سؤال جد صريح لو خيرت بين القلب والعقل ماذا تختار

ع

عفاف الجزائرية

:: عضو بارز ::
أوفياء اللمة
اختي العزيزة اخي العزيز سؤال يدور بذهني والصراحة قد مررت به انا من قبل لو كنت في علاقة حب وصراو بيناتكم مشاكل وكان الحل نتاع المشاكل نتاعكم الانفصال قلبك يقوللك لالا راني نحب وعقلك يقوللك هذي غلطة ومزالو جايين غلطات لازم ننفصلو نتوما واش تختارو القلب ولا العقل وطبعا هذا سوال موجه للي راهم يحبو في هذا الوقت طبعا اللي ماكانش فيه حب
 
السلام عليكم
و الله يا ختي واش نقلك كاين حوايج لازم توظفي فيهم عقلك وتخمي بيه مهما كنت تحبي هدا الشخص لانك ادا كنت تحبي لازم تخمي بالعقللك ومبعد قلبك وفي الوقت هدا لازم العقل الاول
انا نفضل العقل الاول باه نخمم بقلبي
و مشكورة اختي على الطرح
 

ماذا لو كانت العلاقة محرمة . . . . . .

انا ما قلتش ما تحبيش . . . لانك تعرفي صلاحك

لكن نذكرك لان الذكرى تنفع المؤمنين . . . . .


 
ختي لموضوع هدا واحد ما يقدر يقرر الا صاحب لمشكلة نفترض بللي انتي صاحبته ,انتي تخممي وتشوفي وتوزني لامور, الحب ايه مليح مي مننساوش بللي عطانا ربي تاني عقل نخممو بيه ونشوفو واش يخرج علينا واش يضرنا... وكلشي باين حنا برك ديفوا نشتيو نكدبو على رواحنا باه نرضيو لاحاسيس تاعنا... هدا رايي الشخصي ومنعرف..تحياتي
 
يا اختى العزيزه انا كاين حاجه نقولهالك ادا القلب مال الحاجه لا زم يشاور لعقل لان القلب يعتبر سلطان والعقل هو الوزير نتاعو وحنا نعرفو بلي السلطان فى مسائل بزاف يشاور الوزير وهكدا يخرجو بقرار وجيه
القلب بلا لعقل يديه الواد ولعقل بلا قلب يديه الهوى على هدا خليهم يكملو بعضاهم
"فى الجسم القلب سلطان ..بالحق لعقل وزيرو
ادا كان القلب ضعيف عيان..المحبه و الاراده تعود لغيرو
ادا كان لعقل ظريف مزيان..يتفاهمو كيفاش يسيرو
انا من بكري ومن زمان..شفت السلطان و وزيرو
ماشيين كيف كيف بالامان..وعلى بعضهم يغيروا
وفى هاد زمان يعرفو كيفاش يديرو.
شكرا على الموضوع وتقبلى مروري
 
أنا عندي كي العقل وكي القلب
لزووج مراهمش متفاهمين في هذا الوقت
كي تحبي بقلبك يقولك عقلك واش راكي ديري هذا الحب راح بكري ومع ناسه اما حنا غير نتاع يجي يخطب وصاي
ومي عقلك يختار واحد تحبيه تصيبي قلبك يقولك هذا واش ندير بيه ما عنده حتى حاجة شابة ليا
ولكن في زووج الحالتين يرضى بيهم الشخص وعيش حياته ويحب
ومن ذاك نعطيك اخت حاجة هي كلشي ليك انت وانت لك القرار
العقل عقلك وتخمي بيه والقلب قلبك وتحس بيه
تقبلي مروري
العاطفي​
 
ختي لموضوع هدا واحد ما يقدر يقرر الا صاحب لمشكلة نفترض بللي انتي صاحبته ,انتي تخممي وتشوفي وتوزني لامور, الحب ايه مليح مي مننساوش بللي عطانا ربي تاني عقل نخممو بيه ونشوفو واش يخرج علينا واش يضرنا... وكلشي باين حنا برك ديفوا نشتيو نكدبو على رواحنا باه نرضيو لاحاسيس تاعنا... هدا رايي الشخصي ومنعرفش..تحياتي
 
كاين غلطات يتغفرو وغلطات ما يتغفرش فيهم وانت وواش هي الغلطات لي عدات عليك انت تقرري
واش تسامحي ولا لا
 
انا نخير عقلي لان القلب مش معيار بش نقيس بيه
 
قال * تسنيم *:
السلام عليكم
و الله يا ختي واش نقلك كاين حوايج لازم توظفي فيهم عقلك وتخمي بيه مهما كنت تحبي هدا الشخص لانك ادا كنت تحبي لازم تخمي بالعقللك ومبعد قلبك وفي الوقت هدا لازم العقل الاول
انا نفضل العقل الاول باه نخمم بقلبي
و مشكورة اختي على الطرح
شكرا اختي تسنيم على تجاوبك وعلى ردك المتميز دمتي لنا اخت وفيه
إضغط للتوسيع...
 
:angel_not:العقل:angel_not:​
 
قال karim073:

ماذا لو كانت العلاقة محرمة . . . . . .

انا ما قلتش ما تحبيش . . . لانك تعرفي صلاحك

لكن نذكرك لان الذكرى تنفع المؤمنين . . . . .
إضغط للتوسيع...
سلام اخي ماهوش شرط الحديث يكون على علاقة حرام ممكن هذه العلاقة تكون بين خطيبين او زوجين ولك شكر جزيل مني على ذكراك
 
قال العاطفي:
أنا عندي كي العقل وكي القلب
لزووج مراهمش متفاهمين في هذا الوقت
كي تحبي بقلبك يقولك عقلك واش راكي ديري هذا الحب راح بكري ومع ناسه اما حنا غير نتاع يجي يخطب وصاي
ومي عقلك يختار واحد تحبيه تصيبي قلبك يقولك هذا واش ندير بيه ما عنده حتى حاجة شابة ليا
ولكن في زووج الحالتين يرضى بيهم الشخص وعيش حياته ويحب
ومن ذاك نعطيك اخت حاجة هي كلشي ليك انت وانت لك القرار
العقل عقلك وتخمي بيه والقلب قلبك وتحس بيه
تقبلي مروري
العاطفي​
إضغط للتوسيع...
شكرا جزيلا على مرورك العاطفي يا سيد العاطفي:biggrin::biggrin::biggrin:
 
اولا شكرا على الموضوع انا في راي لعقل هو كلش القلب مجرد لمد الجسد بالدم فاما العقل فهو الدي يتحكم بكل شيء (اي لعقل هو كلش).....وشكرا
 
قال adelskikda:
اولا شكرا على الموضوع انا في راي لعقل هو كلش القلب مجرد لمد الجسد بالدم فاما العقل فهو الدي يتحكم بكل شيء (اي لعقل هو كلش).....وشكرا
إضغط للتوسيع...
شكرا اخي عادل دمت لنا ودام لكك عقلك ان شا الله
 
في الحقيقة في حاجة الحب نا برايي القلب هو صاحب القرار هو اللي حب وهو اللي يسلكك والععقل عندوا وين يدبر في حاجة اخرى
وتاني حاجة اخرى العقل والقلب اذا اتفقوا على ما تندمش اومبعد بصح قل ما تجد القلب يتفق مع العقل وايضا العقل يكمل القلب
ومشكوووورة ع الطرح الموفق
تقبلي مروري
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.

المواضيع المشابهة

Oktavio_hinda
بين القلب والعقل
المشاركات
8
المشاهدات
325
أم إسراء
أم إسراء
العودة
Top Bottom