اذا انت فهمت ....ارجوك فهمني

[أفراح الجزائر]

السلام عليكم ورحمة الله


نتمنى بساطة موضوعي تلقى الاعجاب منكم .....


يقولو الشايب رجع شباب والشباب شاب والجيل الطالع ضاع


جيتكم اليوم بتفسير منطقي لهذ المقولة.........


نبداو بالشايب لي رجع شباب ......ياخاوتي واش نقولكم راهم مزيرين فلكرسي في بالي بصح رايح تصرا في بلادنا ويديوالكرسي معاهم للقبر......ونوصيك ياشاب اذا حصلة على عقد ماقبل التشغيل


ودخلة على المدير ....اكيد راح يكون شايب....قولو انا جيت غير باش نجوز عامين تاع العقد ونريح :angel_not:...وياويلك اذا قلتلو عندك امل تترسم :angry: تمااكين يقطع العقد ويقطعلك الامل يا مسكين....


أما الشباب لي شاب ...راحت عليه والله لراحت عليه :crying::crying:قعد يدور بين الجرائد الرسمية والغير رسمية يحوس كاشما قانون جديد يفيد بادماج الشباب...وبالطبع هذا القانون يديره الشايب.. ايه والفاهم يفهم.....كي تمر على قهوة فعوض ماتلقى شايب متقاعد يقرى الجريدة تلقى شباب متقاعد ...وهاكا الشباب شاب وهو يقرى الجريدة....


ولي كمل على الباقي الجيل الطالع لي ضاع ......لم تشوف الطفل لي خارج من دارهم صباح رايح يطلب العلم وعند باب المدرسة يقولولو ارجع عدنا اضراب....وفوق هذاشي حامل على دهرو قنطار هههههههههه في بالي الطفل راح يلحق بالشباب.....وفي الختام اجمل ماغنى مامي


أنا وعلاش وعلاش عليك هاكا يادنيا .....خليتيني هايم وندور​

ارجوكم فهموني ...نبغي بلادي بصح مانبغيش واش راه صاير فيها.

 

[abou.kharab]

أنا وعلاش وعلاش عليك هاكا يادنيا .....خليتيني هايم وندور

You can understand from this sentence

this is my country
!

thx sister nice topic
​

 

[دودو لبزاف]

ارجوكم فهموني ...نبغي بلادي بصح مانبغيش واش راه صاير فيها.

انا تاني
​

 

[ولد قالمة 24]

ياشاب اذا حصلة على عقد ماقبل التشغيل


ودخلة على المدير ....اكيد راح يكون شايب....قولو انا جيت غير باش نجوز عامين تاع العقد ونريح :angel_not:...وياويلك اذا قلتلو عندك امل تترسم :angry: تمااكين يقطع العقد ويقطعلك الامل يا مسكين....

هذي فور فور بزاف

 

[حسان]

أنت قلتي هو شايب و احنا عندما كلام كبير على شايبيين

شايب كي يقعد في كراسي يموت و يدخل معه للقبر كيما قلتي
شايب لا يسمح اتنازلي و اتنازلي بلاك تسقط منه دور واحد

بلادي كبيرة على هذوك شايبيين و نتمنى يكبروا و يكبر و يصبحوا يخرفوا نديوهم لدار العجزة و ياليب يروح ليه ذوك قبل غدوة

 

[أفراح الجزائر]

شكرا للمروووووووووووووووووور......ومازال عدنا امل في ولاد لبلاد اذا تحلتلهم البيبان


​

 

[BOUSS]

للاسف الدنيا هاذي كي القيطار عندو نقطة الذهاب ونقطة الوصول وللاسف الناس الي راكبين فيه ماهمش حابين ياحبطو في الوصول باغين ايعاودو التور هكذاك الشياب كي وصلو اللاج تاع اروترات ايحب ايعاود الكونطرا او مايخليش ابلاصتو لشاب مي بون هاذي حالت البلاد اليوم

 

[ريم غريس]

إنشاءالله ربي يفتح بيبان الخير لكامل الشباب تاعنا يا ربي
على كل حال الحمد لله عندنا رجالة ويدبروا الخبزة منين ما كانش
تحياتي ليك أختي أفراح الجزائر (إنشاءالله تبقى الجزائر دايما فرحانة)
أختك ريم

 

[nina bonoise]

ارجوكم فهموني ...نبغي بلادي بصح مانبغيش واش راه صاير فيها.

انا تاني باسكو مفهمت والوا
​

 

[أفراح الجزائر]

أنت قلتي هو شايب و احنا عندما كلام كبير على شايبيين

شايب كي يقعد في كراسي يموت و يدخل معه للقبر كيما قلتي
شايب لا يسمح اتنازلي و اتنازلي بلاك تسقط منه دور واحد

بلادي كبيرة على هذوك شايبيين و نتمنى يكبروا و يكبر و يصبحوا يخرفوا نديوهم لدار العجزة و ياليب يروح ليه ذوك قبل غدوة

عفوا انا لم اقصد اهانة الرجل الكبير في السن...حاشالله مع احترامي لشخصك....انا كذلك عندي والدين وجدود نحتارمهم ومعزة اي انسان كبير من معزتهم ،ولكن كان كلامي لفئة معينة من الاشخاص كان بمقدورهم يفيدو ويستفيدو من الشباب لكن هم خيرو يغلقو في وجه الشباب البيبان وصراحتا قتلوروح العطاء عندالشباب ، ونتمنا تفيدني برأيك .....حضرتك تقبل ترفض منح منصب لشاب شايف فيه مؤهلات النجاح وتنمية البلاد....منفضلك اذا رجعت لموضوعي نتمنى تفيدني برايك.....شكرا لي الشرف نتحاور مع الكبار​

 

[سجل أنا جزائري]

هذا هو الواقع

أنا عقد ما قبل التشغيل و شبت معاه وينك تترسم في خدمة

ربي يجيب الخير برك

 

[أفراح الجزائر]

مشكووووووووووووووووووووورين على المروررررررررررررررررررررررررررر

​