راني نتشفا بزاف على بنات الجزائر بعد قطع المسلسلات المصرية عن الجزائر هههههه

zagane

zagane

:: عضو بارز ::
أوفياء اللمة
سلام عليكم
راني نتشفا بزاف على بنات الجزائر بعد قطع المسلسلات المصرية عن الجزائر هههههه
بصح المسلسلات المدبلجة هذا وين تزيد تحكم ليها في الجزائر surtous مهند هداك :confused1::confused1::001_wub::001_wub:
أنا كون عليا يقطعوا كامل المسلسلات باش البنات يتلاهاو شوية برواحهوم و شغالتهم :cursing::cursing:
 
توقيع zagane
ماكالاه تتشفا
انا اصلا ما نشوفش المسلسلات المصرية و لا التركية
راحت عليك ههههههههه
 
آمين يا رب العالمين​
 
هههههههه

انا المصاروة نكرهم من بكري و التركية تفرجت تاع ميرنا برك و ضرك مارانيش نتفرج فيهم كاااااااااااااامل
 
ماكنت نشوفهم مانندب عليهم

ههههه و ماعندك ماتستشفى على خاطر قطعوهم على دزاير بصح كاين لي شان تاعهم فالنيل سات

يتسمى ماشي هما لي قاطعونا حنا لي قاطعناهم قادرين نشوفوهم فليشان تاعهم بصح حنا لي ماحبيناش ​
 
نقولك الصح سحابة و تفوت يحبسوهم مدة برك و يعاودوا يرجعوا ليهم
 
ههههههههه ما تتشفاش بزاف بارسوكو اصلا ما نسيبوتوش المسلسلات المصرية

و دارو بليزير كي قطعوهم هههههه :angel_not:
​
 
ديما الحاج لخضر
 
أنا نقولك والله ربي لعزيز ما نتفرج لمصاروة ما نفهمش حتى هدرتهم
يقطعوا ولا ما يقطعوش ما يهمنيش
 
ياخويا و الله غير كرهتم المصريين
خلاص مارانيش كاع نشعل لاتيليفيزيون
 
دارو مزية كي هناونا منهم كامل المسلسلات موضوعها واحد
غبر العنوان مبدل
تحيا الجزائر
وانا من بكري منشوف لا الأفلام ولا المساسلات هذي ولا هذيك
ههههههههههههههههه
 
و الله المسلسلات المصرية نكرهها منفهمها منفهم هدرتها
 
الحمد لله لي ما نتبعهمش شحال عندي ما شفتش مسلسل الفول والحمص
 
ما تستشفا ما والو انا مانخدمهومش
 
ههههههههههههه الحمد لله خاطيتني الافلام المصرية واصلا ما نقدرش نتفرجهش مع العائلة عيب كبير امالا ما نتفرجهاش خير ندي اجر عند ربي​
 
ههه على مصرين يخي هما الي يشفو مشي حنايا انا راني شحاااااااااااااااااااااااااااااااااااااااااااااااااااااااااال من عام قطعا مسلسلات المصرية ودوكا مني قع نشمهم هههههههههههههههه
 

انا اصلا من بكري مانتبعهمش ومانتبعهمش
الحمد لله
لازم الكل يحدف تلك القنوات اصلا لانهم
حرام في حرام ولا تنسو بان
العين تزني وزناها النظر
حان الوقت لتنظيف مجتمعنا من العيب والعار
الحمد لله عسا ان تكرهو شيئا وهو خيرا لكم​
 
جاتنا ضربة خلاتنا نحيوهم وخاصة لغنا تاعهم وخاصة لمحابسي تحهم تامر حسني تهنينا منو تاع الصح ههههههه هيا استشفى فينا
 
توقيع السلطانة
قال عائشة القالمية:
جاتنا ضربة خلاتنا نحيوهم وخاصة لغنا تاعهم وخاصة لمحابسي تحهم تامر حسني تهنينا منو تاع الصح ههههههه هيا استشفى فينا
إضغط للتوسيع...


.. و الله نحس روحي 0 .. كي نتفكر بالي كنت نسمع له ><" ..
.. راني رايح نهبــل .. الإدارة محبتش تغيــر لي إسمــي ..:cursing:


​
 
هههههه يضهرلي لبنات كلهم لعبوها بلي ماكانوش يتفرجو لمصارو ا ههههههههه هيا قرو برك زعمة ماكنتوش تسمعو لتامر حسني هههه هيا برك جيبو لحق
يظهرلي انا الوحيدة لي قرت بلا ضرب هههه
راني نضحك معاكم برك يابنات بلادي
 
توقيع السلطانة
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom