تتجوزيني؟؟؟

الحالة
مغلق ولا يسمح بالمزيد من الردود.

فارس

:: عضو منتسِب ::
إنضم
7 سبتمبر 2006
المشاركات
57
نقاط التفاعل
0
النقاط
2
تتجوزيني ؟
ـ أفندم ؟
ـ بقولك تتجوزيني ؟
ـ !!!!!

------------------

ـ تتجوزيني ؟
ـ لا !
ـ ليه ؟
ـ بصراحة كدة شكلك مش عاجبني ..
ـ إزاي يعني ؟
ـ يعني .. أصل أنا ليا مواصفات معينة لفارس أحلامي .
ـ مواصفات معينة ؟ .. هو انتي هتتجوزي عربية ؟
ـ لا ! .. بصراحة كدة .. إنت مش فارس أحلامي اللي باتمناه !

------------------

ـ تتجوزيني ؟
ـ إيه ده ؟ شكلك اتغير !
ـ إيه رأيك ؟
ـ واو .. شعرك بقة ناعم ! .. دي باروكة ؟
ـ أيوة !
ـ ودي عدسات خضراء ؟
ـ أيوة !
ـ واو ! .. بس بجد .. بقيت وسيم ! .. واو ! ده انت بقيت شبه نيكولاس كيج !
ـ مين عباس كيج ده ؟
ـ عباس ؟!! ياي ! .. إيه عباس دي ؟ اسمه نيكولاس ..
ـ مين نيكولاس ده ؟
ـ بقة مالكشي في السيما وجاي تكلمني ؟ .. ياي !

------------------

ـ تتجوزيني ؟
ـ انت لسة ليك عين تكلمني ؟
ـ أيوة .. أنا عرفت مين بنكرياس كيج ده !
ـ أولاً : اسمه نيكولاس كيج ..
ـ أيوة أيوة .. كنت هاقول اسمه صح .. بس اختصرته .. ده ممثل !
ـ ممثل إيه ؟
ـ ممثل أمريكاوي !
ـ أمريكاوي ؟! .. إخّييي ! .. اسمه أميريكان يا بابا ! .. ما تبقاش
دونكي !
ـ دونكي دي تبقى شتيمة ؟
ـ أف كورس !

------------------

ـ تتجوزيني ؟
ـ عندك عربية موديل كام ؟
ـ موديل دي تبقى شتيمة ؟

------------------

ـ تتجوزيني ؟
ـ قوللي الأول .. حاطط أنهي نغمة في الموبايل بتاعك ؟
ـ نغمة دي تبقى شتيمة ؟

------------------

ـ تتجوزيني ؟
ـ ما قلتليش .. إنت بتشتغل إيه ؟
ـ أنا -بلا فخر- عاطل !
ـ عاطل ؟ .. ياي ! ..
ـ مش أحسن من اللي ما بيشتغلش ؟
ـ لا !
ـ يعني مش هتتجوزيني ؟
ـ لا !
ـ كدة أنا أزعل !
ـ ما تزعلش يا بابا ! .. خليك فريش !
ـ ماشي .. ماشي .. بس قوليلي ..
ـ إيه ؟
ـ فريش دي تبقى شتيمة ؟

------------------

ـ تتجوزيني ؟
ـ لقيت شغل ؟
ـ أيوة طبعًا .. سنتين وأنا بادور .. أخيرًا لقيت ..
ـ وإيه هو ؟
ـ سواق تاكسي .
ـ ياي ! .. مش مكسوف وانت بتقولها ؟
ـ فيها إيه ؟ العمل شرف .. وكلها كام سنة وأجمع مبلغ كويس ..
ـ شرف ؟ جتك القرف !

------------------

ـ تتجوزيني ؟
ـ جمعت مبلغ كويس ؟
ـ طبعًا .. مبلغ كبير جدًا ..
ـ قد إيه يعني ؟
ـ ألف جنيه !
ـ نعم ؟!!! .. ألف جنيه دول تروح تسرح بيهم ببطاطا ..
ـ يعني موافقة ؟!
ـ روح اتنيل .

------------------


ـ تتجوزيني ؟
ـ عندك شقة ؟
ـ طبعًا ! .. أوضة على السطوح ..
ـ نعم ؟!! ..
ـ إيه المشكلة ؟! .. أحسن ما ننام في الشارع !
ـ في الشارع ؟! .. إيه الألفاظ السوقية دي ؟! ياي ! .. لازم يا بابا تجيب
شقة .
ـ طيب .. كلها كام سنة وأجيبلك أحسن شقة في الدنيا .
ـ وهتجيبها في جاردن سيتي ولا في الزمالك ؟
ـ لا .. في الأهلي .. هيهع هيهع هيهع !

------------------

( بعد سنوات) :
ـ تتجوزيني ؟
ـ جبت الشقة ؟
ـ أيوة ! .. الحكومة بتبني شقق للشباب وأنا خدت شقة .. صحيح إنها اتأخرت
لسبع
سنوات .. لكن المهم إنها جات .. !
ـ ـ فانتاستيك !
ـ بس الشقة ناقصة حاجة .
ـ إيه هي ؟
ـ مفيهاش حمام !
ـ امشي من قدامي ! .. مش طايقاك !

------------------

ـ تتجوزيني ؟
ـ إنت تاني ؟
ـ جبتلك حمّام إنما إيه !
ـ خليه ينفعك !
ـ ليه بس ؟ .. ده ينفع لينا احنا الاتنين !
ـ وأنا مالي ؟
ـ مش عاجبك .. مش مشكلة .. أكتبه باسمك !

------------------

(بعد سنين) ..
ـ هتتجوزيني ولا أولع فيكي ؟
ـ ومالك محروق كدة ؟
ـ حكايتنا طولت قوي .. طولت أكتر من اللازم !
ـ أوكي .. بس ممكن أعرف حاجة ؟
ـ إيه ؟
ـ إنت ليه متمسك بيا أوي كدة ؟
ـ أصل .. أصل ..
ـ أصل إيه ؟
ـ أصل أنا بحُبك (بضم الحاء) !
ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) ! .. بعدين
خليك
روش وقول
I love you !
ـ ماشي .. بس قوليلي ..
ـ نعم ؟
ـ روش دي تبقى شتيمة ؟

------------------


ـ تتجوزيني ؟
ـ بصراحة .. في حاجة كنت عاوزة أقولهالك من زمااااااان .
ـ إيه ؟
ـ أنا بصراحة .. مش شايفة إن في حد في العالم يستاهلني !
ـ يا سلام ! .. ليه ؟
ـ عشان أنا جميلة .. خفيفة الدم .. رشيقة .. رقيقة ..
ـ رقيقة ؟! .. ده انت بدأتي تقشفي !
ـ فشر !
ـ فوقي لنفسك .. العمر بيجري ..
ـ أنا مصرة على رأيي !
ـ يعني إيه ؟
ـ يعني اقطع معايا !
ـ بعد كل السنين دي ؟! .. بعد كل الحب ده ؟!!
ـ بلاش تراجيديا من فضلك !
ـ ماشي .. بس قبل ما أمشي عاوز أسألك سؤال واحد بس ..
ـ إيه هو ؟
ـ تراجيديا دي تبقى شتيمة ؟


