~ نــحــن والغيبة !! إلــى أين ؟ ~

[القدس لنا]

الســلام عليكم ورحمة الله تعالى وبركاته
جمــعة مباركة على الجمـيع - ان شاء الله -
اليــوم راني حابة نهدر على ظاهرة مارانا حاسبينلها حتى حســاب لكن في الواقع هي اخطر مما نتصور !!
إنهـــا الغــــــيبة ، التمنشير ، التـقطاع ، التقرعيج
إختـلفت المفاهيم والــذنب واحد !!!
ياخاوتي كامل رانا نصليو ..كامل نصومو .. جزء كبير الله يبارك ملتزم بصح شكون فينا لايغتاب - إلا من رحم ربي -:sad:
كل واحد فينا يراجع نفسو .. من الجمعة اللي فاتت حتان الجمعة هاذي - سمانة برك - شحال من واحد ظلمتو وهدرت فيه ؟
يجــي واحد يقول انا مانيش نقطع راني نقول غير في الحق
اقول له : هــذه هي الغيبة بالذات !!
سُئل عليه الصلاة والسلام يومًا فقيل: يا رسول الله ما الغيبة؟ فقال: ذكرك أخاك بما يكره، فقيل: أفرأيت إن كان في أخي ما أقول، فقال عليه الصلاة والسلام: إن كان في أخيك ما تقول فقد اغتبته، وإن لم يكن فيه ما تقول فقد بهته.
واتفق العلماء على أنها كبيرة من الكــبائر - الله أكبر - !!!
فمتى نترك هذا الداء الذي انتشر بيننا انتشار النار في الهشيم ؟
قال بعض العلماء : إذا تاب المغتاب فهو آخر من يدخل الجنة وإذا لم يتب فهو أول من يدخل النار -
يــارب استرنا !!!
والسلام عـــليكم ورحمة الله
​

 

[بحر الأحزان]

والله أنا عن نفسي قرعاجة
لاكن ماشي قصدي نمنشر في واحد إنما في التسلية وأيضا في أغلى أناس على قلبي برك نحب نظيف جو نحب نزعفهم باش نراظيهم أما باش نمنشر في واحد منعرفوش لالا ونمنشر تاني في ساعة الغضب
ربي يهديني​