اريد معرفة النهآية

[@ ماسة الجزائر ‏@]

السسلآ مـ عليكوموا​

واش راكم لاباس ؟؟​

المهم عندي قصة وراهي محيرتني بزاف​

انا كنت في المنتدى تعرفت على شاب ماشي دزايري يمني​

وحاول يطلب صداقتي فاكيد وافقت وقبلت ​

وحنا عندنا 9 اشهر مع بعض​

لي سونسيال بلعقل بلعقل اكتشفت اني حبيتوا وهو تاني ​

فقالي على احاسيسه وانا تاني قلت له ​

وامبعد قالي هذا مايكوون غير حب فاحنا حبينا بعض ​

مع العلم اني مانعرفوش كيفاش داير ولا شفتوا ولا شافني ​

ماهدرت معاه ولا سمع صوتي ولا سمعتوا ​

يعني نتواصلوا برك عبر الشات ​

المهم احنا لحتى دووكا ماعلاباليش واش راح تكوون النهآية ​

في رآيكم واش راح تكوون نهااية هذي القصة ؟؟​

ودوكا نكمل معاه ولا نحبس باش ننساه شوية ؟؟​

واذا نبعد عليه كيفاش راح نقدر نبعد عليه ؟؟​

والله ماشكيت نقدر

هو جونتي وهايل بزاف معايا

ويحوس علي سوغتوا كي نمرض

وياكد لي على قرايتي ​

اعطووني افكاار وحلوول لهذي القصة ​

راني نستنا فيكم ​

اختكم ​

{{{ نهاد }}}​

 

[asma2090]

في رآيكم واش راح تكوون نهااية هذي القصة ؟؟
ما عندهاش قاع نهاية


ودوكا نكمل معاه ولا نحبس باش ننساه شوية ؟؟
ننصحك تبعدي عليه


واذا كملنا راح نتلاقااو مبعدتيك زعما؟؟
محال تتلقايه راهم يعقبو في الوقت برك يا بنتي
​

 

[@ ماسة الجزائر ‏@]

​

ودوكا نكمل معاه ولا نحبس باش ننساه شوية ؟؟

ننصحك تبعدي عليه
واقيل عندك الحق ​

واذا كملنا راح نتلاقااو مبعدتيك زعما؟؟
محال تتلقايه راهم يعقبو في الوقت برك يا بنتي

مافهمتكش هنا حنوونة مليح ؟؟​

مشكووورة حنوونة على المرور

اتمنى ان تجيببي على السؤال الاخير

مافهمتكش مليح فيه

 

[سجل أنا جزائري]

يا أختي هذي قصة من ألووووووووووف القصص

و اللي تنجح فيهم واحدة ب 100 فقط

صار اللي يكونو من نفس البلد ما تنجح كيفها تحوسي انتوما كل واحد في بلد أخر تحوسي تنجح

و ثاني شئ مستحيل واحد يحب وحدة بدون ما يشوفها ولا حتى سمع صوتها

كيما قالتلك أسماء راهم يعقبو غير في الوقت

أكيد راه يقول في نفس الكلام ل 100 وحدة قبلك

هذي نصيحتك ليك راكي كي اختي ما ديري الثقة في الأنترنات بزاف

 

[somiasahraoia]

انا ننصحك باش تبعدي عليه

 

[@ ماسة الجزائر ‏@]

يعطيكم الصحة على الاقتراحات

بصح كيفاش نقدر نبعد عليه ؟؟

والله ماشكيت نقدر

 

[Adel Adel1]

هادا مايسميوهاش محبة

هادا راهو ولف

معنتها ماتحبيهش راكي موالفة بيه برك و في بعض الأحيان الولف أصعب من المحب

لازم تجبدي روحك و ديري في بالك وش جاب مدمن أنترنت من اليمن لجزائرية

 

[ملاك الليل]

يااختي خطيه خيرلك
وخمي بالعقل ماشي بالقلب
ربي يوفقك

 

[ملك المنتديات]

