علاه يصرا هدا الشي في الجامعات ؟ علاه قولولي

[فيصل ويستر]

السلام عليكم
فيكم لقرا في الجامعة أو لزارها
أنا شفت حوايج بزاف ماهمش ملاح في الجامعة
1 : البنت تكون في دارها محتشمة هي جي للجامعة وهي تفسد .
2 : كثرة العلاقة الجنسية في الجامعة .
3 : كثرة العلاقات الغير شرعية في الجامعة .
4 : كثرة التمسخير وعدم الإهتمام بالدراسة .
5 : التسعليك وطول الرجلين .
أنا شفت حوايج في الجامعة كوارت و الله
الكور مايحدرش ...
حضور حفلات ليلية بدون علم الآباء و الأولياء
وجميه هذا جي على راس الطفلة
تطفر في الطفلة برك
الإقامات الجامعية حدث ولا حرج
أنا شفت وسمعت
نحيلكم على الإقامة الجامعية ******
كارت
البنت تخرج من الإقامة مع واحد في سيارتو وجي سكرانة
واش راح دير
راكم علابالكم
ياناس
عسو بناتكم مليح
ياخويا عس ختم مليح
علاه يصرا كل هذا في الجامعات علاه

 

[فيصل ويستر]

أنا في رأيي
قلة المراقبة الأبوية و عدم انضباط الطلبة في أنفسهم

 

[هــــيلدا]

4 :عدم الإهتمام بالدراسة .

الكور ماتحدرش ...

ههههههه
هادو زوج حوايج انا نديرهم مي مايش من قلة التربية او شيء تاني هكذا مخدومة الله غالب والحمد لله الشيء الآخر خاطيني

مي صح عندك الحق والحكايات للي راك تهدر عليهم كامل جايين من بنات الاقامات شوهو سمعتنا علابالك الطفلة بلا رقابة طالقينها والديها لولاية اخرى تقرا فيها تروح تفسد لتماك

بصح نقولك حاجة كل وحدة وتربيتها وكل وحدة وعزة نفسها وكل وحدة ودرجة عفتها ومتلقاش بنات الفاميلة يديرو هاد لحوايج

وربي يستر بنات كل المؤمنين والمؤمنات
يعطيك الصحة خيو ومتعممش مايش بنات الجامعة كامل هكذا

 

[بنت ناس وما تنداس]

ايه معاك حق الله الحافظ برك انا ثاني حبسوا لي راسي ههههههههههههههههههههههههه

كيما وحده شفتها البارح القيتها ولات تلبس الخمار اللي تلفووا ورا شعرها ورقبتها تبان وشعرها
قلت لها واش كنتي تسيقي هههههههههههههههههههههههههههههههههههههههههه
زعفت بالصح دارت روحها اليز ههههههههههههههههههههه
الله يهدي شباب وبنات المسلمين اجمعين

 

[فيصل ويستر]

خلاص
بلا تعميم
بعض بنات الجامعة
مليح هكا
هههه

 

[الروح النقية]

حنا اولا المشنل في التربيا تاع الطفلة
مشي كامل لبنات في الجاميعا فاسدين
كاين الي هاديهم ربي
وثانيا الادارة تاع الاقامة الجامعية وحتى وين يقراو
ميخدموش خدمتهم ميعسوش الطلبه مليح

مرسيييي على الطرح الموضوع مهم​

 

[aMiNa-K]

السلام عليكم

راك تشوف وش راه يصرا يا خو..و كي نقولو لازم ينحو الاقامات الجامعية.. الناس ماعجبهمش الحال.. قالك الطفلة من حقها تقرا :thumbdown:.. ينعل بوها قراية هكدا :thumbdown: وشمن قراية هدي اللي تمد لالايبارتي الزايدة للطفلة.. و وشمن قراية اللي علاجالها الطفلة تسافر مسافات طويلة وحدها

راني معمرة من الهم تاع الاقامات الجامعية :thumbdown:​

 

[zikou25]

rabi wladak mlih haja ma tasralhoum ani na9ra fel jami3a é je vois tt les genre de fille il ya les filles b1 é éduquer é il ya les................ dans 1 problem d'éducation

