سيتقدم لخطبتي شاب فلسطيني

[أميرة الاحساس]

اخواني الاحباء ​

اريد ان استشيركم في امر شخصي واتمنى ان تجيبوني بكل صراحة ​

وان تعيشوا موقفي سواء شاب او فتاة ​

باذن الله سوف يتقدم لخطبتي شااااااااب ​

فلسطــــــــيني

​

متدين .. خلوق.. محترم .. على قدر من المسؤولية ويحب الجزائر طبعا واهلها جداااا

​

يعني فلسطيني شهم وطيب ومن اصل كريم
​

فما رايك اخي .. لو كانت اختك هل سوف تتقبل الامر ام ترفض لمجرد انه فلسطيني يعني اسمه مرتبط بالحرب واللااستقرار

​

وانت اختي لو كنت في نفس موقفي .. يعني تعلقتي بالشاب وباخلاقه ماذا ستفعلين وكيف ستمهدين للامر مع ابويك .. مع العلم ان عقلية الجزائريين نوعا ما متشددة في مثل هذه الامور

​

صرآآآحة رايت فيه الشخص المناسب القادر على اسعادي ويكون سندي في الحياة
هو مثال الزوج الصالح .. وانا لا ارى اي حرج في كونه فلسطيني يعني عايش في فلسطين

​

فماآآآآآآ هو رأيكم .. افيدوا ابنة بلدكم وساكون ممنونة لكم اعزائي​

 

[محـ أمين مد]

الله يطيب مابيناتكم يا اختي
و علاه لا لا ادا كان كما تقولين
متدين .. خلوق.. محترم .. على قدر من المسؤولية ويحب الجزائر طبعا واهلها جداااا

ثقي دائماً بزوجك ,, وقفي معه ,, فإنه الشخص الوحيد الذي يكرس لسعادتك كل حياته ووقته وعمله

تقبلي مروري


​

 

[asmaa_h]

الحرب واللاستقرا؟؟؟؟؟؟؟؟؟؟؟ا

 

[بقعة ضوء]

ادا كان فيه جميع المواصفات لي تعجبك وعلاش ما تقبلش وزدي صلي الاستخارة

 

[Adel Adel1]

هل ستسكنين هنا بالجزائر أم هناك في فلسطين ؟

 

[فيصل ويستر]

شوفي ختي :
هو فلسطيني و أنت جزائرية
معنى ذلك بعد المسافة
يدفعني هذا الأمر إلى أن أقولك لك
أن هذا الشاب لا تعرفينه أبدا
و كلامك أنك رأيت في الشاب المناسب القادر على إسعادي ويكون سندي في الحياة
كلام خاطىء
أكيد عرفته من خلال الشات ( بلاشك )
أستطيع أنا أن أتكلم معك في السكايب بكلام معسول حتى تقولي أن فيصل هو فارس أحلامي و و و
خطأ
أقول لك
أنك لا تعرفي عنه شيء أبدا
ذات مرة كان عمر بن الخطاب - رضي الله عنه - يجول في أرجاء مكة ؛ لمح رجلان جالسان أمام الكعبة ولاحظ شيئا ( لأن عمر بن الخطاب كان لديها الفراسة ) نادى الرجل قال له تعال : قال له عمر : هل تعرف ذاك الرجل . قال الرجل : نعم . قال عمر : هل سافرت معه . قال الرجل : لا . قال عمر : هل تعملت معه . قال الرجل : لا . قال عمر : و الله الذي لا إله غيره لا تعرفه . انتهى .
لأن السفر يسفر عن أخلاق الإنسان ؛ تعرف من خلاله هل هو صديقك فعلا أم لا .
هذا لافلسطيني قد يكون يريد الزواج بك من أجل الجنسية أو أغراض أخرى .
الكلام طويل ولي عودة .

 

[الروح النقية]

مفيها حتئ مشكل
اذا كان انسان صالح
ربي يسهللكم ان شاء الله​

 

[فيصل ويستر]

نصيحة
دعي مايريبك إلى مالا يريبك
أنا أراه خطأ ومجازفة بحياتك الشخصية
اختاري واحد من بني جلدتك
راني شفت وسمعت
بلاكي طيحي في السبكة
و أنتم واش راكم تهدروا
بلعقل على الطفلة
​

 

[هاجر الجزائرية]

اختي العزيزة

طريقة التعارف امر ضرووري لان الانسان على النت غيره على الواقع

لكن اذا كان التعارف في الجزائراسالي اهلك فموافقتهم اهم شي

ركزي على نقطة التدين لان المتدين سوف يخاف الله فيكي

وربي يسهلك ويهنيك ...

