جاوبوا بصراحة باه نربحوا...........؟

[sousou.1]

السلام عليكم
الحقيقة راني نقدر نقول بللي عرفت واشيهوا السبب الحقيقي لخسارة المباراة تع مصر
لافوت راهي مشها في لي joueurs لافوت راهي فينا
وعندي ليكم سؤال انشاء الله تجاوبوني بصراحة
وحتى لغابت الصراحة بينكم زبين روحكم راح تفهموا السبب

كيف ذن الاذان وقت الماتش شكون وقف وراح صلى؟

او قادر واحد مصلاش يكون السسب الاول لخسارة والله لايجعلنا جرة

انتظر اجوبتكم بصراحة

وانشاء الله بلادي تربح في 18 الجاي​

 

[الأسمر]

ولله ولله ولله ثلاث كنا في مجموعة كبيرة
ونتفرجو في الماتش في التلفزة الجزائريةوكيما تعرف اذن العشاء قلتلهم ولله يبدل واحد نتقاتل انا وياه وهو خلص الأذن ونا رحت صليت وهذي ولله صراحتي ونحب الصراحة
راني نحكي على نفسي​

 

[عازفة الاحزان]

السلام عليكم و الله العضيم كنت في الطريق و الشوط الاول كامل سمعتوا في الاذاعة و صح كي وصلت روحت طول للتيلي مع الزعفة هذيك و زادوا شوكاونا ببيت وحداخر
يسمة مرحتش صليت العشاء قبل الماتش
و بربي منعاودهاش في الماتش الجاي
و شكرا على التنبيه
باه المرة الجاية متروحليش
​

 

[الأسمر]

وبلا ما ننسا نشكرك بزااف على هذا الموضوع
وتقبل تحياتي وشكرااااا...........

...........​

 

[دودو لبزاف]

ماصبتش خيو راك تعرف الغاشي و الدحاس

مي المرة الجاية ماتفوتش

يعطيك الصحة
​

 

[minakapi]

انا مرنيش عاقلة لصليت ولا لا تالمون الشوك

 

[zaki02000]

صراحة يا خويا انا حتى كي كملوا الشوط الأول باه صليت العشاء

 

[هــــيلدا]

صراحة انا حطيت السجادة مقدرتش
والله مقدرت علابالي رايحة نصلي وقلبي مهوش مع ربي
بقيت شادة السجادة وانا لابسة خماري حتا خلص الشوط الاول
​

 

[sousou.1]

نشكركم اخواني على الصراحة ونشاء الله منعاودوهاش الخطرة الجية اي صلاة المغرب متسناش
واللي صلى يحاول يوقف اللي معاه باه يزيد العدد
وارجو نشر الموضوع

انشاء الله في سيدافريك
​

 

[اية هبة الرحمان]

انا شخصيا صليت و دعيت الله و الله ماكتبتش المرة الجاية ان شاء الله رايحين ننتصر

 

[ouafi.dz.34]

صح والله يا خو عندك الحق علا هادي النقطة المهمة بزاااااااااااااف لبارح استغفر الله يا لاامام صلى وحدو وقيلة انا بابا راح يصلي ضحكو عليه اقعد تتفرج من بعد صلي ربي ينجحنا بربي ان شا الله ونربحو علا مصرائيل

 

[i dont know]

انا شخصيا صليت المغرب قبل الماتش اذا راك تحكي علا صلاه المغرب اما صلاه العشاء صراحه كي كمل بروميار ميتو وصليتها ودعيت ربي وان شاء الله الماتش الجاي لينا يارب​

 

[imene23]

الحقيقة كيما فض الشوط الاول باه صليت

 

[Midia]

انا صليت بعد الشوط الاول
والله راني نهدر في الصراحة
​

 

[sousou.1]

نشاء الله واحد ماينسا صلاتو
وادعيو يا جماعة وقولو
اللهم لا تاخذنا بما فعل السفهاء منا
امين يا ربي
كشما نمنعوا
ونشاء الله رابحيييييييييييييييييييييييييين
​

 

[شرشالية]

بالرغم من انو كان عقلي مع الماتش الا اني صليتها في وقتها ودعيت ربي
وانا كلي امل باش نربحو ولاكن كلشي بمكتوب الله وكل شيء في وقتو مليح ان شاء الله ربي يعوض
الصبر ديالنا خير ويوفقنا في السودان يارب
كثفو من الدعاء

 

[sousou.1]

شكرا على الصراحة للجميع
ونشاء الله الربحة في السودان​

 

[Ranosa]

انا نقول خويا ملي مركاو البيث الاول وانا غلقت على روحي في الغرفة وحاولت منسمع والو وبديت نبكي وحدي كنت عرفا بلي رايحيين نتعادلو

مي هاد المرة نشاء نصلي100 ركعة في خاطرهم

 

[sousou.1]

انا نقول خويا ملي مركاو البيث الاول وانا غلقت على روحي في الغرفة وحاولت منسمع والو وبديت نبكي وحدي كنت عرفا بلي رايحيين نتعادلو

مي هاد المرة نشاء نصلي100 ركعة في خاطرهم

من فمك لربي ونشاء الله الربحة

 

[عطر الندى]

انا والله ستنيت 5 دقايق مبعد الاذان ومبعد خزيت الشيطان ونوضت صليت​