------------------

( بعد سنين) ..
ـ تتجوشيني ؟
ـ إيه ؟
ـ تتجوشييينييييييي ؟
ـ إنت مين ؟
ـ أنا حبيبك يا هبلة .. البشي النضارة عشان تشوفيني !
ـ طيب شاعدني عشان ألاقي النضارة !
ـ آهي على الترابيزة قدامك !
ـ فين ؟!!
ـ لا دي نظارتي أنا !
ـ أيوة لقيتها ..
ـ البشيها بقة !
ـ ططييبب !
ـ عينيكي فوق شوية .. ده بقك ..
ـ طيب لبشهالي إنت !
ـ عقبال ما البشك الدبلة !
ـ ما تكشفنيش ! .. كنت بتقول إيه بقى ؟
ـ كنت بقول تتجوشششيييينيييييي ؟
ـ أكوشك ؟ .. إزاي ؟
ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي ؟
ـ دي شتيمة ؟
ـ لاااااء .. بقولك تتجوشيني ؟!!
ـ آه !! .. أجوشك !
ـ بالضااااابط ! .. هاه ؟
ـ شيبني أفكر !
ـ أشيبك تفكري ؟! .. ده انت هتموتي خلاش !
ـ لا .. شيبني أفكر بش !
ـ ربنا يوفقك !
ـ إيه ؟
ـ ربنا يوفقك !
ـ بتقول إيه ؟
ـ ربنا ياخدك !


------------------

(على فراش الموت) :
ـ تـ … كوح .. كوح .. تتـ .. كوح كاح كيح .. تتكو .. كوح .. كوح ..
تتكوشـ ..
كوح كوح .. يني ؟!!
ـ مش شامعة !
ـ بـ .. قوللـ .. كوح .. كوح .. بقولك .. تـ .. تـ .. كوح .. كوح ..
تتجوشيـ ..
؟ كوح .. كوح …….
ـ أجوش مين ؟!!!
ـ هـ .. و.. ه .. كووح كوح كاح .. هوه إنتي .. كوح كوح .. معرفتيـ ..
ش .. كوح
كوح كيح .. ميـ .. كوح .. مين ؟!!
ـ إيه ؟ ..
ـ لا .. كوح .. أبدًا .. كوح .. كنت … كح كح .. بأكح !!
ـ كنت بتكح ؟!!!! .. شلامتك !! .. ما قلتليش ليه ؟!
ـ هو .. كوح .. إنتي .. لشة .. عارفـ .. ـة .. كوح كوح !
ـ بتقول إيه ؟!!
ـ يا .. ولية .. كوح كوح .. ردي .. كوح كوح .. عليا .. !! .. تـ ..
تـ .. جو..
شيـ .. كوح كوح كوح كوح .. نـي ؟!!
ـ أجوشك ؟!! .. طب بش خد الدوا الأول !
ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح
كوح
كوح .. ـني ؟!!
ـ أيوة يا حاج .. موافقة !! .. موافقة إنك تتكوشني ..
ـ أخيـ….كوح كوح ..راااااً !! .. كوح كوح !! .. كدة أموت .. كوح ..
كوح .. وأنا
.. كوح .. مطمئن ومرتاح !! .. الودااا .. كوح ..ع ع ع ع !
ـ يا حاج .. يا حاج .. لااااااااااااااااااااااااااااا !!



تتـ .. إحم .. تمت بحمد الله
 
لالا الزواج مو هيك انت غلطان في العنوان يا اخي الزواج هاذا ابدا ما حيتم
 
السلام عليكم
شكرا اخي على هاده القصة و للاسف يوجد الكثير من الفتيات من يفكر هاكدا
تقبلوا تحياتي
اخوكم العباسي22000
 
السلام عليكم



قال الرسول صلى الله عليه وسلم اذا اتاكم رجل ترضون دينه وخلقه فزوجوه




كثير من البنات تضيع موصفات لزوج المستقبل تصل الى درجه المستحيل حتى وصل طلباتها الى لون الشعر والعيون يعني تبغى زوج تفصيل

ويفوت قطار العمر والنتيجه البحث عن المستحيل


شكرا لك اخي العزيز
 
تعرف اخي فارس انو البت دي اصلا مش تحوس تتزوج

ومواصفات كلها مش منطقيه وتعجيزيه


وتاني نقول حاجا الكمال لله وحده سبحانه وتعالى يعني مفيش

في الدنيا انسان كامل وكمان مفيش الي بنلقاه تفصيل متل مابتقول انت في موضوعك

يعني متل هالفتيات والشبان لانهم هم تاني صاروو بيتشرطووو مو واعيين مليح بالدنيا

ومايهمهم غير المظاهر ومالهم تفكير بعقولهم عايشين بالدنيا هكدا وخلاص


يعني يلزم على الانسان انو يختار الاشياء الي يشوفها هو انو اساسيه في حياتو وتعاملو مع الطرف الاخر