 

[فيصل ويستر]

واش قاعدين تقولو
اتقي الله
التعارف عبر الأنترنت لا يكفي
لا حول ولا قوة إلا بالله
لوكان جيت نعرف والدين الطفلة نقلهم حبسوا ماتقبلوش على خاطر كذا وكذا
بلاكو تغلطوا

 

[أميرة الاحساس]

اشكركم اخوتي الاعزاء
اراؤكم تراوحت بين مشجع ومعارض
واشكر اخي فيصل وانا اعتبرك مثل اخي وانتم ابناء بلدي واحببت ان استعين بكم
اخي اولا طريقة تعارفي به كانت طيبة ومحترمة جدا
واعتقد حين تعاشر شخصا لمدة طويلة اكثر من سنة ونصف على الاقل تعرف هل هو صادق او كاذب
غير معقول ربما شخص يسمعك كلام معسول شهر شهرين لكن ليس كل هذه المدة
فحبل الكذب قصير
ثم هناك الكثير من البراهين التي زادتني فيه ثقة من بينها معرفتي وتواصلي مع كل افراد عائلته واخواته ، انه لم يحاول يوما ان يتعدى حدوده معي ويحترمني كثيرا

لا اعلم هل في سفري الى فلسطين وهي ارض الكرامة وجزء من الجزائر سوف يكون امرا مرفوضا قطعا
ثم الا يستحق ان نعطي لانسفنا فرصة ،، وانا والله فكرت بعقلي قبل عاطفتي لا اظن ان التراجع والاستغناء عن شخص امر سهل ؟؟؟؟​

 

[bessad]

يا اختي ربي راه يحبك كي بعثلك هدا الشاب ديري استخارة و اطلبي الله هو يهديك ان شاء الله

 

[فتحي 1974]

اسال الله العظيم ان يجمعكم ان شاء لله ​

ربي يكون في عونكم خاوتنا.​

 

[أميرة الاحساس]

شكرا لكم اخواني على مساعدتكم


وربي يكون في عبون عباده



تحياتي لكم​

 

[فيصل ويستر]

اشكركم اخوتي الاعزاء

اراؤكم تراوحت بين مشجع ومعارض
واشكر اخي فيصل وانا اعتبرك مثل اخي وانتم ابناء بلدي واحببت ان استعين بكم
اخي اولا طريقة تعارفي به كانت طيبة ومحترمة جدا
واعتقد حين تعاشر شخصا لمدة طويلة اكثر من سنة ونصف على الاقل تعرف هل هو صادق او كاذب
غير معقول ربما شخص يسمعك كلام معسول شهر شهرين لكن ليس كل هذه المدة
فحبل الكذب قصير
ثم هناك الكثير من البراهين التي زادتني فيه ثقة من بينها معرفتي وتواصلي مع كل افراد عائلته واخواته ، انه لم يحاول يوما ان يتعدى حدوده معي ويحترمني كثيرا ​

لا اعلم هل في سفري الى فلسطين وهي ارض الكرامة وجزء من الجزائر سوف يكون امرا مرفوضا قطعا

ثم الا يستحق ان نعطي لانسفنا فرصة ،، وانا والله فكرت بعقلي قبل عاطفتي لا اظن ان التراجع والاستغناء عن شخص امر سهل ؟؟؟؟​

ومين قالك بلي حبل الكذب قصير
قد يكون طويل
شوفي
و الله ماني مستراح لهادي الخطبة خلاص
شوفي باه تقولي فلان مليح وراهو صادق صعيبة بزاف بزاف
لازم اختبار و حوايج بزاف
راكي في زمان كون ديب ولا يكلوك الديابة
ماتزربيش روحك خلاص
استخيري الله في أمرك
و أكثري من الدعاء كثيرا
تذللي إلى الله
ومن يتقي الله يجعل له مخرجا
لوكان جيت في بلاصتك مانقبلش بمجازفة كيما هادي
و الله أراها مجازفة بحياتك
لو كان جا تونسي ولا سعودي ولا إماراتي و قطري ولا كويتي ولا مغربي
نقولوا بلاك نقبلوا
علخاطرش هذي البلدان مليحة ومعندهاش المشاكل
بصح تدي واحد فلسطيني
و الله مجازفة
راهم مهددين بالقتل و الفتك
بلاك غدوا يقلك واش رايك لوكان نسكن في الجزاير
شايفة ساهلة السكنة في الجزائر
و الخدمة ساهلة تاني
و الله كلشي واعر في هادي الدنيا
فكري مليح مليح مليح
و زيدي صقصي الناس الكبار في العلم و السن
حاب نسألك
نتي واش من ولاية

 

[أميرة الاحساس]

ومين قالك بلي حبل الكذب قصير
قد يكون طويل
شوفي
و الله ماني مستراح لهادي الخطبة خلاص
شوفي باه تقولي فلان مليح وراهو صادق صعيبة بزاف بزاف
لازم اختبار و حوايج بزاف
راكي في زمان كون ديب ولا يكلوك الديابة
ماتزربيش روحك خلاص
استخيري الله في أمرك
و أكثري من الدعاء كثيرا
تذللي إلى الله
ومن يتقي الله يجعل له مخرجا
لوكان جيت في بلاصتك مانقبلش بمجازفة كيما هادي
و الله أراها مجازفة بحياتك
لو كان جا تونسي ولا سعودي ولا إماراتي و قطري ولا كويتي ولا مغربي
نقولوا بلاك نقبلوا
علخاطرش هذي البلدان مليحة ومعندهاش المشاكل
بصح تدي واحد فلسطيني
و الله مجازفة
راهم مهددين بالقتل و الفتك
بلاك غدوا يقلك واش رايك لوكان نسكن في الجزاير
شايفة ساهلة السكنة في الجزائر
و الخدمة ساهلة تاني
و الله كلشي واعر في هادي الدنيا
فكري مليح مليح مليح
و زيدي صقصي الناس الكبار في العلم و السن
حاب نسألك
نتي واش من ولاية

السلام عليكم
يا خويا وعلاش دايما الانسان يروح للامر السيء
يمكن يكون انسان ممتاز وانا واثقة اتم الثقة من ذلك
يعني التفاصيل واحساس القلب لا يمكن ان يخيب
وخصوصا احساس الفتاة .. وانا مش غبية يعني نصدق ولا ندير الثقة فاي واحد
عندك الحق صعيبة حكاية فلسطيني بصح والله العظيم غير ماشي بيدي اي حاجة
يعني على الاقل حط روحك في مكاني بين ليلة وضحاها تقطع علاقتك بشخص بدعوى
انه فلسطيني ولا استطيع السفر واني لا اثق به وامور كثيرة
وانا لا احب ان اجرح غيري او ان اقابل المعروف بالنكران والطعن في الظهر
وانت تعرف الجزائري كتر مني مناش ناس خونة ولا كيفاش
راني عارفة بلي العيشة صعيبة وتاني مستحيل باش يجي للجزاير
لا ظروف عمله تسمح ولا هو يقدر يتاقلم بهدي السهولة
ونتمنى اي حل او اي راي اتقبله برحابة صدر
وانا ابنة بلدكم واحتاج فعلا لمواقفكم وطريقة تقبلكم للامر
يعني كل واحد يحاول ان يفيدني
مع اني متاكدة تماما من صدق الانسان ورغبته في الحلال
اختكم من جيجل ​

 

[فيصل ويستر]

السلام عليكم
يا خويا وعلاش دايما الانسان يروح للامر السيء
يمكن يكون انسان ممتاز وانا واثقة اتم الثقة من ذلك
يعني التفاصيل واحساس القلب لا يمكن ان يخيب
وخصوصا احساس الفتاة .. وانا مش غبية يعني نصدق ولا ندير الثقة فاي واحد
عندك الحق صعيبة حكاية فلسطيني بصح والله العظيم غير ماشي بيدي اي حاجة
يعني على الاقل حط روحك في مكاني بين ليلة وضحاها تقطع علاقتك بشخص بدعوى
انه فلسطيني ولا استطيع السفر واني لا اثق به وامور كثيرة
وانا لا احب ان اجرح غيري او ان اقابل المعروف بالنكران والطعن في الظهر
وانت تعرف الجزائري كتر مني مناش ناس خونة ولا كيفاش
راني عارفة بلي العيشة صعيبة وتاني مستحيل باش يجي للجزاير
لا ظروف عمله تسمح ولا هو يقدر يتاقلم بهدي السهولة
ونتمنى اي حل او اي راي اتقبله برحابة صدر
وانا ابنة بلدكم واحتاج فعلا لمواقفكم وطريقة تقبلكم للامر
يعني كل واحد يحاول ان يفيدني
مع اني متاكدة تماما من صدق الانسان ورغبته في الحلال

