غلاء المهور

[lalakarimanouri]

السلام عليكم حبيت اليوم اناقشكم في موضوع المهور الذي اصبح هاجس للشباب المقبل على الزواج و الباب الاوسع للعنوسة يقولك عيش تشوف رجعت الطفلة تتساوم كالبقرة و الشروط التعجيزية نكونوا واقعيين واش يملك الشاب الذي ينتمي الى الطبقة الوسيكة او الفقيرة باش تجيب الطفلة تسقام حوالي ( 10م مهر + 15000 خاتم خطبة +الجهاز باه يكون مليح يسقام ب8 م والعرس و الكباش و القضية حوالي 35م كادنى حد ) و مبعد يقولك الدار يشوفو هذاك الشاب مسكين عايشين في 20عبد/50م او اقل لازم كيزينتها من نهارها باش تاكل الحشيش و الكوزينة لازمها مستلزماتها الثلاجة الطباخة الاواني و غير ذلك الصالون لازم تلفزيون على الاقل 54 سم غرفة النوم لازم تكون راقية باه تفتخر على صديقاتها في البوم الصور وصلنا الان حوالي 350م قولولي على وجه ربي منين يجيبهم هذا المغبون عمرو كامل وهو يخدم ومنعرف اذا يجيب الخمس نتاعهم المعيشة صعيبة و لازم الكوتاج يكون بالتوارق اللوزة كاوكاوة و غير الطاكسيات الملاح و مبعد وقت الصح تخرج وتبان على حقيقتها 000000000000000000000000000000000000000000 هذا الموضوع كتبتوا مقاسا على جهة الاوراس خاصة خنشلة مي مالفين يساومو .................................................. حبيت نفرغ قلبي راح يكلاطي

 

[chiva.]

ياو باتت فينا راكي هبطتيلي مورال علاه ديري هك من بكري مسقمة وقيلة لا زواج ولا قدور

الشاب الخدام قلك ملحقتش ملا لي مشي خدام واش نقولو عليه ؟

المهر ب 10 ملايين + خاتم نتاع 2 ملايين

شونمبرا ب 8 ملايين رخيسة ب 6 ملايين + درابلها

تيليفيزيو ب 3 ملايين + ديمو 450 الف + طابلة نتاعو طابلة ديرها ب 300 الف معليش

العرضة نتاع الغاشي ديرها 5 نعاج وادا كفاو نعجة رخيسة ب 1800 اضربها في 4

والقاطو ب 3 ملايين

نعجة العروسة 2 ملايين تصديرة

المهم العرس كامل ب 35 مليون ولا 40 مليون

ومبعد واش نوكلها تاكل مقرون وسباقيتي ولا لحشيش

انا واحد من ناس ادا تمت الحالة كما هك ندير اضراب على الزواج

نجيب مرا نحصل فيها

 

[3izo]

واش الدير هذي العقلية الى كاينة ...اتبدلت المبادئ و صار الهدف من العرس و المهم فيه هو قداش دفعوا ولازم يكون عرس يعجب اصحاب و لحباب و اصحاب لصحاب و احباب الاحباب ...و لحوايج يكونوا هي اول وحدة نخرج بيها اذا مكانتش كيما صحبتها الفلانية...و ميهمش الهناء و الاستقرار و قبل كل هذا انوا العريس يكون ولد حلال و عنده النية في العايلة
مش غريبة انوا اهل الطفلة هم الى حطوا هذي الشروط و هم الى يهزوا همها اذا رجعتلهم ....
باش انقولوا يارب غير هذا الوضع فالتغير ميجيش وحدها و الناس الكل ماشي عاجبهم الحال لكن كي جوا للصح يقلك يا خوا هكا ماشيا الناس منهم الناس و منهي الناس الى اتمشي في الناس هذي مفهمتهاش
ربك عادل...

 

[messikimo]

عجبني الحساب نتاع شيفا

 

[Adel Adel1]

كون المصاريف هاديك بكل يخليوها باه الشاب و رى الزواج بلقى روحو و يدخرها على خاطر بنات اليوم " معضمهم " فراجيل و من الشهر لول تبدى المعدى توجه و ضهر يوجع و ماتحملش الخدمة فالدار و ماعلاباليش و روح لطبيب و جري لطبيبة و يجي وقت الحمل و مبعد الولادة تقوى عليه المصاريف و هو ما خباش الدراهم للوقت هاداك على خاطر دراهمو كلاوهم فالعرس فالكوكاوة و توارق

هادي لي نورمالمو يخممو عليها لاكان حابينهم يعيشو مليح مش يخلصولهم المدخرات تاعهم و مبعد تجي على راجل يحصل و يولي ديما قلقان و لحية في وجهو

الدكور رام فهموني ماعندي مانزيد نهدر

 

[asma2090]

إن في هذا العصر وفي مناطق عديدة أصبحت لدى الناس ما يسمى بعقدة غلاء المهور وقد تكون من الجانبين وقد يكون من جانب واحد أي والد الفتاة والمتزوج والقصد عن المتزوج هو يطالب بالزيادة رغبة منه في المفاخرة .

