اللي طويل مش عبد ؟؟

[Moha le sage]

الواحد كي يكون طويل مش عبد بالنسبة للخرين ؟

عندها عوام فاتو كانو يقيسوني بهاذ الهدرة .. خطراش طولي 1.91 ..كنت نضحك مالقري تقيسني هاذ الهدرة .. المشكل ديفوا تجي من عند ناس صحابي و لا نعرفهم .. ونا تسماطلي وما نحبش نهدر ..هوما عمبالهم راهم يقصرو ونا كي شغل دخلو فيا موس ...en plus .. الخلقة تاع ربي ..الناس ما تضحكش على الخشانة و القصرة ولا الطول و لكن تضحك على الطبع ... بصح شكون لي يعرفلها ..غير القليل


طويل و قلبي بيض على ناس بزاف زينين و طاي مليحة و قلوبهم كحلة ومنافقين ..

وكي ما يقولو بالفرونسي

les gens beaux .. n'ont pas forcement un beau cœur

...............................

اي واحد يتعاب في طول ولا سمانة و لا قصافة ..معناها راه يعيب في خلق ربي ..و زيدلها يقيس في الناس و ياذي فيهم بلسانو ...........

 

[هــــيلدا]

السلام عليكم

شوف انا راح نعطيك رايي وعممو
انا بانتلي الراجل للي مهوش طويل مهوش راجل
وانا يا بعد نمووووت علا الراجل الطويل
او راك غير 1.91 راك مايش حاجة انا نحوس علا واحد يكون2 مترات

منين كاينة هادي تاع الطويل مايش عبد
وشبيك موح خويا متهزش في قلبك وربي يمد الطول غير للعبد للي يحبيو
نورمالمو منين تنوض وتشوف روحك في المرايا تشكر ربي علا الطول للي مدهولك

وحاجة اخرا كيما راك تقول هدا خلق ربي بالدرجة الاولى وواحد ميحقلو يحكي عليه
وثانيا الناس بطبعها وعقليتها وشخصيتها مايش بشكلها

بصح موح خويا والله كاينيين ناس يحسدوك علا طولك
متزيدش طول تقول هكذا وانا حرت علاه قلت هكذا
المرة الجاية قول نحمد ربي علا النعمة للي مدهالي وزيد علا هدا راني شفتك من قبل والله عندك طاي الله يبارك والله يحسدوك عليها الناس

والله ملقيتش واش نقولك لوكان جاء واحد قصير كنت راح نحير كيفاش نواسيه بصح في حالتك نقولك بللي هادي نعمة كبيرة من عند ربي
مالا انا عندي خويا في طولو 1.96 بصح منيش نتصور فيه بهاذي الدرجة تاع الطول للي يقصرو بيها الناس
ياك ماكش قد عملاق التوتة

مالا نوصيك متزيدش طووول تحط في بالك هادي الفكرة تاع طولك بزااف ولا حاجة كيما هكذا
ويبقا خلق ربي واحد ميعترض عليه واللي وصلك بكلمة راهو وصل خلق ربي

هكذا موح خيو نتفاهمو............في رعاية الله

 

[Moha le sage]

السلام عليكم

شوف انا راح نعطيك رايي وعممو
انا بانتلي الراجل للي مهوش طويل مهوش راجل
وانا يا بعد نمووووت علا الراجل الطويل
او راك غير 1.91 راك مايش حاجة انا نحوس علا واحد يكون2 مترات

منين كاينة هادي تاع الطويل مايش عبد
وشبيك موح خويا متهزش في قلبك وربي يمد الطول غير للعبد للي يحبيو
نورمالمو منين تنوض وتشوف روحك في المرايا تشكر ربي علا الطول للي مدهولك

وحاجة اخرا كيما راك تقول هدا خلق ربي بالدرجة الاولى وواحد ميحقلو يحكي عليه
وثانيا الناس بطبعها وعقليتها وشخصيتها مايش بشكلها

بصح موح خويا والله كاينيين ناس يحسدوك علا طولك
متزيدش طول تقول هكذا وانا حرت علاه قلت هكذا
المرة الجاية قول نحمد ربي علا النعمة للي مدهالي وزيد علا هدا راني شفتك من قبل والله عندك طاي الله يبارك والله يحسدوك عليها الناس

والله ملقيتش واش نقولك لوكان جاء واحد قصير كنت راح نحير كيفاش نواسيه بصح في حالتك نقولك بللي هادي نعمة كبيرة من عند ربي
مالا انا عندي خويا في طولو 1.96 بصح منيش نتصور فيه بهاذي الدرجة تاع الطول للي يقصرو بيها الناس
ياك ماكش قد عملاق التوتة

مالا نوصيك متزيدش طووول تحط في بالك هادي الفكرة تاع طولك بزااف ولا حاجة كيما هكذا
ويبقا خلق ربي واحد ميعترض عليه واللي وصلك بكلمة راهو وصل خلق ربي