اختكم من جيجل ​

واش قاعد تهدري يا الجيجلية
شوفي راني زي خوك
و الله عرفنا قصص أغرب من نتاعك
وأبطالها ناس شياطين وناس ملايكة
نقلك حاجة
فكري مليح ملييييييييييييييييييح
وبلاكي تتسرعي
الزواج راهو ميثاق غليظ كما قال ربنا
بلاكي بلاكي
راكي بنت بلادي ومن حقي نخاف عليك
وتأكدي
المراة تفكر بقلبها قبل عقلها
عندي كلام بزاف نقولولك بصح اصبري
أوكبي

 

[أميرة الاحساس]

واش قاعد تهدري يا الجيجلية
شوفي راني زي خوك
و الله عرفنا قصص أغرب من نتاعك
وأبطالها ناس شياطين وناس ملايكة
نقلك حاجة
فكري مليح ملييييييييييييييييييح
وبلاكي تتسرعي
الزواج راهو ميثاق غليظ كما قال ربنا
بلاكي بلاكي
راكي بنت بلادي ومن حقي نخاف عليك
وتأكدي
المراة تفكر بقلبها قبل عقلها
عندي كلام بزاف نقولولك بصح اصبري
أوكبي

راني عارفة كيفاش المراة تفكر بقلبها
وتتسرع في المشاعر شغل يعني متشفش
بصح انا عندي اكثر من سنة وانا نفكر
ودايما نوقف عند حل واحد هو انه الحياة
لازمها تضحية وتاكد اني لو تخليت عن هذا الانسان
والله صعيبة باش نلقى انسان مثله يفهمني ومستعد يعمل اي حاجة لاجلي
وانا راني نحكي معاك كيما خويا الكبير ونحترم رايك
وننتظر فيك باذن الله نوصل لحل ونثبت قلبي والموقف نتاعي
وهي ساهلة خويا
اصلا اتفق انه ميحصلش اي لقاء بينا وكيما يوصل الجزاير
يتوجه لاهلي ويطلبني من الوالد
واذا مجاش اصلا او حصل منه شيء مش مليح
ساعتها نعرف كيفاش نتصرف
مع اني والله غير نعرفه كيما نعرف اسمي وبلادي
خليها عالله ​

 

[فيصل ويستر]

راني عارفة كيفاش المراة تفكر بقلبها

وتتسرع في المشاعر شغل يعني متشفش
بصح انا عندي اكثر من سنة وانا نفكر
ودايما نوقف عند حل واحد هو انه الحياة
لازمها تضحية وتاكد اني لو تخليت عن هذا الانسان
والله صعيبة باش نلقى انسان مثله يفهمني ومستعد يعمل اي حاجة لاجلي
وانا راني نحكي معاك كيما خويا الكبير ونحترم رايك
وننتظر فيك باذن الله نوصل لحل ونثبت قلبي والموقف نتاعي
وهي ساهلة خويا
اصلا اتفق انه ميحصلش اي لقاء بينا وكيما يوصل الجزاير
يتوجه لاهلي ويطلبني من الوالد
واذا مجاش اصلا او حصل منه شيء مش مليح
ساعتها نعرف كيفاش نتصرف
مع اني والله غير نعرفه كيما نعرف اسمي وبلادي

خليها عالله ​

شوفي خليها على ربي
أوكي
تعرفي
عندي ليك حل
تعرفيه هل هو مخلص ليك ولا لالا
أعطيني معرفه في السكايب
ندخل على أساس أني بنت و أبدأ أغازله و اقول له أنا من دبي أو السعودية
ونشوف
واش رايكم
نديروها
بصح بلاكي تتفاهمي معاه وتقوليلو على فكرتنا
بلاكي
حسك عينك
واش رايكم بالحباب
ختنا راهي في متاهة


​

 

[ايمان 02]

والله كون انا في بلاصتك نقبل بيه خاصة اذا كان متخلق ومدين وما يهمنيش امر اخر
​