هل ستقول الحقيقة في هذا الموقف؟.... للجميع

[azoudia]

اخواني تخيلوا معي ..... بعد زواجكم سألكم الطرف الآخر ( زوجاتكم او زوجاتكن ) عن علاقاتم السابقة و حبكم الاول ...... هل ستقولون الحقيقة ام تخفونها ؟
هل الحقيقة ان كانت الاجابة بنعم ستؤدي الى المشاكل الزوجية وتدخل في اطار الخيانة ..... المعنى اذا جاوبك الطرف الثاني بنعم ماذا ستكون ردت فعلك ؟:confused1:

 

[الظل الطويل]

صحيت خيا معتز
ديما اسئلتك واعرا ههههههههه
شوف معتز خويا اذا تحب ديما راسك مرفوع متخلي حتى واحد يهز عليك حجة
يعني علاه دير حبيبة في صغرك حتى تولي في اعترافات
و كذلك بالنسبة للبنت
انا شخصيا نفضل انو البنت تصارحني قبل ما نتزوجها باش نشوف اذا ممكن نكمل معاها ولالا
و مكاش لي ميغلطش المعهم متكونش حاجا قراف
اما بالنسبة لي تخبي عليك من قبل ومن مبعد ما تتزوجو تقلك هذي مافيهاش الخير
و انا منسامنهاش على عرضي واولادي صراحة

تحياتيــــــــــــــــــ...
​

 

[لينا 09]

موقف صعيب صح خويا
مي نقلك البنت لي متربيا متخاف من والو...تحية طيبة​

 

[** غزال الصحراء **]

عندو حق هاذاك لي قال كل مقام عندو مقال !!

الله أعلم واش راح ندير ثما نماسكي و خلاص

ينقل لقسم النقاش و الحوار الجاد .

 

[شاكيرا]

صدقوني راني مخطوبة ومبقاليش ويدوني سقساني خطيبي هدا السؤال وقلتلو مكانش عندي اي علاقة مع اي شخص وقتلو الانسان لي كنت نحلم بيه هو الانسان لي رايح يكون زوجي اي حلالي وقتلو كنت دائما قول وكان موقفي هو مكان حتى واحد في هذي الدنيا يستهل نحبو الا ويكون زوجي ردو بالكم يا بنات تقولو على الباسي نتاعكم اكبر غلطة ديرها المراة هي الاعتراف بالماضي بالرغم من يكون لي خاطبك متفتح الا وراح يقولك خرجتي من قبل وحبيتي وووووووووو

 

[H@teM]

يعطيك عزوا على الموضوع الهام
انا اصلا نكون صقصيت عليها ويلا كان فيها حاجة اخرى
تكون احسن قبل الزواج باه يعرف كل واحد حقوا انا ادا خبت عليا وسمعت بعد الزواج
وش نقولك منين جبتها ترجع مافيهاش هدرة هادي
مشكور يا ولد عمي
لك اسمى معاني التقدير والاحترام
​

 

[مريم البتول 31]

ana ngoulou makech mochkal puisk rani m3ah w 3labalou bkolech 3labalou bli houwa louwal w houwa lakhar amin rab goulou m3aya amin ed3iwli rabi natzawjou f akrab wakt bach na3radkom l 3ares

 

[azoudia]

شكرا الظل الطويل - لينا09 - حاتم -شكيرا -غزال الصحراء - مريم البتول31 - على تشريفكم لموضوعي ونقول لمريم البتول31 ربي يزوجك بولد الحلال الي يصونك ( ماتنسيش دعوتنا للعرس)

 

[منيرة.عنابة]

انا عن نفسي نقول الحقيقة ومنخبي والو على خاطر و الحمد لله ماني دايرة والو يعدي الخط الاحمر الحمد لله الانسان يعرف الخطا من الصحيح باه نهار واحد اخر كي يتلز في اسئلة كيما هكا يعرف واش يجاوب بكل صدق و فخر
وشكراااااااا​

 

[مريم البتول 31]

شوف خويا لعزيز انت ادعيلي و انا ندبر راسي و ادا كنت بعيد نشريلك بيي avionعندك برك متجيش و شكرا علئ تقبل مروري:biggrin::biggrin::biggrin::biggrin::biggrin::biggrin::biggrin::biggrin:

 

[بحر الرمال]

