والله يا جماعة راني قررت باه نحرق ... أدعولي

[فؤاد الورقلي]

السلام علييييييييييييييكم
لاتقل رايح نحرق قول رايح نار جهنم
خويا ربي يهديك ويعافيك ويشفيك
ونسال الله المغفرة والتوبةةة
ربي يحفظك

 

[أفراح الجزائر]

اذا حبيت النصيحة .. شوف الذل في بلادك وماتشوفوش في بلاد الغير... ماتسترك غير بلادك..
واذا راك مصر ...في أمان الله​

 

[rafik_875]

mon frere pause une demande de visa balak rabi yfarage alike cest pas bien tahrag rahe el nasse kolyoume ymotou bsiba taa el harga tu parent et son besoin de toi sali et otlobe rabi bache yfarage alike mon frere

 

[EL General]

أنت ة زهرك ،

إذا مالقيتش الفلوكة ، راني نمدلك ،

و إذا مالقيتش الماكلا نمدلك

و إذا مالقيتش الأصحاب نبعث معاك

بصح يا أخي اللي مانقدرش نمدو :

حياتك عندما تذهب من جسدك

الله غالب إذا راحت راحت مانقدرش نمدلك

​

 

[نبع العرب]

يعني انت را تقوك يكوني الحوت وما يكلنيش الدود

كي تحرق يلزمك على الاقل حاجو 10 ملاين

ابان صاحبي دي العشرة شريها سلعه ودورها

اه نسيت ههههههههههههههههههه صاحب الفلوكة لي يحرق بها ، تعرف وين وسيها ؟
يحرقها ويحرقكم معاها
ثم يرجع ويلام دراهم كما العادة ، ثم هكذا وليك

صدقني الصيفة لي فاتت كل يوم قصة مع حراgة في الغرب الجزائري

جميع التفاصيل صغيرة وكبيرة ، والنتيجة لي عرفتها :

انك تكون عبرة لخوتك الحراقة كي يوجدوك نصك كلاه الحوت والنص الاخر مرمي على الماء
كي يقلعولك كلاويك ويرموك في المزبلة في اروبا

يعني باختصار انت عندهم مجرد مجرد مجرد شيء او وسيلة
واذا حبيت توصل في فرنسا واسبانيا وتكون شخصية معتبرة وتاكل الخبز
كلمة اسلام والعروبة ووووو نحيها من راسك
واحد ملافامي دخل الجزاير غير هنا
تعرف واش قالي :
الاسلام تبدل على لي كان هههههههههههههه

اه ولما تجي تقولي الظروف : انا نقولك حاجة
المسجد هو دواك ، مشي القهاوي
على العموم الله يهدي الجميع ونزيد نقولك خويا الحرقة افيركلاسي
الافارقة كي يحرقوا ميعرفوش شكون هما منكر ونكير انت تعرفهم وتعرف واش هي اسالتهم
ونزيد نقولك لي حب يحرق انتاع الصح يروح لفلسطين على الاقل يموت شهيد يموت على فراش الطاعه مشي جيفة مع خالص احترامي لك ولكل جزائري

واذا كان فيه مشكل قولنا وراك في منتدى فرغ واش كاين في قلبك ممكن نعاونوك ان شاء الله
​

 

[صبري2010]

خويا نقولك حاجة نحي الهدرة هذي من بالك اقعد في بلادك والله تندم لوكان تحرق لتم راهي كتر من هنايا اقعد مع حبابك واصحابك اتفاهمو على هذا المشكل بلاك يتحل قبل ما يكبر وربي يهديك وربي يهدي لي كيفك
يا اخي راهي ماهيش ساهلة نظن علابالك وربي يوفقك
واقعد في بلادك وعيش افراح الجزائر في امم افريقيا والمونديا
ولاكان عدت تحب المنتخب الوطني صح ما تروحش

 

[هشام رضا]

كن قوي الشخصية واش بيك ؟؟؟
الرجل الحقيقي بكل صراحة تلقاه في كل مكان عادي عندو ولا يريد الإنتحار
انصحك بالبقاء في بلادك و بدأ عمل مستقبلك فهناك من اراهم كانو فقراء لكن بدأو واصبحوا يسكنون في فيلات الله يبارك

بالتوفيق لك

 

[saber a]

