باااعدوووووووولهاااااا ....لمرا راهي تسوق يا وخدتك!!

[shahrazad]

باااعدووووووووهاااااا ....لمرا راهي تسوق يا وخدتك!!

السلام عليكم
نشالله خاوتي تكون لاباس و انتيييك :thumbup1:
يقولك femme au volant la mort au tournanthmy:
و معناها ادا كانت لمرا حاكمه القيدون اعرف بلي راحة دير accidentو تقتل واحد مع اول دورة دورها (ربي يحفظنا و يسترنا :sad
و بزاف يخافو من لمرا كي يلقاوها في الطريق تسوق و كاين حتى مايركبوش معاها باسكو مايدروش فيها الثقة :scared: :sneaky2:
واش رايكم فالهاد الهدرة ؟؟؟
علاه يتخاف منها كي تكون تسوق وش هي الاسباب في رايك ؟
و اسكو نتوما يا لبنات عندكم الجرأة باه تسوقو ؟
انا في رايي السواقة ماهيش حكر على الراجل و لا اختراع ولا حاجة واعرة مي معروف انو النسا شوية خوافات و اذا خرجلهم كاميون تقدر نوووووووورمال تطلق volant و تعيييطط :scared: هههه
و نتوما واش تقولو؟؟
ايااا خاوتي ما تبخولوش علياا بآرائكم
في امان الله ​

 

[Manar19]

يخافوها بويسك لخوف ديما منسوب للمراة ... سافوديغ لمراة تخاف واوتوماتيكمون كي تخاف متعرفش تسوق ...... هيه صح القيادة مهيش حكر على الرجال ... مي بكري كانت للرجال برك يسمى بالشوية باه يوالفو بينا نسوقو....... تحياتي

 

[souzan]

موضوعك جا في وقتو اختي شوشو هاد الفكرة راهي ساكنا في مخ اغلبية الرجال و قريب يدخلوها لبعض النساء
باسك من الاول يقوللهم بلي السوقة للرجل ماشي للمراة لان الرجل يقدر يواجه كامل المشاكل في السيياقة و الراة تخاف كيتخاف متعرفش واش دير
بصح انا راني ضد هاد الفكرة و جابلي ربي تالمو المراة تخاف تسوق بشوية و ماديرش لا فيتاس ليدرها الرجل و هنا ما يكنش خطر ني عليها ني على المارين او تاني ملزمش يقولو علينا بلي حنا سباب الحوادث
باسكو ربي سبحانو كيكتبلنا حاجة يا و متتحصل ني فالمراة و لا في الرجل لان هادا وسمو مكتوب ربي و لازم نامنو بيه.
مشكورة اختي موضوعك في القمة
تقبلي مروري
​

 

[immy]

نورمال بالعكس في دراسات كتشفوان سياقة المراءة امنة لانها تخاف من السرعة و التجاوز انا مانسوقش غير كي ما تكونش السيركيلاصيون وبيان سير بابا حذايا​

 

[shahrazad]

يخافوها بويسك لخوف ديما منسوب للمراة ... سافوديغ لمراة تخاف واوتوماتيكمون كي تخاف متعرفش تسوق ...... هيه صح القيادة مهيش حكر على الرجال ... مي بكري كانت للرجال برك يسمى بالشوية باه يوالفو بينا نسوقو....... تحياتي

صح عندك الحق بداو دوك يتقبلو شوية سياقة المرأة
يعطيـــك الصحة منار ختي على ردك
نورتي
تحيــــاتي ​

 

[RaNiA]

لي كونتر سياقة المرأة في رايي متخلف او بالاخص معقد وخايف لا المرأة تفوتو في كلش وتسوق خير منو
المرا تجـيني تسوق خيرمن الراجل
سورتو هذوك ليجون تاع 18 سنة الدراري غير ما يسوقوش خير الطيرة ولافيتاس ديسوفاج تاع الصح
قداه مرة نسمع بواحد دهمتو طوموبيل مي لي يسوق فيها مش النساء بالعكس الرجال​

 

[shahrazad]

موضوعك جا في وقتو اختي شوشو هاد الفكرة راهي ساكنا في مخ اغلبية الرجال و قريب يدخلوها لبعض النساء

باسك من الاول يقوللهم بلي السوقة للرجل ماشي للمراة لان الرجل يقدر يواجه كامل المشاكل في السيياقة و الراة تخاف كيتخاف متعرفش واش دير
بصح انا راني ضد هاد الفكرة و جابلي ربي تالمو المراة تخاف تسوق بشوية و ماديرش لا فيتاس ليدرها الرجل و هنا ما يكنش خطر ني عليها ني على المارين او تاني ملزمش يقولو علينا بلي حنا سباب الحوادث
باسكو ربي سبحانو كيكتبلنا حاجة يا و متتحصل ني فالمراة و لا في الرجل لان هادا وسمو مكتوب ربي و لازم نامنو بيه.
مشكورة اختي موضوعك في القمة
تقبلي مروري​

