انت مع وللا ضد لمقولة هدي؟؟

[Manar19]

احلى سلام لاحلى اعضاء......كاينة مقولة تقول ( قوللي من تصاحب اقول لك من انت) بيانسور كل واحد فينا عندو اصحاب واصدقاء والناس عقليات ويختلفو يسمى صاحبك مشي اوبليجي يكون كيفك.... يادرا لمقولة هدي صح؟ يسمى لكان صاحبك موش مليح يسمى انت كيفو؟ والناس للي تحكم على انسان من خلال شكون يصاحب عندهم لحق وللا فيه ظلم للشخص هدا؟؟ وللا كي تكون عندك شخصية مستقلة وقوية يسمى متتاترش بغيرك متهمكش اخلاقيات صحابك؟ وللا لازم نخيرو اصدقائنا بويسك السمعة مهمة؟؟ ..... جيسبير كل واحد يمد رايوو..... والف تحية ليكم

 

[الخمـيائي]

المرء على دين خليله اختي الفاضلة

و أرى انّ مقولتك تنطبق اكثر على صغار السنّ لأن قابليّتهم للميول كبيرة بسبب عدم تبلور شخصياتهم بالكامل .

امّا من صال و جال و رأى و خالط .. من الصّعب تغيير شخصيته او طباعه إلا في حالة ما اذا صادف شخصية أقوى و أبهى من شخصيته و هكذا ....
​

 

[حلمي النسيان]

موضوع رائع يستحق الطرح أختي​

بصراحة انا منذ بعض الوقت كانت عندي هذي العقلية​

يعني الحكم المسبق على الناس ​

و بالتالي على من يصاحبهم​

بصح مع مرور الوقت تغيرت عندي هذي النظرة​

يعني بكل صراحة ماشي الكل كيف كيف​

و صاحب الشخصية القوية عمرو مايقدر اي انسان يغيرلو المباديء نتاعه حتى و لو كان اعز اصدقائه

بصورة اخرى يكون فيه توافق بيناتهم و الناس تفسره بهذي المقولة​

يعني باختصار نوافق اخي الخميائي في الكلام اللي قاله

يعني هذه الظاهرة تاع التأثر بشخص ما تكون منتشرة في فترة المراهقة وين يكون الشخص عاد في مرحلة النمو تاعه

و مايكونش يميز بين الانسان الجيد و السيء

المهم انو يبين روحه و خلاص​

و طبعا اي انسان قبل مايصدر اي حكم على غيره​

لازم يعرف بلي هو ثاني راه محط احكام الناس​

اختي اجدد لكي شكري على الموضوع​

دمت بود​

 

[BOUSS]

مساء الخير منار الموضوع الي تطرحتيه اليوم مهم بزاف راه ايورينا مكانا في المحتمع وايبيننا الشخصية انتاعك بلي واحد مينجم ايعوضها مهما كان نوع الاصدقاء ال تصاحبهم وانتي لا تستطعين ان تعوضي شخصية اخري غير شخصيتك مع تحياتي لكي منار وشكرا\\\بووووص\\\

 

[أهم 1]

السلام عليكم

انا في راي هذي المقولة ما تنطبقش علي كامل الناس

بصح اكيد الاصدقاء يكون عندهم نفس العقلية

 

[RaNiA]

كل واحد وشخصيتو و صاحبك مش شرط يكون كيفك ولا تكون كيفو
كاين لي يمشيو مع العاقلين وهوما ملتحت لتحت وكاين لي يمشيو مع ليصوفاج وهوما عاقلين

ومام ما نظنش الاصدقاء تكون عندهم نفس العقلية كل واحد كيفاه
​

 

[نور الانوار]

حبة طماطم فازدة تفزد الكازي كامل بصح ماشي بالشرط
كاين وحايد تلقاهم نعمة التربية وكل شىء فيهم مليح يصاحبو عقليات خامجة
المهم يتفاهمو وخلاص

اصلا اي ماكانش صداقة دركـ ؟
​

 

[Manar19]

تقريبا نتفق على راي واحد وللي هو لانسان كي تكون شخصيتو قوية ميتاترش بالغير وقناعاتو هي هي ومبادئو نفسها....وفي نوع من الظلم عندما نحكم على شخص من خلال اصحابة وسورتو كي يكون شخص كبير ومناضج... ولكن في الواقع كاين ناس بزاف يطبقو المقولة هدي... شكرا على مشاركتكم الطيبة والف تحية مني اليكم