خو اخطيك وا صبر كامل عندنا مشاكل
مي دير في بالك كاين ربي يك اقلك لخلق ما اضيع
وهدي الدنيا فانيا مي لخرة هي الصح
شوف لعيش اعر منك ...شوف مع الزوالي تع الصح شوف مع المرضى في سبيطرات شوف مع
لخلقهم ربي ميشوفوش والامثال بزاف خو اخطيك
وربي افرج هم كل المكروبين ان شاء الله

 

[زهرة القدس]

لالا خويا ماشي هذا هو الحل لمشاكلك

لازم تتمسك بربي وتطلب من الوالدة الكريمة الدعاء وحنا رانا معاك وندعيولك ان شاء الله

ولاتلقوا بايديكم الى التهلكة
وماتنساش ربي اعطاك نعمة الوجود في الحياة فلا تفقدها
وربي يكون في العون

ونعرفوا بلي الجزايرين اقوياء ....فكن قوي وتحمل يابطل
اوكي؟؟؟؟

 

[سوار]

تبع عمرك في فلوكة
وتخلي يماك محروقة
يا لحارق وين مسافر تروح تعيا و تولي ...شحال ندموا لعباد الغافلين قبلك وقبلي
دير ربي في بالك رانا كامل عنا مشاكل شكون لي راه متهني المشاكل في الدار و الخدمة المشاكل في كل بلاصا مى ربي عطانا واحد الحاجة اسمها الصبر
دير لعقل خويا تعيش واقعد هنا قههوة وقاروا خير من السلطان في داروا
يزينامن التخلاط واحكم بلادك ذرك ندوا لاكوب دا افريك ونزهوا كل
ربي يحفظك ان شاء الله

 

[sara48]

راك غالط مئة بالمئة

 

[moncefmila23]

طريق السلامة نشالله خويا

 

[MĺŹǾ žĕĥÔŖ]

حرام عليكم يا ولاد بلادي والخضراا شكون يسيبورتيهاااا

حرااااااااااااام عليكم وربي قال ما تدوش بأنفسكم الى التهلكة وش بيكم فكر في الناس الي رح تخليييييييييييهم

 

[nihad_27]

لمازلت حي

ديني معاك

 

[لينة32]

يا خويا لوكان تساعفني
قاع ما ديرش حاجة كيما هاذي
بزاف لي ندمو
خمم مليييييييييييييييييييييح

 

[هبة الرحمان1517]

الهروب عمرو ولا كان حل يرضي حتى انسان في هذ الدنيا
نت راك حاب تحرق وتهرب وماخممتش في والديك وخاوتك وصحابك والناس اللي يحبوك وعلاه كيما راح تهرب واش راح تستفاد كيما تسكن في بلاد بغير بلادك وتاكل ماكلة الناس و بلادك الحمد الله راهي مازالها عايشة

 

[alaa_oran]

خويا والله الدمعة هودت كي قريت هاد الهدرة
رااااااك غالط بزاف
خمم مليح
دير كل الاحتمالات تاوعك وراني سير بلي غادي تعرف بلي راك غالط
علابالك بلي كون تموت بعيد الشر تروح لجهنم ديراكت علا خاطر هدا سموه انتحار
وتاني خويا ادا راك حاسب مين غادي تروح الابواب قاع غادي ينتحلولك تاني في هادي راك غالط
قعد مع الناس لي يبغوك وماتخممش ربي لي خلقه راه دايرله رزقه ماتحصيش قاع وينتا يفرج ربي بالاك اليوم بالاك غدوة
دير ربي في قلبك ودايما تفاؤل خير باش ربي يفرج عليك
وصلي على النبي بزاااااااااااااف
وقول لااله الا انت سبحانك اني كنت من الظالمين وان شاء الله ربي يفرج عليك
خويا عاود خمم مليييييييييييييح ربي يخليك

 

[نبض الحياة]

استغفر ربك.......ونسا فكرة الحرقة.........ربي يغلق باب ويفتح باب.هادي نصيحتي ليك.........

 

[02asma02]

واش راك تقول يا خويا واش هدا الهدرة نتاع الهبال
انا نقولك ارجع ربي سبحانوا هو الي يحلك بيبانوا

 

[khalilou algerino]

يالغافل غير اخطيك وبالاك من الموت تديك
​