السلام عليكم
اختي نصيحة من عندي غير أخطيك منوا نورمال هو صح بلاك جونتي معاك مي هذي طريق تلقاي الباب نتعها مغلوقة وتشوفي روحك بلي راكي تضيعي في وقتك
متقوليش هذا حب وخلاص متزيديش تحبي راكي غالطة وان شاء الله تصيبي الشاب لي تحبيه ويحبك
مشي بالهدرة
اومبعد كي يلحق بلاك الوقت لي لازم تحوسي تشوفيه فيه يقولك اسمحيلي منقدرش

 

[شذى الجنة]

اخطيك راكي صغيرة ولازملك تتحكمي في مشاعرك

 

[odyssée]

بعدي عليه يا ختي خير ما يفوت الوقت

 

[aouf17]

يا اخت الحب غبر الانترنات راه هبال ووجع الراس نعرف قصة اسبانيوله تعرفت وحبت جزائري عبرالانترنات لكن دخلو في دوامت مصاعب.... انصحك ان تقطعي هده العلاقة قبل ان تقعي في فخ الحب الحقيقي ...

 

[فيصل ويستر]

ياماما
الله يهيدك
صارلك كوحدة معانا
يحوس يخطبها واحد فلسطيني

وقالت بلي مانيش قادرة نتخلى عنو
واش راكم تهدروا يا بنات
و الله قلوبكم راهي زي الثكير
يجي واحد من الخارج تعشقوا فيه
ربي يهديكم
شوفي
أرجي لموضوع تاع
تقدم لخطبتي شاب فلسطيني
راح تلقاي جميع ردودي عليه
و الأعضاء و المشرفين أيدوا كلامي كثيرا
نقلك حاجة
بعدي عنو
ياو واش راكي تهدري
قلتي بلي ماشفتيهش وعشقتي فيه
واش رايك لوكان تطلع صورتو هكا



واش راح يكون موقفك
بايخ بزاف
نقلك
بلا ماتفكري بعدي عنو
ok
bay bay

 

[عزة نفس]

نصيحتي يا صديقتي بعدي عليه والله يكون في عونك

 

[مغرورة بأنوثـتي]

في رآيكم واش راح تكوون نهااية هذي القصة ؟؟​

القصة اصلا معندهاشي بداية كيفاش حبيتي تكون كاينة نهاية

ودوكا نكمل معاه ولا نحبس باش ننساه شوية ؟؟​

مش قصدي نجرك ولا حاجة مي في مصلحتك بعدي خير

واذا نبعد عليه كيفاش راح نقدر نبعد عليه ؟؟
تقدري SI EN VEUX EN PEUX​

 

[3izo]

ردي على اسئلتك اعتبري ان connections مكانش:confused1::confused1::confused1::confused1:

 

[asma2090]

مشكووورة حنوونة على المرور

اتمنى ان تجيببي على السؤال الاخير

مافهمتكش مليح فيه

ولله يا اختي انتي قلتي ممكن نتلاقاه انا نقلك ما توهميش روحك بحاجة مستحيلة وهدو الاعلاقات عن طريق النت راهم يجوزو في الوقت برك هدا واش حبيت نقلك ونتمنى انكي تحاولي تبعدي عليه في اقرب وقت ربي يوفقك​

 

[@ ماسة الجزائر ‏@]

يعطيكم الصحة

 

[@ ماسة الجزائر ‏@]

ردي على اسئلتك اعتبري ان connections مكانش:confused1::confused1::confused1::confused1:

لوكان قدرت نجاوب عليهم وحدي

مانسقسيكم

مي الله غالب مقدرتش

 

[سميحة1]

انا ما نقلكش هادا الحب ماشي حقيقي.
انتي ممكن راكي تحبيه صح . وهو ممكن تاني.
بصح على الاغلب ماش رايحين توصلو لاي نتيجة.
حاجة صعيبة باش تبعدي عليه بين ليلة ونهار .
بصح نقلك هادا الموضوع تناقشي فيه انتي وهو .
وفي اللخر انك تشوفي طريقة اخرى غير النت يكون احسنلك والله.
و كيما قالو اللي قبلي على الاغلب ماش رايحة توصلي لاي نتيجة ....
ربي يعاونك وربي يهدينا برك