الشغل تكبر علينا وشرايكم في هذا الوقت

[فطيمة77]

بعدما اتخرجنا قلنا نحوسو كون رانا نلقاو خدمة ونعيشو بيها ومن المفروض اقرينا باه نخدمو وبصح ضركا لالا ولا غير لعندو لكتاف والاحلاف الي يديها
حتى المسابقات تاوع الاساتذة الي كنا متكليين عليهم حرمونا منهم وقالك اليوم في الجريدة لازم ويشترط شهادة الماجستير او مهندس لاجتياز المسابقة
معناها ياجماعة تاوع الماجستير ولاو مايخدموش الا بالمسابقة وولا الليسانس ماعندو حتى قيمة كيما الي ميش جايب الباك وين راه العدل بقيت ندقق في الموضوع لقيت بلي القرار اصدر في 16 -09-2009 يعني رسمي وشرايكم ياخاوتي في هاذا الخبر معناتها علاه الناس تقرا وتعيي روحها واذا دخلنا للامتحان تاع الماجستير مستحيل نربحوه لانو بالمعريفة وكل عام يطلبو 6 الى 10 مناصب والله غير فتنة
انا يهمني رايكم واذا كنتم شايفين في هذا عدل قولولي بلاك نفيق من وهم الظلم والاتهامات

 

[sisi505]

ولله عندك الحق يا ختي أنا ثاني كي قريت الخبر خلعت معلباليش كيفاش نديرو ذركا كي دارولنا تمسخير هذا ولله ما عندهم الحق على حساب الشوفة لوكان ما قرينا خير أوموا ما نطمعوش نحكمو بلاصة

 

[BOUSS]

اخيتي فاطيمة المعيشة اصعابت في البلاد اومايسلك فيها غير اطويل العمر البلاد هاذي عندي 12سنة ملي اقطعت لياس منهاوالشئ لي راكي تحسي بيه عشت مع مرتي عندهاالباك زائد5 فوتت ليالي وليالي باش ابريبرات الكنكور واليوم الحمدولله نجحت او راهي تمارس في المهنة الي بغاتها وفي الاخيرنتمنالك ليك او لجميع الطلبة الى ما عندهم غير ربي سبحانه النجاح كوراج اختي بتوفيق

 

[** غزال الصحراء **]

السلام عليكم

ايه صح و الله لا راهم هاردينها طول !

الناس تشجع في العلم و هوما كل يوم قانون يفشلك و كيما قلتي لي يفوت في الكونكور

تاع الماجيستير غير ولد فلان و لا مرتو !!! و هاذي حاجة معروفة حدث و لا حرج

و زيد بزيادة في الجامعة تاعنا علقو

( ممنوع الإنخراط في سلك التعليم لأكثر من 35 سنة )

يعني لكبير ما يخدمش و الله حرت كيفاش يخممو الناس هاذو خلط خلط و خلاص

تحسب رانا في توم و جيري الفار يجري ورا لقط بلاد ميكي و خلاص .
​

 

[Manar19]

والله يا ختي كي سمعتها تشوكيت شحال وحنا نستناو فالكونكور هدا ومبعد يقولك لازم ماجستير.... كل يوم يخرجو قانون غير باه يمدو مبررات لنفسهم علاه مراناش نخدمو قال قال معندكش ماجستير... كون درك نفوتو لماجستير ونربحوه يقولولك لازمك دكتورا هههههههه ومبعد لازمك تقرا عامين لبرا فلي طغونجي.... ربي يهديهم برك..... 4 سنين متسمحلكش تفوت كونكور؟؟؟؟؟؟؟ يعجز اللسان... شكرا على الموضوع مي والله يطلع الديقري.... تحياتي ليك