ومن المؤسف حقا أن نرى ولي الفتاة والتي ستكون زوجة المستقبل ينتظر ما يدفع في ابنته أو أخته ، ومن المؤسف أيضا أن يقابله المتزوج الغني بالموافقة بكل ما يطلبه ، هذا مع عرض لما سيقوم به يوم الزواج من جناح في فندق او صالون الحفلات مع المظاهر الكذابة الأخرى كالذهب والعشرات من الذبائح والتي يحتاج إلى مثل هذه النعمة الكثير من الناس والذين بعضهم لم يذق طعم اللحم من أشهر أو أكثر ، هذه المفاخر والمغالاة لا يقرها الإسلام وقد قال تعالى إِنَّ الْمُبَذِّرِينَ كَانُوا إِخْوَانَ الشَّيَاطِينِ وَكَانَ الشَّيْطَانُ لِرَبِّهِ كَفُورًا صدق الله العظيم وقال صلى الله عليه وسلم إن أعظم النكاح بركة أيسره مؤنة رواه أحمد عن عائشة رضي الله تعالى عنها .

ويروي مسلم عن أبي هريرة رضي الله عنه قال جاء رجل إلى النبي صلى الله عليه وسلم فقال إني تزوجت امرأة من الأنصار فقال له النبي هل نظرت إليها فإن في عيون الأنصار شيئا ؟ فقال نظرت إليها قال صلى الله عليه وسلم على كم تزوجتها ؟ قال أربع أواق فقال الرسول أربع أواق كأنما تنحتون الفضة من عرض هذا الجبل

وقد يقول بعض الآباء هدانا وهداهم الله إن زوجتها بمهر قليل قد يقول البعض إن بها عيبا ولو لم يكن فيها ذلك لما زوجها بهذا المهر . فأنت يا أخي كلام الناس لن يضرك وابنتك بشيء طالما أنك تعرفها والذي طلبها راضيا بها. زوجها لرجل تعرف أنه يتمتع بأخلاق فاضلة ودين وتأكد أنه هو الذي سيخاف الله في نفسه وابنتك وآثار غلاء المهور لو تفكر فيها والد الفتاة لما تردد في تزويجها بأقل من قليل .

شكرا على موضوعك الحساس والذي يحتاج لاكثر من وقفه​

 

[somiasahraoia]

والله عندكم الحق بصح معليش

 

[sami44]

ياو باتت فينا راكي هبطتيلي مورال علاه ديري هك من بكري مسقمة وقيلة لا زواج ولا قدور

الشاب الخدام قلك ملحقتش ملا لي مشي خدام واش نقولو عليه ؟

المهر ب 10 ملايين + خاتم نتاع 2 ملايين

شونمبرا ب 8 ملايين رخيسة ب 6 ملايين + درابلها

تيليفيزيو ب 3 ملايين + ديمو 450 الف + طابلة نتاعو طابلة ديرها ب 300 الف معليش

العرضة نتاع الغاشي ديرها 5 نعاج وادا كفاو نعجة رخيسة ب 1800 اضربها في 4

والقاطو ب 3 ملايين

نعجة العروسة 2 ملايين تصديرة

المهم العرس كامل ب 35 مليون ولا 40 مليون

ومبعد واش نوكلها تاكل مقرون وسباقيتي ولا لحشيش

انا واحد من ناس ادا تمت الحالة كما هك ندير اضراب على الزواج

نجيب مرا نحصل فيها

راني معاك
ومشكورة على الموضوع
تحياتي
​

 

[salma2010]

من رايي ليست قيمة المراة بالفلوس ابدا ولا الذهب والماس و..........و.......... انا ارى ان قيمة المراة لا تقدر بثمن

 

[Adel Adel1]

من رايي ليست قيمة المراة بالفلوس ابدا ولا الذهب والماس و..........و.......... انا ارى ان قيمة المراة لا تقدر بثمن

لا تقدر المرأة بثمن بصفتها روح .. و روح الإنسان لاتباع و لا تشتري


صار أولياء العروس يساومون عليها و كأنها جارية بسوق الرقيق

هل معي حق في هادا ؟؟؟

 

