المشاركة للجميع

[noumira]

سلام عليكم انشاء الله تكونو ملاح حبيت نطرح سؤال وانشاء الله جاوبوني هل فعلا الغيرة هي اساس الحب لخاطرش يقولو الواحد ولا الوحدا لي ما تغيرش على حنونها معنتها ما تبغيهش وماهيش مادتلو اهمية مي الغيرة الزايدا ماشي مليحة واغلبية البنات يقولو الغيرة هي لي تخلي الوحدا تستمر مع حبيبها اذا كانت الغيرة هي الصح والحوايج لوخرين تسما زيادة

 

[بسومة المنتدى]

يا عزيزتي ماكانش كي غيرة الحنون عليك.......

 

[noumira]

يا عزيزتي ماكانش كي غيرة الحنون عليك.......

شكرا اختي على مرورك مي الغيرة الزائدة رايحا تولي مرض والواحد يكره من كل دقيقة وهو يمد في شروحات وين كنت ومع من كنت وعلاش ما عيطتليش راكي فاهمة

 

[* تسنيم *]

السلام عليكم
صح اختي يقولك كي يغير عليك سما يحبك ...بصح اسمحيلي كاين بعض من شبان كي يحب يكسبها ولا يبينلها بلي يحبها زعما يغير عليها
لانو يعرف نقطة ضعف الطفلة وانت قادرة تعرفي لكان يغير ولا لالا
وتحياتي الخالصة

 

[سوميثا]

الغيرة مليحة وتدل على مدى الحب نتاع الحبيب لكن عندها حدود والى زادت على حدها رايحة تنقلب و ممكن يعتبرها الطرف الآخر نقص الثقة
​

 

[chaquerre]

ya okhti lghira 3andha hodoud wsahiti 3la hada lmawdou3

 

[somiasahraoia]

الغيرة زينة بصح ذا زاد الشي عن حده انقلب ضده

 

[زهرة البرواق]

انا عندي الغيرة دليل على الحب
بصح ماشي لدرجة يولي يغير عليك من خيالو ههه​

 

[Rosa2]

واه الغيرة مليحة مي عندها حدود
​

 

[فيصل ويستر]

سينورمال الغيرة دليل على الحب إذ لم أقل العشق
أنا لوكان ماتغريش علي ( مرتي ولا صحبتي ) نشك فيها
ونفرح كيتغار علي بزااااااااااااااااف :001_wub::001_wub: ونعطيلها كادوا على غيرتها
بصح بلا ماتفيق بلي هدا الكادوا علجال غيرتها باش مباعد ماتلعباهش ودير روحها تغار علي
يقولون
عندما تغار المرأة تبكي ، وعندما يغار الرجل يصمت
أنا العكس عندما أغار أصرخ
:001_wub::001_wub::001_wub:
هههههههههههههههههههههههه

 

[فيصل ويستر]

فإن همست شفاهك باسم غيري
شعرت بأن همستها انفجار

،
اغار عليها من ابيها وامها
ومن خطوة المسواك ان دار في الفم
:
اغار على اعطافها من ثيابها
اذا البستها فوق جسم منعمي
:
واحسد اقداحا تقبل ثغرها
اذا اوضعتها موضع اللثم في الفم
​

 

[king.dahman]

الغيرة من اساسيات الحب و المودة
اذا انت ماكنت تغير على الي تحبهم
لست انسان بل صخرة
لكن مش غيرة هناء و جميل​

 

[فتحي 1974]

جزاك الله خيرا

 

[noumira]

الغيرة من اساسيات الحب و المودة
اذا انت ماكنت تغير على الي تحبهم
لست انسان بل صخرة
لكن مش غيرة هناء و جميل​

يعطيك الصحة خويا على مرورك

 

[noumira]

سينورمال الغيرة دليل على الحب إذ لم أقل العشق
أنا لوكان ماتغريش علي ( مرتي ولا صحبتي ) نشك فيها
ونفرح كيتغار علي بزااااااااااااااااف :001_wub::001_wub: ونعطيلها كادوا على غيرتها
بصح بلا ماتفيق بلي هدا الكادوا علجال غيرتها باش مباعد ماتلعباهش ودير روحها تغار علي
يقولون
عندما تغار المرأة تبكي ، وعندما يغار الرجل يصمت
أنا العكس عندما أغار أصرخ
:001_wub::001_wub::001_wub:
هههههههههههههههههههههههه

ههههههههههه والله يا انت انشاء الله تلقى وحدا لي تموت عليك بالغيرة هكذاك تولي تقول يا ندامتي شكرا على مرورك

 

[noumira]

واه الغيرة مليحة مي عندها حدود
​

شكرا ليك اختي واذا زاد الشيىء عن حده انقلب الى ضده

 

[joujou1986]

السلام عليكم
اختي اساس الحب الغيرة كيما تقول ماما الي يحبك يغير عليك