعات الفقيرة يقولولها روحي جيبي الدراهم باش كان والعياذ بالله كاين آباء تعداو على بناتهم هادو كامل نسيتوهم ؟؟؟ ربي سبحانى باش قال آية " لا طاعة لمخلوق في معصية الخالق.." ماشي غير هكداك الور شوفوا كامل الأوضاع

 

[sayco]

كاينة و تكون ............

 

[N@riM@N]

والله يااختى كاين والدين من ولدين
كاين والدين يستاهلو تقولي عليهم مربين اجيال
وكاين غير شيعه ع هكا منقدرش نحكملك بلي ديما ع
صواب ولا لا
تشكرااااااااااااااااااااااااااات ع الموضوع​

 

[jojo08]

الوالدين عمرهم ما يحبو الشر لولادهم ...مهما كان الامر تاكد ان والديك ما يحبولك غير الخير

سؤالك كان هل الوالدين دائما على صواب..

طبعا هوما بشر يقدرو يكونو غالطين بصح دايما كاين طريقة باقناعهم بالصح ..طبعا في حالة ادا كنت متاكد من الامر

و في الوقت الحالي ما نظنش بلي مازال كاين والدين يفرضو رايهم ع الابناء


طرح موفق اشكركي عليه

تقبلي مشاركتي

 

[Manar19]

هيه صح لوالدين ديما يخممو في مصلحة ولادهم مي ديفوا يضلموهم بطريقة غير مباشرة يسمى عن غير قصد , ومنكدبوش على بعضانا كاينة كلمة نسمعوها عند بعض لوالدين (منحب نسمع والو قولتلك هك سي هك صايي) , فيما يخص الطاعة هدي حاجة مفوروغ منها اكيد لازم نطيعوهم, شكراااا لكم على المرور واحلى سلام