والله يا جماعة راني قررت باه نحرق ... أدعولي

[أمير الجمال]

السلام عليكم
اسمحولي مارانيش قادر نهدر
بصح حبيت نقوللكم باللي إلا حب ربي راني نروح
كرهت من هاذي المعيشة
حياتي كرهتها
درك نورمال كي نموت كي نعيش ما كانش حتى فرق
الأعضاء لي نعرفهم برك يدعيولي بارك الله فيكم
واللي يعرفوني كامل ... أسمحولي إلا قستكم كاش خطرة
ممكن ربي ياخذ امانتو ماعلابالناش
أنا إلا توفّيت راني مسامح في كلش



المهم ... تبقاو على خير​

 

[أمير الجمال]

في أمان الله

 

[salma2010]

اخى امير نصيحة منى تقرب الى الله اكثر وتحلى بالتفاؤل والصبر فلماذا انت متشائم كل هذا التشاؤم الحياة كبيرة فيها الحلو وفيها المر لازم تتحمل المتاعب لانه وببساطة هذه هى الحياة ...........تقرب الى المولى عز وجل وهو عنده الفرج...........الله معك........

 

[moha073]

بركا بلا هبال انتواقيلا راك شارب كانش حاجة واش راك تخرف تحرق و ماتحرق نحي الفكرة من بالك
ربي يوفقك في حاجة خلاف مي هدي ؟؟؟؟؟!!!!!!​

 

[أمير الجمال]

أختي سلمى
أشكرك على المرور
حبيت نقولك باللي المشكل لي عندي ما بغاش ينحلّ
تقربت من الله، وأنا مؤمن بالقضاء والقدر ... ولكن أعلم أن المشكل كلما مر الوقت يزداد تفاقما
عمري ما حسيت باللي أنا ضعيف كيما هاك
المهم يعطيك الصحة على الاهتمام
وربي يلاقينا في جنتو ان شاء الله
​

 

[أمير الجمال]

هههههه
إيه يا موح
ما يحس بالجمرة غير لي عافس عليها
لوكان جيت في بلاصتي .......... تعرف وش راني نعاني
المهم حبيت نقولك برك ، والله ما راني شارب حاجة، والله جامي شربت حاجة
والله العظيم جامي درت حاجة ما يرضاهاش ربي
ويعطيك الصحة على كل حال​

 

[بنت الثوار]

ياخويا راك تقول في واحد الهدره تعتبر كيما الانتحار حرام والله حرام ربي يهديك
والله ماراح تلقى الجنه تماك والله غير تزيد الغبينه انا مغتربه بصح مع اهلي الحمدلله وراني شايفه الحراقه كيفاش والله غير حاجه ماشي تريح خلاص ربي يفرج انشالله ويفرحك ويفتح عليك ونحي الفكره من بالك ربي يخليك

 

[hard_way1990]

في أمان الله خويا لهيه راك تعيش بيان ..
وإلى مت راك تتحاسب وحدك ... طريق السلامة .. سلام ..
​

 

[أمير الجمال]

يا أختي يعطيك الصحة على الاهتمام
وربي يخليك ويرجّعك لبلادك سالمة
ونقولك برك، مانيش هارب من البلاد، هارب من الشعب تاع البلاد
ما قدرتش نزيد نقعد
نهرب خـــــــــــــيـــــــــــر
واللي مكتّبو ربي فيه الخير​

 

[Adel Adel1]

بلادنا كلها جمر و كلنا عافصين عليه

مي كاين لي يصبر و كاين لي يكره

 

[أمير الجمال]

مرسي خويا hard way
على سلامتك​

 

[أمير الجمال]

عندك الحق يا سي عادل
المهم تبقاو على خير ... تهلاّو في بعضاكم​

 

[شهد .]

الله يجعلها من قدامك خضرة ومن وراك خضرة كيما قالو صحاب زمان
بصح خمم مليح وخطط واش رايح الدير مش كل الي حرقو وصلو مش كل الي وصلو صابوها مليحة وكين الي تحبسو وتحقرو وذلوهم وهانوهم وما خلاوهم يعيشو كي الخلق ما ردوهم لبلادهم وعلابالي بلي عندك دوافعك وهمومك وكامل رانا هااك و الواحد كي يشوف هموم غيرو ينسا همومو بصح انت ما راكش عارف واش راح يصرالك تم واسك غادي تو صل ول لالا خمم مليح مع روحك خويا وادعي الله ادعيه بزاف
والله راه معاك ​

 

[أمير الجمال]

يعطيك الصحة شهد
واللي مكتبها ربي تلحق
ســــــــلام​

 