 

[احساس طفلة]

سي فري لازم يتحو الاقامات الجامعية ...والله غير عيب وعار واش راه يصرا
الله يسترنا

 

[احساس طفلة]

ينات الجزائر كمل فزدو ميش غير في الجامعة تلقى في 1000 طفلة 1 صالحة ومن بعد تزيد تفزد
يا بنات الجزائر يالي قلبي عليكم حير

لالا خويا متجمعش ماشي قع قول حشالي ميستهلش

 

[hind*alg-]

انا من وجهت نضري
انو السبب الاول هو عدم اهتمام الاولياء
وتاني اغلب لبنات لمنحرفات هما لي يقراو خارج ولايتهم ويباتو في لاقامة مانيش ضدهم كامل مي اني نقول اغلبهم
وحدة جات من تيزي وزو جات طفلة مربية ومحتشمة دار عليها شهر
ولات حدث بلا حرج وكي سقساوها ردت بهدا لكلام *الجي شلبة وحلابة*
يعني كاين والديهم يديرو فيهم ثقة ويبعتوهم يقراو وهما يقولو اااااه شكون راح يشوفني دارنا بعيدا بمئات لكيلو مترات
انا نقول لحمدو الله كي نطلع للجامعة قريبة سينو والله مني مكملتها انا ما نروح وبابا ما يخليني نبات في لاقامة
........................تقبل مروري

 

[shahrazad]

السلام عليكم
واش قالولكم الاقامات الجامعية كاباريات و لا وشنو ؟؟؟
صح كاين بنات كي يصيبو لاليبارتي يديرو رايهم و ريح الي يجي يديهم باسكو ماعندهمش شخصية و لا مبادئ
هادا ماهوش سبب يخلي الطفلة تقعد فالدار و تتحرم من اكمال دراستها بسبب هاد لبنات
ياختي امينة كي تكوني متربية مليح تربيتي على اصول و عادات صحاح و دين يحفظك و يصونك
جامي لاتفكري تخوني نفسك و لا والديك
و لاراني غالطة ؟؟؟
و مادام راني نشوف بلي لبنات الي راهم محافظيين على نفسهم اكثر بكثيييييييير من لبنات الي الله يهديهم
نقول الحمدلله
و نا نشوف انو المشكل فالايمان الناقص
والبعد على الدين تاعنا
مشكور خويا على الطرح ​

 

[الاخت دلال]

والله وغير واش قلت كامل كاين منو
سوغتو الاقامات الجامعية كارثة مابقاتش قراية
لبنات يكونو متحجبات كي يروحو للجامعة اتنحي حجابها
للبنات تع هاد الوقت ضاعوا

 

[فيصل ويستر]

شي لراني نقلكم فيه ماسمعتوش شفتو بعيني
مانيش ضد الدراسة في الجامعة بصح راني ضد الإنحراف و الإنحلال
ماعليهش الواحد يتفتح شوية على الحضارة بصح بشوية
الناس يحسبوا الحضارة بلي راهي لعب
الحضارة أنك تتحضر في أخلاقك في أعمالك في هدرتك تواكب التكنولوجيا تتعرف على العالم
هادي هي الحضارة يالخاوا
اليوم الحضارة
البنت تتعرا و الطفل يهبط سروالو ويقل مودا
يا بني المودا أنك تستر روحك مش تتعرى
زيد بزيادة
شوفو الغرب فايتينا في كلش ولهاونا باللبسة و المودا
التاو شوية بالعلم بالتربية
قالك مودا جديد
البنت رفعت دعوة قضائية ضد باباها خطارتش مخلاهاش تمشي مع صاحبها
و الله راهو تمسخير
شوفو
باه حتى واحد يفهمني بالنقص
الطفلة تلبس واش حبت بصح ليس على حساب الحضارة النظيفة
تتعرف على واش حبت بصح مش تروح تخليها
راكم معايا ولا لالا ؟

 

[فيصل ويستر]