يعني قصدك الراجل هو سبب خوف المرأة من السواقه
اهاا وجهة نظر معقولة
لانو المرأة تخصها فالسواقة تخصها شوية ثقة و تشجيع
لكن تبقى المرأة عواطفها تتحكم فيها في اغلب الاحيان على هاديك يتخاف عليها و منها كي تسوق ههههه
ربي يهنيك ختي و يعطيك ماتتمناي
نورتي
تحيـــاتي
​

 

[H@teM]

منكدبش عليك شهرة نخاف تسوق بيا وحدة مرى
عداو معايا البيرمي لا علاقة بسيف لا يتعلموا
واكثر حاجة ميعرفوهاش لكرينوا
جربي نهار احضري لي تاست تموتي من الضحك
يعطيك الصحة على الموضوع
​

 

[shahrazad]

نورمال بالعكس في دراسات كتشفوان سياقة المراءة امنة لانها تخاف من السرعة و التجاوز انا مانسوقش غير كي ما تكونش السيركيلاصيون وبيان سير بابا حذايا​

اهاا صح عندك الحق في هادي معروف انو لمرا ماديرش لافيتاس و هادي حاجة مليحة
لكن الخوف عليها ملي يدير لافيتاس و لا طيح في موقف صعيب ربما يحتاج لأعصاب و تحكم الرجل و حتى نتي راكي قلتي ماتسوقيش فالسوركيلاسيو و لازم يكون معاك باباك
ربي يهنيـــك ختي و يعطيك ماتتمناي
نورتي
تحيـــاتي​

 

[Jagwar]

و الله يا شوشو اختى أنا نخاف نركب مع أي واحد و بالأخص النساء
أنا خويا شوفار طاكسى و نخاف نركب معاه ، و كيف نركب معاه تلقاينى توجور نفرينى و نكسيليرى من جيهتى على خاطر أنا والفت على السواقة تاعى
و النساء صراحة نموت من الركبة تاعهم ، على خاطر ما عندهومش الريفلاكس و زيد يخافو بزاف
أنا فى حياتى 2 مرات خبطت الطوموبيل و المرات فى زوج كانو مع 2 نساء .
أنا علابالى بلى كاين نساء يسوقو مليح بصح لوكان يعملو مزية يقعدو فالدار يقشرو البطاطة خير ليهم و عافية لينا ههههه .

يعطيك الصحة اختى على الموضوع الهايل و كيف تحبى تفوتى البيرمى قوليلى نعلمك شويا ، باسكو ال Auto écol راهم واعرين شويا .


تـــحـــيـــاتـــى







​

 

[كلي امال]

السلام عليكم
انا معلاباليش بلي يخافوا من السواقة تاعنا
انا كان بابا يعلم فيا و نهار قريب تخرج نتيجة الباك بطل قالهم درك تنجح تروح للجامعة تنحيلي الطوموبيل
بصح كي نشوف واحد يسوق بالعقل في الطريق نتقلق انا نحب السرعة و اختي تقولي بابا فاق بيك ماحبش يعلمك
ميرسي بزاف على الموضوع

 

[السلطانة]

شكرا اختي على الموضوع الهايل انا عن روحي نخاف من سواقة جامي نخمم فيها مي تعجبني لمرا لي تسوق تحياتي

 

[abou.kharab]

maybe becouse


the women by nature afraid

​

 

[shahrazad]

لي كونتر سياقة المرأة في رايي متخلف او بالاخص معقد وخايف لا المرأة تفوتو في كلش وتسوق خير منو

المرا تجـيني تسوق خيرمن الراجل
سورتو هذوك ليجون تاع 18 سنة الدراري غير ما يسوقوش خير الطيرة ولافيتاس ديسوفاج تاع الصح

قداه مرة نسمع بواحد دهمتو طوموبيل مي لي يسوق فيها مش النساء بالعكس الرجال​

اكيــد السواقة كما قلت ماشي حكر على الرجل
و كما رانا نشوفو المرأة السعودية غير كيما باه ولا مسموح ليها تسوق لأنو كانو يقولو فالأول حرام!!!مفهمتش وينهو الحرام
بالاك راهم خايفين علينا رانيا ماشي غيرانين هههههه
يعطيـــك الصحة خيتو على مشاركتنا برأيك
نورتي
تحيــاتي ​

 

[shahrazad]

منكدبش عليك شهرة نخاف تسوق بيا وحدة مرى

عداو معايا البيرمي لا علاقة بسيف لا يتعلموا
واكثر حاجة ميعرفوهاش لكرينوا
جربي نهار احضري لي تاست تموتي من الضحك
يعطيك الصحة على الموضوع​