[fufa22]

كارطونة في روما ولا فيلا في الحومة
****************
يالبحري خليني نجوز انا كرهة معيشتي
*******************
روما ولا نتوما (نتوما مش اعضاء المنتدى لمسيريين البلاد)
***********
​

 

[vitamine dz]

ربي يخليك ابقى عند ميمتك الله يسترك مديرش حاجة كيم هذي البرانية مفيهمش الربح والله غير تتمرمد اكثر انا خيتك ربي يفرج عليك ابقى في بلادك وللي فات مات علاه غير انت للي صرالك مشكل في هذي الدنيا راني جيت جديدة في ه>ا المنتدى ومزال مكتبت حتى موضوع سبقت فيك ديرلنا قدر وعيش زاهي هاني هنا

 

[maya31]

ايه ايه عندك الحق ما يحس بالجمرة غير الي كواتو
سي بور سا
مي خمملها اسكو راك ضامن روحك توصل و لوكان حتا وصلت
راك حاسب تماك الجنة و لا كي تروح يحطولك تابي غوج و يعطوك دار و شركة و لوطو
لالا يا امير ماشي هكدا
الي راحو لتم كامل ندمو معيشة الدل راهم عايشينها
ايا قولي هنايا شحال عندنا من واحد ما يخدمش مي كامل عايشين
تماك لوكان ما تخدمش ما تعيش
و ما نيش نهدر على اي خدمة .... العرب يزكرو فيهم و يحرتو عليهم
راك قاعد في بلاداك معزز مكرم حتى واحد ما يحرت عليك
و زيد حتا وراك مغبون كامل عندنا دي بروبلام مي هدا ابتلاء من عند الله قوي ايمانك و صابر ينال يا خويا
دوماج قيمة شيىء ما نعرفوهاش حتان نضيعوها
ابقى في بلادك و انعل الشيطان و ابقى مع ميمتك و باباك
ربي عطانا بلاد فيها كلشيىء مي حنا ما نعرفوش قيمتها و دوماج نحصلو غير فيها و نسينا رواحنا



المهم انا راني قلت رايي و ما شكيتش الحرقة رايحة تحليلك معيشتك

ربي يهديك و يهدينا
​

 

[جزائرية حتى الموت]

هاي هاي وين غادي تروح ؟؟؟؟؟؟؟؟

ممنوع اخي !!!!!!!!!!!!!!!!

علاش كيما تبغي انت ؟؟؟؟؟؟؟؟؟

صح ما نعرفكش

بصح تبقى واحد من اللمة واكثر من دلك ولد بلادي

واللي يضرك يضرنا

راجع روحك مليح

غيب اسبوع

شهر

ارتاح نفسيا

تقرب الى الله اكثر

بصح هدرة كيمن هادي ما تشقاش تعاودها

رانا هنا اخوة واخوات


تروح تحرق؟؟؟؟؟؟؟؟؟؟؟

ورضا الوالدين؟؟؟؟؟؟؟؟؟

وامك ترضى تخليها وحدها ؟؟؟؟؟؟؟؟؟؟؟؟؟

كلنا نمر بمراحل نكره فيها كل شيء

بصح الدنيا ما تستاهلش

صلي صلاة الاستخارة وغادي تشوف

عظمة الخالق
وغادي باذنه ابواب الخير تفتح امامك



هدا موضوع طرحته مرة باللمة

ونرجع اهدي لك كلماته



لا تيأس إذا تعثرت أقدامك ..
وسقطت في حفرة واسعه ..
فسوف تخرج منها وأنت أكثر تماسكا وقوة !!
**والله مع الصابرين**



لا تحزن إذا جاءك سهم قاتل من أقرب الناس إلى قلبك ..
فسوف تجد من ينزع السهم ويعيد لك الحياة و الابتسامه !


لا تضع كل أحلامك في شخص واحد ..
ولا تجعل رحلة عمرك وجه شخص تحبه مهما كانت صفاته ..


ولا تعتقد أن نهايه الأشياء
هي نهاية العالم ..
فليس الكون هو ما ترى عيناك !


لا تنتظر حبيباً باعك ..
وانتظر ضوءاً جديداً يمكن أن يتسلل إلى قلبك الحزين ..
فيعيد لأيامك البهجة ويعيد لقلبك نبضه الجميل !!


لا تحاول البحث عن حلم خذلك ..
وحاول أن تجعل من ألمك ..املا لبداية حلم جديد !