نقلكم حاجة
و الله الوالدين ماهمش قايمين بالواجب
و المسؤولين على الإقامات الجامعية تاني ماهمش قايمين بالواجب
و الله العظيم و الله العظيم لو كان تعرفوا واش راهو يصرا في الإقامات تبقاو حايرين
أنا ختي كانت حابة تسكن في الإقامة قلتهم تطبق السما و الله مايساكنة
كاين الترام يجيبها ويردها
تمسخير

 

[Rosa2]

كل واحدة و كيفاه هادي دنيا فيه المليح وفيها الشين
وماشي كامل البنات كيفكيف
و اللي راك تقول فيه كاين منو حنا ماراناش نكدبو فيك
مي الواحد ما يهديهاش عليهم كامل
ماشي قال ga3 سي ga3


​

 

[Midia]

راكي خوفتيني.............................

واشنو هاذا؟؟؟؟؟؟؟؟؟؟؟؟؟؟

جامعة ولا ديسكو؟؟؟؟؟؟؟؟؟؟؟
​

 

[نبضة قلب]

السلام عليكم و رحمة الله تعالى و بركاته

بارك الله فيك أخي على الموضوع

صح وش راهو كامل صاري

أنا نقول حاجة برك ربي يسترنا من هاد الشيئ كامل

و تاني الطفلة تعرف شكون تصاحب و تعس روحها مليح مليح

على خاطرش هاداك الطريق ماراحش يديها للبعيد

ننتظر جديدك أخي

تقبل تحياتي و مروري ​

 

[سمسوم]

تبعني فيصل خويا درك تفهم الصح

شوف كاينين 3 أنواع من البنات

1* متربية نتاع الصح و مقتنعة بلي الشيء هدا ماشي مليح و بلي عمرها ما دير هكداك

( يا ربي وحدة كيما هادي ما نقولش لربي زيدني )

2* تكون سيريو صح قبل الجامعة كيما الأولى مي ماشي برضاها يعني مسيفين عليه و عاسينها خاوتها و باباها باسكو قدام عينيهم تتمنى برك تجيها لوكازيو و دير كل اللي نفسها فيه ههه

و كي تطلع للجامعه و تلقى ليزوكازيو بزافدير اللي وحده ما دير كيفها و هادا النوع الواعر

تولي غير تسمع للشابة دليلة المقلشة و تقول : مريولي مريولي ......

3* و النوع الثالث هادي اللي مدايرة المريول من صغرها باسكو هي الكبيرة في الدار ولا باباه عايش تحت رحمة وزارة الداخلية و ماعندوش حق الفيتو في الدويرة نتاعه تحكي معاه يقولك خلي الطفلة تعيش حياتها

يعني هادي كي تطلع للجامعه اللي تجي منها متوقعة

هادا شا راه صاريماشي غير الجزائر برك

اما اللي قال البنات كامل نقولو والله والو يا الطفلة اللي حاكمة دارهم ما دير هادا الشيء الا ادا كانت ساكنة في البر الخالي

سلام
و هادي كي ت​

 

[نرمين]

يعطيك الصحة خويا على هاد الموضوع والله غير صح رانا نشوفو في هاد المظاهر دايمن مي درك والفنا نشوفو هاكا والواحد لازم يعس روحو في هاد الوقت على خاطر كثر الدوني والقبيح كثر من المليح حاشا القليل
أنا صح في العام اللول كي دخلت للجامعة كنت نوصل للدار مبريزية ومتشوكية من واش شفت وتحيير والله عير تلقاهم بنات بوبيات شابات ويضيعوا رواحتيهم
مي لازم ماننساوش بلي كاين بنات فاميليا شادين في تربيتهم وما تخلعهمش الدنيا
لكن انا نضن وعلى حسب بعض الفتيات اللاتي اراهن ان سبب هدا انهن كن في الثانوي او قبله معقدات ومنطويات نوعا ما ان صح التعبير وبمجرد الوصول الى الجامعة ينبهرن ببريقها الزائف
لدا من الافضل على الاولياء ان يتركوا الحرية لابناءهم في حدود معقولة مع بعض المراقبة دون علمهن
وفي الاخير تقبل اخي مروري