ههههههههههه راني حضرت مع بابا كي كان يعلم ختي و الله غير الضحك حتى هبطنا في زوج
هاد الشي يعتمد جابلي ربي على شخصية لمرا ادا كانت جريئة و قوية راح جيلها سواقة ساهلة و ميتخافش عليها
(و واش قصدك بهاديك تاع بسيف يتعلمووو :angry: راك طيح بقدراتنا ولا وشنوو :sneaky2

هههههههه راني غير نقصر معاك
يعطيـــك الصحة حاتم على المشاركة
نورت
تحيـــاتي ​

 

[moni92]

لانو المرا تتحكم بقلبها وما تحكمش عقلها وخوافة اكثر من الراجل ناقصات عقل انا الحق نعرف نسوق شوية مي في بلادنا امبوسيبل تسوق مرا تلقايهم الناس الكل يشوفو فيها تقول معجزة نازلة من السماء ؟؟

 

[nina bonoise]

انا راني قاعدة نسنا في بابا وقتاه يعلمني شوية نسوق هههههههههه
بابا يسوق و ماما تسوق نورمال نركب معاها
المهم راني نسنا في دالتي ههه
و انا الحق نحب نركب مع ماما باه ندير شوبة طيرة في الطوموبيل
​

 

[shahrazad]

و الله يا شوشو اختى أنا نخاف نركب مع أي واحد و بالأخص النساء

أنا خويا شوفار طاكسى و نخاف نركب معاه ، و كيف نركب معاه تلقاينى توجور نفرينى و نكسيليرى من جيهتى على خاطر أنا والفت على السواقة تاعى ​

امالا نتا يا اسامة فالسواقة دير لامان غير في روحك
ههههههههه ايا مليييييح
​

​

و النساء صراحة نموت من الركبة تاعهم ، على خاطر ما عندهومش الريفلاكس و زيد يخافو بزاف
صححح بزااف ههكااا :sad:
أنا فى حياتى 2 مرات خبطت الطوموبيل و المرات فى زوج كانو مع 2 نساء .
رااه عندك تاريخ و سوابق ماشي مليحة مع النسا الي يسوقو
بالاك تعقدت منهم هههههه :sad:
أنا علابالى بلى كاين نساء يسوقو مليح بصح لوكان يعملو مزية يقعدو فالدار يقشرو البطاطة خير ليهم و عافية لينا ههههه .
ههههههههه صااار يقشرو البطاطا
نزاحموكم في كلشي صافا هكااا :angry:
:angel_not:​

يعطيك الصحة اختى على الموضوع الهايل و كيف تحبى تفوتى البيرمى قوليلى نعلمك شويا ، باسكو ال auto écol راهم واعرين شويا .
صحح والله واعريــن سورتو مع النسا
يعطيك الصحة مي بربي ادا لقيت مرا تعلمني ههههه مرا مع مرا يتفاهمو :biggrin:
ماشي كما الرجال يعرفو غير يبخصو ​

تـــحـــيـــاتـــى​

يعطيـــك الصحة اســـامة على مشاركتنا برأيك
نورت
تحيـــاتي​

 

[** غزال الصحراء **]

السلام عليكم

ايه هاذي هي ! راكي سألتي و جاوبتي في نفس الوقت , حبيت نقول بلي إذا كان هناك سبب

لكثرة الحوادث عند النساء يكون بسبب هاذاك الخوف الفطري لي عند لمرة apart ça

راهم كيف كيف و على فكرة اليوم راني نشوف في الطونوبيلات قاع يسوقو فيهم النساء يعني

( المرة تسير الأسرة ** و الراجل يخبز الكسرة )

تقبلي مروري المتواضع و وفقك الله .
​

 

[shahrazad]

السلام عليكم
انا معلاباليش بلي يخافوا من السواقة تاعنا
انا كان بابا يعلم فيا و نهار قريب تخرج نتيجة الباك بطل قالهم درك تنجح تروح للجامعة تنحيلي الطوموبيل
بصح كي نشوف واحد يسوق بالعقل في الطريق نتقلق انا نحب السرعة و اختي تقولي بابا فاق بيك ماحبش يعلمك
ميرسي بزاف على الموضوع

اواااه ختي امال نتي يتخاف منك عندو الحق باباك يخاف عليك
لازم تبينيلو بلي تسوقي بلاعقل هكا يدير فيك الثقة و يرجعلك الطوموبيل ان شاء الله
باسكو هو مايحبلك غيــر الخير :angel_not:
يعطيـــك الصحــة خيتو على المشاركة
نورتيـــنا
تحيـــاتي​