عادي جدا ادا كانت كاين علاقة قول يخي حاجة فاتت و يكون كل واحد علابالو بلأخر و يطو الصفحة هذيك علجال في وقتها كنا مازلنا مراهقينو الانسان يخلط
انا الصراحة في موقف كيما هادا نقول ما عندي حتى مشكل و الي مفهمنيش في حاجة كيما هاذي ما عندي ما ندير بيه منقدرش نكمل معاه
​

 

[azoudia]

عادي جدا ادا كانت كاين علاقة قول يخي حاجة فاتت و يكون كل واحد علابالو بلأخر و يطو الصفحة هذيك علجال في وقتها كنا مازلنا مراهقينو الانسان يخلط
انا الصراحة في موقف كيما هادا نقول ما عندي حتى مشكل و الي مفهمنيش في حاجة كيما هاذي ما عندي ما ندير بيه منقدرش نكمل معاه
​

يعطيك الصحة على صراحتك وشكرا على مرورك[/size]

 

[azoudia]

[QUOTE=مريم البتول 31شوف خويا لعزيز انت ادعيلي و انا ندبر راسي و ادا كنت بعيد نشريلك بيي avionعندك برك متجيش و شكرا علئ تقبل مروري:biggrin::biggrin::biggrin::biggrin::biggrin::biggrin:[/QUOTE]

شوفي اختي مريم انت اعرضيني وخطيك نجي نحضر لعرسك و لوكان مانيش عارف وين :biggrin::biggrin::biggrin:
وتو نزيد نكثر من الدعاء بصح عندك تنسي :biggrin:

 

[ابتسمي]

في الحقيقة سأكون صريحة لانه اذا لم تخبره ولم تكن صريحا فهنا يعتبر خيانة اما اذا اخبرته فسيثق فيك اكثر ولافضل انه ان يعرف مني الحقيقة خير من ان يعرف من غيري فربما من يعرف اذا كذبت ولم اكن صريحة فسيخبره احد غيري وهنا ستكون المشاكل وتنعدم الثقة بين الزوجين
وفي النهاية مشكور اخي
وتقبل مروري

 

[Manar19]

انا نضن واحد قبل ما يتزوج راح يسقسي على الطفلة هدي وعلى سمعتها.... تبقى قضية اسكو درات علاقة من قبل نضن الزوج يحاول يايفيتي السؤال هدا تجنبا للمشاكل.... وادا صرات وسقساها انا شخصيا كون تكون عندي علاقة من قبل نقولو جامي بويسك نعرفو عقلية تاع ولاد بلادنا جامي يغفر لمراة ... تحياتي وشكرا على لموضوع

 

[ملاكي]

مانظنش راح يكون عندي وش نخبي
مرسيييييي

 

[azoudia]

انا نضن واحد قبل ما يتزوج راح يسقسي على الطفلة هدي وعلى سمعتها.... تبقى قضية اسكو درات علاقة من قبل نضن الزوج يحاول يايفيتي السؤال هدا تجنبا للمشاكل.... وادا صرات وسقساها انا شخصيا كون تكون عندي علاقة من قبل نقولو جامي بويسك نعرفو عقلية تاع ولاد بلادنا جامي يغفر لمراة ... تحياتي وشكرا على لموضوع

اختي لو كان يسمع بيها من الخارج ويعرف انك كنت تكذب عليه هكا راح يشك في حوايج خطيرة

 

[azoudia]

في الحقيقة سأكون صريحة لانه اذا لم تخبره ولم تكن صريحا فهنا يعتبر خيانة اما اذا اخبرته فسيثق فيك اكثر ولافضل انه ان يعرف مني الحقيقة خير من ان يعرف من غيري فربما من يعرف اذا كذبت ولم اكن صريحة فسيخبره احد غيري وهنا ستكون المشاكل وتنعدم الثقة بين الزوجين
وفي النهاية مشكور اخي
وتقبل مروري

عندك الحق ن كان الكذب ينجي فالصدق انجى وانجى وشكرا على مرورك

 

[Manar19]

اختي لو كان يسمع بيها من الخارج ويعرف انك كنت تكذب عليه هكا راح يشك في حوايج خطيرة
خويا كي تكون حاجة صغيرة متلا نقولو اني عرفت واحد باغ تليفون .... قادر يتوسوس ويوللي يدير منها حكاية كبيرة ويتعكر الجو بيناتنا....ابان مدامها حاجة صغيرة لاداعي لدكرها.... وزيد اني قولت فاللول الراجل قبل ما يخطب وحدة يسقسي على سمعتها... هدا مجرد رايي الخاص هههههه مزال مجربتش....شكرا وتحياتي