سؤال للبنات.....ومرحبا بالشباب اللي يحبو يشركونا

[الجيجلية]

السلام عليكم يا أعضاء اللمة.

مانطولش عليكم وسؤالي هو للبنات: واش رايكم في الشاب اللي يستمع الى الأغاني الشرقية ؟؟؟ بزاف البنات يظنو باللي هاد الأغاني للبنات الرومنسيات ههههه ماش للرجال لأنو شباب الجزائر معروفين بالرجلة والنيف، مادابيا نسمع رأي الطرف الآخر يعني الشباب.​

لا تبخلو عليا بالردود

 

[معاك يا الخضراء]

السلام عليكم
انا ف رايي نورمااال مي مش بزاف مليحة شوية رومنسية
مي مش يعبدو صباح و عشية يعني ينوع شرقي على غربي + شوي راي هاكا
شكرا اختي

 

[Jagwar]

أووووه انا رانى خاطى معاهم
أنا خاطينى الشرقى ، قوليلى الغربى و الراي تاعنا نقولك Oui
صح بكرى قبل الماتش تاع مصر لى عطيناهم طريحة مليحة كنت نسمع جورج وسوف سيرتو كيف يبدى بصوتو المزعج هذاك ععععععععععععععع .
ههههه رانى نضحك برك و الله خاطينى الشرقى هذا .
نحب نسمع لطفى دوبل كانو و نسمع شويا راي و شويا Rap & Rnb ، Justin Timberlak​

 

[boutarfaya]

ههههههههههههههههههه
فيف هيفاء ونانسي وايهاب توفيق ومحمد فؤاد

!!!!!!!!!!!!

هههههههههه

لي عندنا في الغنى لي عندنا ما نلقاوه لا فالشرقي لا في غيرو

مرسييييييي
​

 

[نسمات]

لا شرقي و لا هم يحزنون
اصلا انا لا استمع للاغاني الشرقية من بكري عاملة معاها مقاطعة الحمد لله
كل واحد وميولاته المهم عندنا اغاني ماشاء الله في كل الطبوع
اصلا الاغاني الشرقية هبط مستواها بزاااااف:thumbdown::thumbdown:
بارك الله فيك على الموضوع​

 

[zedameo]

:biggrin::laugh::lol::001_tt2::music_whistling:

 

[iméne09]

بعد واش صرا بينا وبين مصر ماشكيتش دوك كاش jeune يسمع غناهم احنا بنات وقطعناهم مي بور موا يعني راجل طول وعرض يروح يسمع ليشونصون شرقيين رومنسيين هدي قراف كي شغل يطيح برجلة ديالو​

 

[فتحي 1974]

ربي يكون في عونكم خاوتي

 

[دحمان الحراشي]

السلام عليكم

وعلاش ماسالتيش وش راي ليجان في البنات الي يسمعو الشرقي رمنسية ما كفاكم والو من بلادك تروحي لشرق لتامرحسني....................................................هههههه
انا بصراحا واسف على الصراحة مانحبش البنت الي تكون تسمع لمغني اساء ليها او لبلدها مهما تكون الاساءة
والكلام الي ترتاحلو هو الكلام الي خارج من حومتنا يعني الي هي الدارجة
سلام ويارب تفهموني

 

[chiva.]

جني وجن شرقي نكرهو

شاب حسني الله يرحمو دحمان الحراشي وقروابي

 

[AZZOUAlg123]

هههههه نكره الشرقي كل ما نحبوش
نسمع الروك بزاف لكن كي ربحنا وتاهلنا راني نسمع اغاني المنتخب الوطني ايضا

 

[ملكة الدلع]

انا ضد الشاب اللي يسمع الشرقي
vive الراي و الشعبي بلا ما ننساو الراب خاصة لطفي . والي حب يشطح يبرد قلبو يسمع الشاوي
انا طفلة و بطلت نسمع ..... بعد اللي هادروه علينا و على بلادنا

 

[الجيجلية]

وعلاش ماسالتيش وش راي ليجان في البنات الي يسمعو الشرقي رمنسية ما كفاكم والو من بلادك تروحي لشرق لتامرحسني....................................................هههههه
انا بصراحا واسف على الصراحة مانحبش البنت الي تكون تسمع لمغني اساء ليها او لبلدها مهما تكون الاساءة
والكلام الي ترتاحلو هو الكلام الي خارج من حومتنا يعني الي هي الدارجة
سلام ويارب تفهموني