وينسي الاشياء الي مالها اهميه في متل هيك حياة ( الحياة الزوجيه )

اختكم ليلى
 
شكرا لك أخي الكريم على هذه القصة الجميلة والحكايا المصرية
وأنا أضم صوتي لأختي ليلى
لأننا في زمن كثرت المواصفات
ليس فقط البنت التي تشترط على الرجل يكون له مال وشقة وسيارة
وكمان الرجل نلاحظ أنه أحيانا يبالغ في اكتساب فارسة أحلامه بمواصفات وتحريات مبالغة في العقل والمنطق
ولان ننكر أن الفتاة تبالغ غالبا في أخذ الفارس لكن هذا يعود إلى شخصية الفتاة وثقافتها
فما أحلى الإنسان لما يجعل مبدؤه الدين والأخلاق وما يتبعه ما هو إلا مكملات الجمال والجاه
مع تحيات أخوكم أمير الشوق وصح فطوركم
 
والله غير نحيتلي على بالي ربي يعيشك
 
قال زنوبة dz:
لالا الزواج مو هيك انت غلطان في العنوان يا اخي الزواج هاذا ابدا ما حيتم
ربي يقدرك على هالعمل بس والله بدي اقول ان الجزائر محتاجه لأمثالك اختي زينب :)
 
قال أميرالشوق:
شكرا لك أخي الكريم على هذه القصة الجميلة والحكايا المصرية
وأنا أضم صوتي لأختي ليلى
لأننا في زمن كثرت المواصفات
ليس فقط البنت التي تشترط على الرجل يكون له مال وشقة وسيارة
وكمان الرجل نلاحظ أنه أحيانا يبالغ في اكتساب فارسة أحلامه بمواصفات وتحريات مبالغة في العقل والمنطق
ولان ننكر أن الفتاة تبالغ غالبا في أخذ الفارس لكن هذا يعود إلى شخصية الفتاة وثقافتها
فما أحلى الإنسان لما يجعل مبدؤه الدين والأخلاق وما يتبعه ما هو إلا مكملات الجمال والجاه
مع تحيات أخوكم أمير الشوق وصح فطوركم



owafi9oka arai
 
بارك الله فيك اخي
نعم مثل هذه القصص توجد عندنا لكن ما عسانا ان نقول......ربي يهدينا و يهديهم

الانسان لازم يكون متواضع
اخوكم حمزة
 
يا سلام على الزواج اصبح .. والله نقلكم خلونا ما نكسروش راسانا معاه
صح فطوركم
 
هههههههههههههههههههه كل هادا باش يتزوج اواه ماشيء كل الناس هكا المهم الله يينو المخلوق هههههههههههه
 
يعطيك الصحة يا فارس
و زيد :thumbup1:مصري تع الصح
 
يااااااااااااااااااااه
الحال بيخوففففففففففففففففففففففففففففففففففففففففففففففففففففففففففففففففف
مشكور اخي على الطرح الجميل
والي فيه اكتر من معنى ودلالة
لكن للاسف البنت وبكل بساطة اقولها صارت جاهلة لمعنى الزواج
تهتم بالمظاهر وبس
 
شكر ا اخي على الموضوع

:angel_not:شكرااخي على الموضوع رغم انه طويل جدا ....جدا ...جدا....الا انني قراته كامل فيه عبرة يجب اخد بها على الفتاة عندما يتقدم شاب لارتباط بها ان ترضى بلقليل ولا تطلب المستحيل متل صاحبة القصة التي بقيت تطلب ......وتطلب حتى وهي على فراش الموت
 
يعطيك الصحة موضوعك خفيف ضريف بصح ميش هكا الزواج انت اخذت فكرة غلط عنو
تحياتي
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top