لا تقف كثيراً على الأطلال..
خاصة إذا كانت الخفافيش قد سكنتها والأشباح عرفت طريقها ..
وابحث عن صوت عصفور ..
يتسلل وراء الأفق مع ضوء صباح جديد !



لا تنظر إلى الأوراق التي تغير لونها ..
وبهتت حروفها ..
وتاهت سطورها بين الألم و الوحشه ..
سوف تكتشف أن هذه السطور ليست أجمل ما كتبت ..
وأن هذه الأوراق ليست آخر ما سطرت ..


ويجب أن تفرق بين من وضع سطورك في عينه ..
ومن القى بها للرياح ..
لم تكن هذه السطور مجرد كلام جميل عابر ..
ولكنها مشاعر قلب عاشها حرفاً حرفاً ..
ونبض إنسان حملها حلماً !
واكتوى بنارها ألماً !!



لا تكن مثل مالك الحزين ..
هذا الطائر العجيب الذي
يغني أجمل الحانه وهو ينزف ..
فلا شيء في الدنيا يستحق من دمك نقطة واحده !



إذا أغلقت الشتاء أبواب بيتك ..
وحاصرتك تلال الجليد من كل مكان ..
فانتظر قدوم الربيع وافتح نوافذك لنسمات الهواء النقي !
وانظر بعيدا
فسوف ترى أسراب الطيور وقد عادت تغني ..
وسوف ترى الشمس وهي تلقي خيوطها الذهبيه فوق
أغصان الشجر
لتصنع لك عمراً جديداً وحلماً جديداً .. وقلباً جديداً !



ادفع عمرك كاملاًًًًًًًًًًًًًًًًًًًًًً لإحساس صادق وقلب يحتويك ..
ولا تدفع منه لحظة في سبيل حبيب هارب ..
أو قلب تخلى عنك بلا سبب !
لا تسافر إلى الصحراء بحثاً عن الأشجار
الجميلة ..
فلن تجد في الصحراء غير الوحشة ..
وانظر إلى مئات الأشجار التي تحتويك بظلها ..
وتسعدك بثمارها .. وتشجيك بأغانيها !



لا تحاول أن تعيد حساب الأمس وما خسرت فيه ..
فالعمر حين تسقط أوراقه لن تعود مرة أخرى ..
ولكن مع كل ربيع جديد سوف تنبت أوراق أخرى ..
فانظر الى تلك الأوراق التي تغطي
وجه السماء ..
ودعك مما سقط على الأرض فقد صارت جزءاً منها !!



إذا كان الأمس ضاع .. فبين يديك اليوم !
وإذا كان اليوم سوف يجمع أوراقه ويرحل .. فلديك الغد..
لا تحزن على الأمس فهو لن يعود !
ولا تأسف على اليوم .. فهو راحل !!
واحلم بشمس مضيئه في غد جميل ..



إننا أحياناً قد نعتاد الحزن حتى يصبح جزءاً منا ونصير جزءاً منه..
وفي بعض الأحيان تعتاد عين الإنسان على بعض الألوان ..
ويفقد القدرة على أن يرى غيرها ..
ولو أنه حاول أن يرى ما حوله لأكتشف أن اللون الأسود جميل ..
ولكن الأبيض أجمل منه ..
وأن لون السماء الرمادي يحرك المشاعر والخيال !

ولكن لون السماء أصفى في زرقته ..

فابحث عن الصفاء ولو كان لحظة .. !

وابحث عن الوفاء ولو كان متعباً و شاقاً !!

وتمسك بخيوط الشمس
حتى ولو كانت بعيده ..

ولا تترك قلبك ومشاعرك
وأيامك لأشياء ضاع زمانها !


إذا لم تجد من يسعدك فحاول أن تسعد نفسك ..

وإذا لم تجد من يضيء لك قنديلاً ..

فلا تبحث عن اخر أطفأه !

وإذا لم تجد من يغرس في أيامك ورده ..

فلا تسع لمن غرس في قلبك سهماً ومضى ...!!

وننسى أن في الحياة أشياء كثيرة يمكن أن تسعدنا ..

وأن حولنا وجوهاً كثيرة يمكن أن تضيء في ظلام أيامنا شمعة ..

فابحث عن قلب يمنحك الضوء ..

ولا
تترك نفسك رهينة لأحزان الليالي المظلمة..

 

[naim_biskra]

روح خويا ربي اكون في عونك بصح ادير فيا امزيا كي تلحق طمني اعليك اعلى خاطر تاني انا راني حاب نحر9

 

[ملاك الليل]

رانا حاسين بيك
....الفرق بيناتنا ....رانا صابرين
تهلى في روحك خويا وخلي املك بربي كبير