***مرحبا بكم في جارتكم لـــيـــبـــيـــا (صـــور)***

السلام عليكم ..
كيف حالكم يا جيرانا شنو اموركم ان شاء الله لاباس وصحيحين ..
كل عام وانتو بخير ان شاء الله .. تي مبارك عليكم الفوز ان شاء الله .. والا نقول مبارك علينا الفوز ..
فروحتونا الله يفرحكم .. وان شاء الله ملمومين ومابيكم شي ..
عموما جايبلكم معايا مجموعة صور من ليبيا وتحديدا من منطقة الجيل الأخضر والصور من تصويري الخاص .. من كل زردة نمشيها غادي نصور كم صورة ونروح صيف شتاء ربيع خريف .. ديمة .. ما عنديش روح مع الزرادي ..
عموما هدينا الصور .. وان شاء الله يعجبنكم .. وتوا نحاول نعطي أسماء المناطق وشوية معلومات كان ساعدني الوقت ..

نبدو باسم الله :

من غابات قورينا او مدينة شحات

من وادي الكوف أو (الكهوف)

من رأس الهلال

من قورينا

وادي الكوف .. دعاية للتن ههههههه

مدخل وادي الكوف الشرقي

يتبع بإذن الله في الرد القادم
وسعو بالكم معايا لأن الصور واجدات .. :001_unsure:

 

[moha39]

عيدك مبارك خويا وكل سنة وانت والامة الليبية بالف خير
مشكووور اخي على الصور الجميلة للطبيعة الرائعة في ليبية الشقيقة

 

[shelmani]

مشكور خويا moha39 على ردك .. وان شاء انت والمغرب الكبير والامة الاسلامية كلها بخير ..

واهو نتابع معاك مجموعة الصور الثانية :
من مدينة المرج

من منطقة مسّة

من جديد قورينا

من وداي بالفو

سامحوني على المكتوب عالصورة .. لأن أنا كنت ضايفهن في منتدى ليبي من قبل .. وبصراحة متنبل نحمل الصور الجديد من غير التوقيع

من وادي الكوف

وبإذن الله هكي تكون تمت المجموعة الاولى من الصور ..
وتوا نضيف مجموعة صور الثلوج في الجبل الأخضر .. ومن مدينة طرابلس وبنغازي

من جديد تحية من ليبيا للمغرب الكبير وكل عام وانتو بألف خير

 

[moha39]

بارك الله فيك اخي الكريم مااسم هذا المكان لانه شبيه بمدينة بجاية روعة هذي الصور

 

[shelmani]

السلام عليكم
مرحبتين بيك خويا moha
المكان هدا اسمه الجبل الاخضر وقاعد في شمال شرق ليبيا وان شاء الله نستقبلوك فيه في يوم من الايام