اروع شعرعن المنتخب الجزائري

[nab22]

بربي و الخالق يعين ****** و نردو عام التسعين
يالله قولو أميـــــــــن ****** السودان علينـــا فال

و بالاك تغلــط بالاك ****** احنا شبان الأفنـــــاك
يا الخضرة الله معاك****** و قلنا الصـــــابر ينال

صايفي يبدة و حليش******البرصا ما تخوفنيــــش
يقولك لخضر بريش ****** في خيخون علينا سال

مغني رحو و بلحاج******من سوسة خرجنا بالتاج
شاعو بينا في قرطاج***** ومازال خوتي مازال

منصوري قائد موهوب*****و زياني خاطف لقلوب
قاواوي و الله ينوب ****** و مع شاوشي بان الحال

حبة حبة رانا فور ****** من بوقرة داها مطمور
و الشفرة فكها جبور***** و في الفيلي جابها غزال

عولنا و راها جات ****** و الخضرة وين مشات
و عليك العين بكات ***** للموت راكي في البال

ظلموك و معاك الله *****و الحقرة خوتي و علاه
بالنفس ولا بالجاه ****** معاك كي كان الحال

جامي اسمك يطيح ***** و مازال وعدك صحيح
قالها سعدان الشيخ ***** انشالله كاين رجال

في الخرطوم الميعاد***** خاوة على جال لبلاد
و إذا لحقت للجهاد ***** تاريخنا في لجبال

عنتر يحيى و لمصاغر*****و بلموشية نفتخر
عبدون و ربي ساطر ****** و نوروكم لجيال

حنا قلنا واش علينا ****** و بربي راها لينا
و بدعوة والدينا ***** باش نخسرو محال

راها ليكم يا شبان ****** الطبلة و الفيميجان
و انشالله في الميدان *****علقنا علكم لامال

قولوا أمين

 

[smain010]

 

[نبض الحياة]

شكراااااااااااااااااااا

 

[المنشدة سارة]

الف شكر شعر رائع

 

[إلياس04]

!!!!!!merci bcp​

 

[nab22]

شكرا على مروركم

 

[bh97]

شكرااااااااااااا

 

[سالومي10]

حبة حبة رانا فور ****** من بوقرة داها مطمور
و الشفرة فكها جبور***** و في الفيلي جابها غزال

مشكوووووورة فعلا شعر جميل جدا
وبالتوفيق لمنتخبنا الغالي

 

[جزائرية متاصلة]

روعة وعقبال لكاس افريقيا امين
قولوا امين

 

[best-arch]

!!!!!!merci bcp


​

 

[سر القلوب]

شكراااااااااااااااا

 

[sokito]

تم نقله
​

 

[nab22]

شكرا كثير على مروركم و عام سعيد 2010 كل عام و انتم بالف الخير

 

[nab22]

شكرا على مروركم