هكذا موح خيو نتفاهمو............في رعاية الله

يعطيك الصحة اسراء .. ربي يخليك على كلامك

والله انا انسان ثقيل و نفوت حاجات بزاف ...بصح كي نحكم في قلبي سوايع بزاف لازم نلاشي

ديفوا نندم كي نهدر مغع خرين .. خطراش نلقاهم قاسوني بحاجات .بزاف و هوما حاطين رواحهم يقصرو

جامي نكريتيكي خلق ربي .. نضحك على المشحاح على اللي فيه ديفوات في طبعو ..بصح مش على واحد ربي اللي خلقو مش العبد ... ربي يهدينا

ونا كي زعفت ... درت هاذ الموضوع ..جامي حكيتها ..بصح اليوم راني خرجتها هاذ الحكاية

ربي يسترك ختي اسراء ويبعد عليك كش شر

 

[هــــيلدا]

يعطيك الصحة اسراء .. ربي يخليك على كلامك

والله انا انسان ثقيل و نفوت حاجات بزاف ...بصح كي نحكم في قلبي سوايع بزاف لازم نلاشي

ديفوا نندم كي نهدر مغع خرين .. خطراش نلقاهم قاسوني بحاجات .بزاف و هوما حاطين رواحهم يقصرو

جامي نكريتيكي خلق ربي .. نضحك على المشحاح على اللي فيه ديفوات في طبعو ..بصح مش على واحد ربي اللي خلقو مش العبد ... ربي يهدينا

ونا كي زعفت ... درت هاذ الموضوع ..جامي حكيتها ..بصح اليوم راني خرجتها هاذ الحكاية

ربي يسترك ختي اسراء ويبعد عليك كش شر

ايه في هادي عندق الحق وسورتو حوايج كيما هكذا يبقاو في القلب ومراحش نقولك نحي عليك علا خاطر جربتها
كي كنت صغيرة كنت مدايرة لاباراي تاع السنين كان عندي 10 سنين وكان واحد جارنا ديما يعكي عليا ويقيسني بهدرتو وكبير عليا ب 6 سنين ودوك كبرت ونحيتها وتعدلو سنيا ودار الزمان وجا هداك الشخص خطبني ورديتو غير علا هاد لحاجة بارسكو بقات في قلبي وضرتني بزاف وكرهتو منها
صح كاين ناس يهدرو تجيهم يقصرو بصح معلابالهمش بللي تأثر في نفسية الشخص بزاف

مالا واش نقدر نقولك غير حط في بالك بللي نعمة تاع ربي ومتلتاش بيهم وخلاص

ربي يهنيك خيو وربي يحفظك نتا تاني

 

[fufa22]

كي قريت العنوان قلت اليوم يومك يا موح علا خاطر انا طولي 1.92 m من بعد كي قريت عرفت بالي حتى انت قدي في الطول b1 lool
مرسي ع الموضوع والله ما عندي مشكلة في الطول شيء عادي عندي مش عائق
********​

 

[ABDOU39]

خويا مدير والو في بالك راهم قع يغيرو منك انا تاني قدك في الطول قاع يتمناوا يكونو كيفي في الطول ولا واش عاجبك في واحد قصير يبان غير صوتو في الارض
ودايمن تلقى اللي طويل كبير في عقلو ثقيل خاطيه طوايش نتاع ذراري مي لقصير تلقى الناس كامل حاقراتو
ماذابيك خويا مزيدش تسمعلهم وكيما يقسرو قسر
وربي يكون في عونك

 

[hanan02]

هذي اول مشاركة لي فالمنتدى
ونقولك خويا ماشاء الله تبارك الله

راني خايفة يضربوك بعين كاين اللي متمنيين يلحقو غير 1.65 ومالحقوهاش

ربي يحفظك

 

[هشام رضا]

ههههههه يا خويا إذا حبيت نعطيك الطول تاعي 175 و نتا اعطيني الطول تاعك 192 والله مني بصح اخي
متراعيش لصحابك يا غالي
كي يعودو يقصرو خليهم يقصرو وبصح ماتخليش نفسك تبين ليهم بلي إنزعجت لأنك لو يرونا قلقك و إنزعاجك يفرحون حاول الضحك اثناء التقصار مرض قلبهم و من بعد دورها عليهم نتا تانيك قصر بيهم اوكي هذي عن تجربة يا غالي
بالتوفيق

 

[406_nassim]

الله يبارك مدلي غير شويا خويا ربي يحفضك انا قصير شويا

 

[*amina*]