[salma2010]

لا تقدر المرأة بثمن بصفتها روح .. و روح الإنسان لاتباع و لا تشتري


صار أولياء العروس يساومون عليها و كأنها جارية بسوق الرقيق

هل معي حق في هادا ؟؟؟

نعم معك حق ولكن انا لي راي انا ارى ان المهر ده اصلا المفروض انه يكون شئ رمزى فقط لانه الدين امر بعدم المغلاه لكن العرب تفكيرهم كده ربنا يشفي

 

[shahrazad]

اييييييييييييه قااع من الاهل كي يكون همهم غير المال
قالك و قاااالك ....
سألو واش الخدمة طبيب مهندس ولا طيار
والدراهم يا درى كشما والسكنى كيفاه الدار
بنتنا لازم تعيش مكرمة وحنا عايلة ملكبار
لازم تعيش في فيلا تطل علبحر النسيم تشمو
والطوموبيل مرسيداس كحلة والمفتاح هي اللي تحكموا
البارور لحزام والسنسلة 18 كارا باش نتفاهمو
وحاذرولنا على يدين الطفلة والبيت كثرو من خُدّامو
الكنيس والمسيح والشغل لالا ووليدكم ما يمشي عليها حكامو
وفاسبانيا تجوز العطلة دبي وتونس بلايص قدامو
هذي هي شروطنا كاملة وعندكم الوقت باش تخمموا
..............
​

 

[amouna22]

على الله

 

[yesminecloe]

والدينا كي تزوجو خيرو الدين و العقلية و عاشو حياتهم . أما لينا حابين يخيرولنا المال.
أنا راني حاصلة في مشكل كيما هكذا إنسان رايدني و دارنا طالبين يشري دار و رافضين يكري.
كيفاش يدير يسرق بنك، و الله لوكان يربح المليون مايكفوهش .
ربي يهديهم واش نقولو.

 

[نوح تيتا]

شكرا

 

[bidou]

بصراحة و الله كلش ولا غالي
يتسما لي حاب يتزوج على الاقل لازملو كاش 40 مليون
بزاف و الله
الله يجيب الخير

 

[noumira]

شكرا على الموضوع والله موضوع حساس طاح مع الفاتحة ديالي لي كانت في 19 انا قلت لبابا قلهم بنتي المهم تتهنا يا ربي يمدولك مليون ما يهمني لا جهاز لا حتى حاجة قالي بابا عندك الحق يا اخي سهلها تسهل علاه قاعدين يصعبو فيها جيب كذا و كذا غير باش الناس تشوف الناس ولات تشد في الراشي وتخلي الصحيح الواحد يشوف للبعيد ما شي في 4 صوردي لي رايحين يكملو في دقيقة الحمد لله بابا انسان قانع سهلها عليهم وقالهم ما نحتاج لا شرط لا ذهب المهم الهنا يغلب الغنا وربي يكون مع الشبيبة نتاعنا

 

[hamlaoui5]

ياو باتت فينا راكي هبطتيلي مورال علاه ديري هك من بكري مسقمة وقيلة لا زواج ولا قدور

الشاب الخدام قلك ملحقتش ملا لي مشي خدام واش نقولو عليه ؟

المهر ب 10 ملايين + خاتم نتاع 2 ملايين

شونمبرا ب 8 ملايين رخيسة ب 6 ملايين + درابلها

تيليفيزيو ب 3 ملايين + ديمو 450 الف + طابلة نتاعو طابلة ديرها ب 300 الف معليش

العرضة نتاع الغاشي ديرها 5 نعاج وادا كفاو نعجة رخيسة ب 1800 اضربها في 4

والقاطو ب 3 ملايين

نعجة العروسة 2 ملايين تصديرة

المهم العرس كامل ب 35 مليون ولا 40 مليون

ومبعد واش نوكلها تاكل مقرون وسباقيتي ولا لحشيش

انا واحد من ناس ادا تمت الحالة كما هك ندير اضراب على الزواج

نجيب مرا نحصل فيها

هههههههههههههه والله حساب مضيف عينا نطلعوا ونهبطوا وصلنا 30 سنة ومبانتناش

الصح الصح لقيتها متخرجش عطيتها لتحواس يا خويا خير .تخاف نكبروا ومديها لهك والا هك
​

 

[شهد .]

في عوض ما تتزوج زيد شوية دراهم و شري طوموبيل خيرلك و الله
انا ما فهمتش انتو تدورو على الهم بالدراهم
ههههههههه​

 

[nadaldr]

يا خويا كي دير قوم روحك و مبعد خمم في الزواج
​