أولا خويا لا تأسف أبدا للصراحة وكيما يقولوا الصراحة راحة
ثانيا خويا أظن أنك مافهمتنيش أنا أتكلم على الأغاني الشرقية بصفة عامة ماشي غير المصرية. وعلاه ماسقسيتش البنات لأنو معروف أن بعض الفتيات تحب دايما تعيش فـla vie révée واللي تشوفها ممكن في الأغاني والمسلسلات وتعلقت بيها ماش كيما الرجال عايشين الواقع واذا زاد الرجل سمع الشرقي تسمى تزاgات هههههههه
شكرا خويا على المرور

 

[lamilam88]

أنا راني طفلة و ما نسمعش الشرقي خلي يا راجل يسمعلو
نسمع rnb justin akon 50cent nelly furtado ............
أنا مانحبش راجل يسمع الشرقي مع احتراماتي

 

[بسومة المنتدى]

ولله حاجة عادية اختي العزيزة.....

 

[مروة MARWA]

ههههههههههههههه و الله حتى انا تجيني شوي ماشي مليحة تاع الدراري يسمعوا شرقي
تجيني غير للبناااااااااااااااااااااات
كيما اليسا هاديك السااااامطة ماتخرجش علييييييييهم
هوما لقلهم واحد كيما دوبل كانووووووو

 

[دحمان الحراشي]

أولا خويا لا تأسف أبدا للصراحة وكيما يقولوا الصراحة راحة
ثانيا خويا أظن أنك مافهمتنيش أنا أتكلم على الأغاني الشرقية بصفة عامة ماشي غير المصرية. وعلاه ماسقسيتش البنات لأنو معروف أن بعض الفتيات تحب دايما تعيش فـla vie révée واللي تشوفها ممكن في الأغاني والمسلسلات وتعلقت بيها ماش كيما الرجال عايشين الواقع واذا زاد الرجل سمع الشرقي تسمى تزاgات هههههههه
شكرا خويا على المرور

الاخت الجيجلية كاين لي جان يقلك انا رمنسي ونبكي كي نسمع الشرقي هههههههههههههه شفتي الرجلة راجل ونص كن تعيط عليه يبكي من الرومنسية مسكين.اذا كان لبنات تعيش ساعة او زوج في الاحلام
كاين من ليجان الي عايش تم ينوم ههههه
شكرا اختي على الموضوع
ولو انا اتمنا انو ما يكون شكر بين الخاوى والبيت الكبير الي لامنا اللمة الجزائرية كامل مشاكلنا وحده وافراحنا وحده ونحاولو ناقشو واش يخصنا
هادا اذا عجبك كلامي
يلا سلام

 

[nina bonoise]

انا و الشرقي من بكري croi rouge
مندورش بالاغاني الشرقية خلاه
نسمع راي - الشاب حسني - الشعبي و المالوف - فرنسي و انقلي هذا مكان

مي كون يقولي واحد غنيلي شرقي نقولوا منعرفش مانيش سامعة بالشرقي خلاه

 

[aMiNa-K]

هههههههههههه انا طفلة و مانسمعش الشرقي.. بعيد الشر ههههه

جابلي ربي هدي حكاية دوق مكان مادخلها في الرجلة.. كل واحد و الدوق ديالو​

 

[الجيجلية]

الاخت الجيجلية كاين لي جان يقلك انا رمنسي ونبكي كي نسمع الشرقي هههههههههههههه شفتي الرجلة راجل ونص كن تعيط عليه يبكي من الرومنسية مسكين.اذا كان لبنات تعيش ساعة او زوج في الاحلام
كاين من ليجان الي عايش تم بنوم ههههه
شكرا اختي على الموضوع
ولو انا اتمنا انو ما يكون شكر بين الخاوى والبيت الكبير الي لامنا اللمة الجزائرية كامل مشاكلنا وحده وافراحنا وحده ونحاولو ناقشو واش يخصنا
هادا اذا عجبك كلامي
يلا سلام

كلامك على العين والراس رانا نقسرو برك ههههههه