شوف محمد خويا انا عندي مقولة نطبقها في راسي
" لي يحبني يحبني بخنونتي "هههههههههه
امالا لي يحبك بطولك مرحبا بيه لي راع يعيب عليك باب السد يدي ما يرد اونبليس الراجل مفيهش العيب
الا ذممك واحد في حاجة عرف بلي هذيك هي علامة الكمال عندك والكمال لله خويا
ما شاء الله راك كبير معلم الله يبارك عندك 30 سنة على ما اعتقد الا وليت تتقاس من حاجة كيما هذي الدنيا فنات نعرف موح خويا وخونا في اللمة قبلو كبير ميديرش على هدرة تافهة
ويا سعد لي داتك خاطرش الراجل كي يكون طويل ولاطاي كيما تاعك على حساب ماشفت في الصورة تهبل
متعمرش راسك بالهدرة الا وليت كي يقولولك هكدا وتزعف يعجبهم الحال يولو يتعمدو يقولولك هكدا مرة اخرى مي الا وليت تقلهم معليش راه عاجبني حالي هكدا وهي تاني راه عاجبها الحال(معليش كذب عليهم قلهم المخلوقة راه عاجبها طولي) وشوف الا زادو قالولك هكا معناه au lieux هوما يقيسوك بهدرة قيسهم انت

 

[khaled bilal]

ههههههههه راك ضحكتني وشبيك هادا
الراجل بالطول ماشي بالقصر أو هادو صحابك راهم غايرين
أو لي ماوصلش لعنب........ ايغول حامض

 

[lady.nina]

وين راه المشكل

طول عادي
؟؟؟؟؟؟؟؟؟؟؟؟؟

لكن عليك الانتفاع بطولك كممارسة كرة السلة
لا؟

افتح الموضوع مع اصحابك و كون صريح

قلهم الموضوع مايعجبكش و ما يضحكش

الصحبة الحقيقية​

 

[mimi.dz]

نقولك حاجة محمد
اللي يضحك ع الناس ديما تلقاه ناقص
باينة كي الشمس غارو منك
وزيد في وقتنا الحالي لبنات بصفة عامة يحبو الراجل الطويل
القصير عاد ميكزيستيش بزاف هههههه
متديرش في بالك
خليهم يهدرو اللي هدر واش دار
مي نورمالمون تصارحهم وتقولهم بللي ميعجبكش الحال
هكذا يفهمو رواحهم
وربي يحفظك من العين
​

 

[نبع العرب]

انا تساعفني ادخل لقاعة كمال الاجسام

الطول اللهم بارك

حبيت نقولك حاجة ممكن كانوا يضحكوا عليك او ممكن يكونوا حاسدينك ، حتى حد ما يعرف واش كاين في القلوب صحيبي

المهم الله يبارك فيك طول وعرض وزيد فقصلهم عيننهم بالحديد
​

 

[كلي امال]

السلام عليكم و رحمة الله تعالى و بركاته
ما شاء الله على طولك
و الله انا عكسك تماما و تاني مرات يغيضني الحال مي ديما نشوفها صفة مميزة ليا رغم انو كنت قادرة نزيد في طولي يعني ناكل دوا يزيد النمو و ندير سبور مي انا حبيت نبقا هكدا و نثبت انو الانسان مايكونش بطولوا و لا بقصروا و لا بسامنتوا لكن يكون باخلاقوا و مبادؤوا و علموا
سلام

 

[sleepingbeauty]

واش بيهم هادو ربي يهديهم برك اول مرة نسمع بلي الطول عيب
هادو باينين ميتين بالغيرة و حاسين بالنقص مالا حبو يعوضوه بهده الطريقة
ما تخلي حتى واحد يشككك في روحك خويا محمد الطول عز كيما يقولوا​

 

[tatyana]

يا خويا انا الراجل الطويل يعجبني بزاااااااااااااااااااااااف
ومن بين الصفات الاساسية في زوجي المستقبلي ياخو راك فور و كون تشوف الناس تهبل انا لازم ندير معاك عقد ههههههههههههههههه راني نتمسخر برك

 

[ديالى]

في مثل شامي يقول
ثلثين الجمال الطول
اظن هذا يكفي ؟​

 

[[ايمآن]]

او هذا نت خويا تاركان عرفتك على نمط الكتابة
سلام...
والله يا خويا الناس ما يفهموش ومش عارفين انو الكمال لله وحده كل واحد فيه ديفو
والله صدقني انا نحب الطول خير ومديرش عليهم على بالي صعيبة انا صراتلي في حاجة مع الوقت راك تنسى
الله يهدي تحيتي
​

 

[Moha le sage]

ربي يخليكم كامل .. صدقوني كلامكم كي العسل على قلبي ..

البارح كان شوي هابط المورال .. العبد سوايع يحكم في قلبو .. بصح كي يلحق وقت يخرج وش كاين فيه لازم يخرج


منيش انا لي نشوف لهدرة الناس .. بصح واللله غير سوايع يطيح المورال بالسيف ..

ربي يستركم كامل .. وما ننسالكمش كلامكم الجميل