الطفيليات...... وما أدراك

[أميرة العيون]

بسم الله الرحمن الرحيم

السلام عليكم ورحمة الله وبركاته

حبيت نتكلملكم اليوم علي نبات طفيلي يسمى الهالوك أو الجعفيل (أسد العدس)
هونبات ماعندوش جذور ولا أوراق هو ليس أكثر من خيوط ناعمة لونها بين الأصفر والأورانج
من كان بلا جذور كيفاش يعيش؟ كيفاش يتغذى؟
هنا تكمن المصيبة وهنا سر اسمه (الهالوك ) يعيش متسلق على بعض النباتات مثل نبات العدس وبعض الخضر
يقوم بالالتفاف على ساق النبات المضيف بكل نعومة ويبدأ بامتصاص نسغ وغذاء المضيف حتى يكاد إن يقضي عليه​

أسمحولي على المدخل الطويل ولكن حبيت نبين وجه الشبه بين الهالوك وبعض الناس
هذه الضاهرة والي تفشت في مجتمعنا ولا هذه الفئة من الناس الي شبهتها بهذا النبات والي يوصلو لواش بغاو على حساب الناس
مايهمهمش على ظهر شكون يطلعوولا شكون يسرقو المهم عندهم(( الغاية تبرر الوسيلة))
ساعات يوصلو عبر الجثث ان صح التعبير كيما الحكام الله يصلحهم
و ساعات عبر الخيانة
وساعات يكون النفاق والكذب هو سلاحهم
وفي أسوء الحالات تكون الفتن
و
و
و
فهل حقا الغاية تبرر الوسيلة؟؟؟
وإذا كنت تعتقد ذلك هل تقبل تكون أنت هو المضيف لهذاالنوع من المتسلقين
عزيزي العضو
ياترى هل تقبل على روحك تكون أنت هو الهالوك
ولا ربما تكون الفلاح الي يراقب النباتات الطفيلية
ويقوم بإزالتها من الجذور قبل ما يستفحل أمرها

نتمنى تساهمو في الموضوع بارائكم الي تهمني بزاف ​

​

 

[Manar19]

حسيت بروحي في حصة فلسفة ....... اولا انا منسيبورتيش لمتل هدا وللي هو الغاية تبرر الوسيلة ... كون نمشيو بيه اكل يسمى خلات ... وكون جات الغاية تبرر الوسيلة يسمى لخطا ميكونش وبالتالي العقوبة والجزاء يتلغاو....اما بالنسبة لهدو للي سميتهم طفيليات والله يا ختي الله لا تجعلنا منهم والله لا تلاقينا بيهم.... وزيد للي كما هدو وقتهم فالدنيا قصير يسمى الا ما يجي يوم ويدوبو بويسك لا اساس لهم يعني طلعو هكاك برك بلهوا... وحنا نورمالمون منمدوش لفرصة لاي واحد يتسلق فينا كما قولتي نتي..... يعطيك الصحة على لموضوع الهادف..... تحياتي ليك

 

[أميرة العيون]

حسيت بروحي في حصة فلسفة ....... اولا انا منسيبورتيش لمتل هدا وللي هو الغاية تبرر الوسيلة ... كون نمشيو بيه اكل يسمى خلات ... وكون جات الغاية تبرر الوسيلة يسمى لخطا ميكونش وبالتالي العقوبة والجزاء يتلغاو....اما بالنسبة لهدو للي سميتهم طفيليات والله يا ختي الله لا تجعلنا منهم والله لا تلاقينا بيهم.... وزيد للي كما هدو وقتهم فالدنيا قصير يسمى الا ما يجي يوم ويدوبو بويسك لا اساس لهم يعني طلعو هكاك برك بلهوا... وحنا نورمالمون منمدوش لفرصة لاي واحد يتسلق فينا كما قولتي نتي..... يعطيك الصحة على لموضوع الهادف..... تحياتي ليك

صح أختي عند الحق والله عمرو الباطل مايستمر مهما طول وهذه الناس راح اجي النهار و يتكشفو على حقيقتهم ومايدوم غير الصح
ومشكورة على ردك على الموضوع في وقت عادو مواضيع كيما هذا يمرو عليهم بلا ما يردو مافهمتش ممكن يشوفوه تافه على العموم أنا فرغت قلبي وعبرت على الشيئ الي انا شايفاتو ونتمنى يوصل الميساج حتى لوكان مارد عليه حتى واحد المهم انت اختي كفيتى و وفيتي....

 

[باهي2080]

شكرا لك أختي والله عندك الحق في كل كلمة قلتيها ​