اعتذار الى المشرف ADEL ARK

[badra6]

السلام عليكم
أنا صديقة العضو sourire2010 و راني حابة نعتذر على واش بدر منها بطريق الخطأ
و أرجو من الجميع إحترام الرسالة
وشكرا
الرسالة :
أنا العضو sourire2010​

أولا : ما تلوموش العضو badra6 لأنها بعد 1000 محاولة سمحتلي باش نستعمل الاسم أتاعها​

ثانيا : كيما أهنتك أمام الله و أمام الجميع يا​

ADEL ARK أشهد أمام الله و أمام الجميع بلي راني
غلطت في حقك بزاف و راني نطلب منك الاعتذار ​

بحرارة على الكلام اللي قلتهولك و نطلب منك ​

السماح و ربي راهو شاهد أني نادمة حقا على هادا التصرف.​

كما أطلب الاعتذار من العضو ملاك اليل و نقواها في لحطة غضب رديت عليك بالاساءة سامحيني.​

ثالثا : أما باقي الأعضاء اللي نتقدوني و ​

أهانوني من خلال ردودهم على موضوع ADEL حبيت​

نقوللهم هادي المسألة كانت بيني و بين المشرف فقط ​

و هو الوحيد اللي تقبلت الانتقد التاعو أما​

الكلام الجارح اللي سمعتو منكم راهو قاسني بزاف ​

أنا مانيش نقول ما تنتقدوش و لكن ما توصلش بيكم​

أنكم تتهموني في الأخلاق و التربية و الهبال و كأني​

مخلوق غير عادي ... على الأقل كنتو تنتقدو​

بشفافية و تحترمو الطرفين. ( علابالي دورك تقولو​

هادا وين بانلها الاحترام ؟؟؟ )​

المهم أنا أكرر الاعتذار للمشرف و ملاك اليل ​

و نتمنى للجميع التوفيق و ربي يهدينا جميعا لطريق الخير​

و شكرا على قراءة الموضوع و أرجو الاحترام.......

 

[naim_naim]

السلام عليكم ورحمة الله
اختي انا متأكد انو الأخ Adel Ark راح يسامحك خاصة بعد تقديمك للإعتذار ومارانيش نهدر على اسمو بصح علابالي باللي قلبو كبير ويحب أعضاء المنتدى كامل .

 

[redeye]

adel ark من عقلاء المنتدى واتمنى ان يسامح العضو وجزاه الله خيرا

 

[سجل أنا جزائري]

أنا لما شوفت موضوعك تفاجأة به لكن ما حبيت نرد عليه لأنه هذي بينك و بينو

المهم هذي مبادرة مليحة ان شاء الله يتقبل اعتذارك و تصفى القلوب

بالتوفيق

 

[moha073]

انا متاكد بلي adel ark قلبو بيض و رايح يسامحك و رانا كامل علابانا بلي راهو عاقل و قلبو كبير
انشاء الله يقبل اعتدارك ​

 

[asma2090]

الاعتراف بالخطا فضيلة الحمد لله انكي راجعتي نفسك ولقيت روحك غالطة
وثاني حاجة ولله الاخ المشرف ADEL ARK ماشي مجاملة هو من اعقل المشرفين هنا في اللمة و وخاطيه المشاكل وعمرو ما يظلم انتي ظلمتيه وعلى كل حال يعطيك الصحة ونصيحة مني ليك اختي الكريمة في حياتك بلاكي تسبي راجل لان هدا رايحة طيحي من قيمتك انتي
​

 

[انتصار*]

أختي في زوج عندكم الحق لكن انت الغضب لي حركك بهذ الطريقة اما المتدخلين الاخرين غلطو ومعندهمش الحق يشتموك ..هكذا دايما اللمة لي يخطأ مرة لطيحو عليه ...جميل منك انك تداركتي الموقف وقطعتي الطريق على المصريين هههههههههههه ....الاخ عادل دار موضوع عنوانو فكرني في بهية راشدي في الفيلم نتاع امرئتان:lol: ربي يصلح احوالك .تقبلي مروري على صباح ربي ​

 

[دمعة ندى]

السلام عليكم
أنا نشوف بلي هادا فلم هندي معندو حتى معنى
تجي عضوة تسجل وتبدا تشتم فالأعضاء
وممبعد الناس تعود تحكي عليها
وممبعد هي ترجع وتطلب السماح

والله فلم هندي تاع الصح
وبانتلي بلي راكم ناس فارغين شغل
اسمحولي مي هذي هي الحقيقة
أنا حتى لو كان يسبني عضو قديم مانديرش عرس
فمابالك إذا سبتني عضوة هذا وين سجلت

ربي يهديكم

 

[fatiya89]

مــــــــــــــــــــا شكيــــــــــــــتش يســـــــــــمـــحلها و تستـــــــــــــــــاهل... واش درلهـــــــا باش ترجعله بهاديك الطريقة ...
والله نحـــــــــــــــــــــــير في العبـــــــــاد لي يجرحو في الردود تـــــــــــاعهم ماشي غير هي كــــــــــاين بزاف...
مره اخرى تولــــــــــــي تعرف تهدر مع ناس محترمين ....واضن ان الدين الاسلامي قال لا احد يجرح حد...وان اختلاف رأي لا يفسد للود ..........
شكراااا​

 

[أفراح الجزائر]

أكيد الاخ adel ark راح يسامحك ...وانتي تانيك سامحي لي نتاقدوك ... حطي روحك في مكانهم... لوكان يتهجم عضو على صديقتك badra6 كيفاش راح يكون ردك...خلاص ياخي قولنا لي فات على كلمة فات على روح​

 

[hard_way1990]

الصلح خير ^____^
والله يهدينا أجمعين ..
​

 

[Rosa2]

ايا غاية كي واحد يعترف بالخطيئة نتاعو
و ان شاء الله يقبل اعتذارك
ADEL ARK ناس ملاح
وربي يهدي امتنا
​

 

[Adel Adel1]

لا عليك أختي فكلنا لدينا لحضات غضب

المسامح كريم و لم أضع في بالي كلامك و لست مغتاضا منك ولم أكرهك حتى

و بعد طلبك لسماح عرفت نيتك صالحة و مافعلتيه كان ربما لحضت غضب

لديك شراسة في الدفاع عن نفسك جزائرية حتى النخاع

ههههههههههه

مشكورين كلكم لضنكم الخير بي
​