صبروني يا خوتي

[الاخت دلال]

السلام عليكم
انا اول مرة نكتب كمضوع هنا
اوجيت باش نفرغ قلبي
راني في حالة نفسية منكسرة جدا جراء خسارة المنخب الجزائري
ملي المصريين سجلو الهدف الثاني وانا في حالة بكاء شديد حتى الان
لا ادري ماذا سافعل

 

[mimi17]

خلي ايمانك بالله قوي ومازالت فرصة اخرى بلحق كون رانا رحنا للمونديال من الهدف الي ما حسبوهولناش في رواندا بصح الله غالب لكن الله يمهل ولا يهمل وانشاء الله نربحوا في السودان استغفري ربي وتفائلي خيرا

 

[مروة MARWA]

انا البكاء ماحبش يحبس من عيني واش نديرررررررررررر
نزيد نسمع الغناء تاعنا نموتتتتتتتتت
مي................لازمنا نتعلقو بالله و نقبلو بقضائه هده المرة
و المرة الجاية ان شاء الله الربحة لينا

 

[اسمه_ان]

انا تاني راني في حالة بصح واش نديرو

الله غالب ندعيو ربي يوفقهم في المباراة الفاصلة ان شاء الله​

 

[بنت النخلة]

سلام اختي

والله حكمتني حالة ما توقعتهاش من القلقة بصح انشاء الله ربي ينصرنا في السودان يااا رب
رانا واثقين في اولادنا

:thumbup1::thumbup1::thumbup1:معاك يا جزائر:thumbup1::thumbup1::thumbup1:​

 

[asmaa_h]

ما تفقديش الاملو ادعيلهم ربي ينصرهم في السودان

 

[sahouma]

وانا اني كيفك والله

بصح واش رايحين نديرو

قدر الله وماشاء فعل

 

[aMiNa-K]

حتى واحد ماخيرمن لوخر ههههه
انا راسي وجعني شربت كاشي و مانفعنيش شربت قهوة طيرتلي النعاس و هاني قاعدة و راسي مازال يوجع

غير ابكي و ماتحبسيش انا ماقدرتش نبكي برك هههه

ياخي فوت ياخي​

 

[kheiro6]

ياربي استر
راني في حالة لايرثى لها
بصح قدر الله وماشاء فعل
اذا كتبت ان شاءلله نربحوا في سودان

 

[programmeur]

أنا مارانيش عارف كيفاه نصبر روحي
كيفاش نصبرك انت يا اختي
بكل صراحة المورال راه صفر و الشك راه داخل في قلبي من 18 /11 هده هي الحقيقية لي راهي في قلبي
واللي حب يصبرني مرحبا به
انا نروح نرقد ادا جاني النعاس بها ونعمة وادا ماجانيش راني نجي للمنتدى بالاك نصبرك

 

[abidou 20081]

ختي واش تحب نقولك غير لي يهدر كلمة يزيد على خوه رانا كامل كيف كيف
واش تحبي تديري ربي خير صحيح حنا لي سهلنا ليهم المهمة المصريين معروفين
بضرابي تاعهم بصح والله ماننسى الشي لي داروه وهذاك هو السبة الحقيقية تاعنا
والله ماننساه والأخوة هذي يروحو يشمخوها ويشربو الماء تاعها الأخوة منين يضربونا يقلبوها أخوة هذا نفاق
ماشي أخوة إستقبلناهم بالورد ضربولنا لي جوور وهذاك واش قدرو يديرو راكي عارفة
واحد راسو محلول كيفاش يلعب النفسية تاعو مكسرة لوكان جاو رجال يلعبو فوتبال ماشي
كولسة وهماج بصح ماعليش ربي خير ومانكملش لوكان نكمل نبدى نخسر بصح ينساو كلمة الأشقاء هذي
ومن اليوم الدول كامل أشقاء المصريين فالدم وحتى لي يقولك أحنا خاطينا كيف كيف
إذا خاطيه يعترف برك بواش دارو مايجيش يحشيلي بالأخوة ولي يعترف بالطريقة الرخيسة لي ستقبلونا بها هذاك يقدر يقولي بلي راه شقيق ولا أخ أما الباقي ليهود ولا هما ​

 

[السلطانة]

les algeriens كلهم راهم في حالة حنونة
نصبرو ونخليوها على ربي

 

[Microsoft]

ربي يستر وخلاص

كوعدنا 18 نوفمبر إن شاء الله ومازال باقي الحظوظ

 

[podolsky]

السلام عليكم


نقولك حاجة .....قلتها لاخي الصغير كان هو يبكي اليلة .....حنا ليزالجيريا ....ماشي المصاروة الي يبكونا ولا يخوفونا .....ممكن نخافوو ولا نبكووا مع الطليان ولا البرازيل ولا الاسبان ...في الصيف الجاي ان شاء الله

 

[programmeur]

جماعة أدخلو هنا وارفعو التحدي وخلونا من واحد راسه ضاره والاخر رجليه
وعقدنا العزم ان تحيا الجزائر
https://www.4algeria.com/forum/t/180828

 

[جوهرة سايس]

حبيبتي الكرة لايجب ان تفعل فيك كل هدا
خليك قوية والي فيه الخير يجي من عند الله

 

[ظل الياسمين]

من يضحك اولا يبكي اخرا إن شاء الله الفوز لينا وخلي إيمانك وثقتك في الله كبيرة وربي ينصرنا ان شاء الله

 

[احساس طفلة]

معليش مزالت مباراة السودان....

 

[RaNiA]

رانا كل كيف كيف انا لليوم ومازالت مقلقة وراسي رح يتفلق من القلقة

مي معليش يا ربي ان شاء الله نربحو في السودان

ادعيو وصليو ما تخليوهاش تفوت كاك برك

وان شاء الله ما يكون غير الخير و ان شاء الله نربحوهم​

 

[الاخت دلال]

خلي ايمانك بالله قوي ومازالت فرصة اخرى بلحق كون رانا رحنا للمونديال من الهدف الي ما حسبوهولناش في رواندا بصح الله غالب لكن الله يمهل ولا يهمل وانشاء الله نربحوا في السودان استغفري ربي وتفائلي خيرا

بارك الله فيك اختي واشكرك جزيا الشكر