مادا ستطبخين اليوم اختي!!!!!!!!!!!!!!!!!!!!!!!!!

[nawal1980]

تشهي يا ايمان يعطيك الصحة على البوراك والجاري على ما اضن والروز جا شباب


ندى انا ما طيبتش اليوم سخنت تاع البارح(حوت+بطاطافي الكوشة) في الميكو اوند يعني ما شعلتش الفورنو
اما ليا مازال ما خلاصش البويون
كليت البويون +سلطة+جزر +م-ص زيت زيتون
العشية انا ناكل حبة فاكهة +1الياغورت
والبنات يكملو الكوكيز هكدا باش ما ناكلش انا
والعشية مازال ما خممتش

 

[imane27]

الله يسلمك نوال واش ولفتى رجيم علبالك الوصفة لعتتهالك تع الرجيم جربوها شحال من ناس او قالولى شيانوا بها

 

[nada242008]

مساء الخير عليكم انا لبارح كان عندى ضياف هدا واش طيبت مقدرتش نحطهم لبارح عيت

يعطيك الصحة يا ايمان مالا رمضنتو البارح على حساب الشوفة
ماكلة تشهي صح
ويا نوال دبرتيها خلي على الاقل الكويزينيار تريح شوية:biggrin:

 

[nawal1980]

شربة الكرمب ان شاء الله نسيها السمانة الجاية ايمانو
نوالف شوية من بعد ربي ورحمتو

 

[ibtesem]

واش هذا يا ايمان الله الله كون غير جيت انا ضياف خسارة جيتي بعيدة نقلك ابعثيلي من كل شئ صحن
خخخخخخخخخخخخخخخخخخخ​

 

[ibtesem]

نوال راني البيوم الرابع من الرجيم والله الحمد لله
نحب انا لشجعني
انت وين وصلتي

 

[nawal1980]

الحمدر لله كيما انتي اليوم الرابع بصح ما نيش نوزن

 

[imane27]

والله غير عييت يا ندى تقول عرس مشى رمضان
يعتيك الحة ابتسام مرحبا بيك فى كل الوقت كى جي خطرة جاية قوليلى الفونس ندرهملك
نوال انا سمعت فى تلفاز كى تكونى رجيم متوزنيش روحك كل دقيقة باش مدكريجايش

 

[nawal1980]

هاداك واش راني نعمل ايمان ما وزنتش روحي خلي الحوايج تحكم

 

[وفاء الجزائرية]

اهلا بيكم بنا
انا تاني راني في صفكم بديت من اليوم ريجيم ربي يكون في عوني وعنكم

انا ريجيم لي ندير فيه هو :

اني ناكل كل شي بصح مانكلش الخبز خلاص خلاص
منحيتو من راسي

ليوم درنا شربة لسان عصفور شربتها واحدها

بربي في ليل ندير بويون

احسن حاجة لي تساعدني في ريجيم هو بويون

ان شاء افدتكم
​

 

[nawal1980]

ان شاء الله ربي يقوينا اختي وفاء ونوصلو كامل لهدفنا

 

[وفاء الجزائرية]

ان شاء الله اختي

 

[nada242008]

واش مطيبين عشا يالبنات
راني نخمم ندير الكبد المحموس ههههههههه من نهار عرفتو لصقت فيه

 

[faroudjase]

بصحتكم لبنات ،بصحتك الكبد المحموس ندى.

 

[faroudjase]

مساء الخير عليكم انا لبارح كان عندى ضياف هدا واش طيبت مقدرتش نحطهم لبارح عيت

بصحتكم ايمان أطباق رائعة جدا .انا أحب الشربة كثيرا.

 

[ibtesem]

واش مطيبين عشا يالبنات
راني نخمم ندير الكبد المحموس ههههههههه من نهار عرفتو لصقت فيه

انا عملت جزر وبروكلي مفور
شرائح صدر دجاج مشوية بعدة على الزيت
مع الماء والخبز الشعير
عجبك عشايا ندو

 

[ibtesem]

مساء الخير فروجاس واش راكي

 

[nada242008]

بصحتكم لبنات ،بصحتك الكبد المحموس ندى.

الله يسلمك فروجاس
شكراا

 

[nada242008]

انا عملت جزر وبروكلي مفور
شرائح صدر دجاج مشوية بعدة على الزيت
مع الماء والخبز الشعير
عجبك عشايا ندو

صح ليك ابتسام .تعجبيني انت ونوال كي التزمتوا بالخضر المفورة
خبز الشعير يعطش ضرك تباتي تغري في الما :001_tt2:
وصدر الدجاج مشوي اممم سخفتيني
انا صدر الدجاج نقطعو مكعبات ونزيدلو 2 مغارف اكل زيت+ملح + فلفل اكحل+ ملعقة اكل موطارد
وفي الاخير عصرة قارص + معدنوس يجي هايل يشبه للشورمة
جربيه كاش نهار ورديلي الخبر
تعجبيني بكلك يا ابتسام مش غير عشاك:001_wub:

 

[ibtesem]

الله اسلمك يا الهدارة من مفروض تتخرجي من جامعة العلوم السياسية والعلاقات الدولية
ماشي فرمسيانة
سياسية في الهدرة
هذى الوصفة درك نديرها للبنات علابالي يهبلة عليها
نردلك الخبر من درم كم قبل الطياب​