اللي طويل مش عبد ؟؟

[POLIYANA]

ياي والله الي يعاند الناس يكفر ويخرج من رحمة ربي
الطويل مايعجب والقصير مايعجب والرقيق والسمين تاني كيف مايعجبوش ويحوسو على طاي سطوندار
يا خاوتي الزي والله ماو مشكل غير تعود التربية والعقلية رزينة والراي الصالح هاديك هيا سواء للطفل ولا للطفلة .
وبالعكس كي نوليو ليها الراجل مليحلو الطول خير وانا وحدة من البنات نحب الراجل الطويل الي كي نوقف معاه نهزلو راسي ونحس بلي راني واقفة مع راجل وانا المراة.
وربي يهدي العباد برك
تقبل رايي ومروري خويا محمد.... اختك poliyana​

 

[x123]

الراجل مافيهش العيب

شكرا على الطرح المتميز
​

 

[saboha]

الغيرة تهدر

 

[اميرة الغرور]

لالالا الطويل ولا القصير كيفيكيف المهم رهو عبد

وديجى نقلك الرجل طويل هو ليحبوه البنات بزاف وانا وحد منهم

وسع قلبك خويا محمد ومدرش على كلام لرهم يقيسو فيك بسكو غيارين

 

[FATEN18]

السلام عليكم ورحمة الله وبراكاته
والله يا خويا تجي تفهم يحبس راسك الطويل قالو علاه القصير قالو علاه والله ما تفهم هاذو الناس نهار الطول وهوما يتبعو في اشكال الناس هادا طويل هذا قصير والله تقول نعطيهم كلام على قدهم هذا غير شوية كاين شي ناس يعلقو على اللبسة اذا كان بيدك قدم وغيرو قصفو ولا طولو كي راك تهدر
والله الناس نهار طول وهي تشتشغل كون كل واحد راه لاتي بروحو كون رانا لاباس ماهي حاكمتنا القلقة والامراض النفسية لي راهي حاكمة الغاشي
سلام

 

[أبو عاتكة]

انا نحسدك على طولك محمد الصراحة وهذا وين لقيت الفرصة باه نقولهالك .هههه

القلب هو الصح .

واللي يضحك على خلق ربي واش معناتها استغفر الله العضيم .

الله غالب كاين عباد يحسب روحو راه زهواني ويضحك الناس ويبلاgي .

بصح الكونتور راه يمركي الهمسة والحرف والكلمة .

الله يهدي .

 

[كنزة]

مالا رانا كيف كيف انا 14 سنة و 1.75
بصح عادي راني والفت ضرك

 

[RaNiA]

احنا كل خلقنا ربي
ولي يضحك على شكل الناس كلي ضحك على خلق ربي
على خاطر كون جات بيدين العباد كل واحد يدير روحو ملك جمال

مش مهم الشكل بقدر ما يهم الاخلاق والتربية
كاين وحايد مش باهيين مي محبوبين وزهرهم خيرمن وحايد زينين​

 

[somiasahraoia]

ما تديرش عليهم المهم الخلقة الكاملة

 

[الورد الأحمر]

pffff c du n'importe koi
خطيك من الناس خويا،الناس عمرهم لا قنعو بواحد
يعني لعجب ما يعجبهمش، وهوما يضحكوا على أي
حاجة المهم يضحكو وخلاص كي البهيم،أنت ما تهاودهمش
وما تسمعش ليهم،والراجل بلا طول عندي مش راجل
وراك راجل ونص يا ولد بلادي وخير منهم كامل الله
يبارك عليك،تقبل مروري ختام الكلام سلام
:001_smile:
...
​

 

[سجى الجزائر]

كلنا فالهوى سواء
انا تاني طويلة 1.74
دايما التعليقات الجانبية السلبية تجيني غير من الناس اللي نحسهم يغيرو مثلا يقولولي ما تلقايش الراجل اللي يجي قدك ....و....وبوطو بلا خيوط بوطو = عرصة
بصح من تم لهيه كامل تعليقات يطلعو المورال مثل روحي ديري عارضة ازياء ......ومن هذا القبيل
صراحة لوكان يخيروني بين الطول ولقصر نخير الطول
وخويا موح انت راك 1.91 اصبر علي عامين نحطملك الرقم القياسي تاعك

 

[dahman kz]

يا محمد خويا الطول والصحة انا نشوفها نعمة من عند ربي..وكاين من الناس اللي يبخلوك على الطول والصحة هاذي..وكيما قلت هذا خلق ربي..ودير ربي في بالك وربي يحفظك.
وشياب بكري يقولو:
الذيب كي ما لحقش قال اخخخخخخخخ صيش....هذاك حال هاذ الناس..

 

[Amir nini]

.تدوور الوقت ويعرفوا قيمتك ..ماعليش خويااا موحا أنا من نقاوس وعايش نفس الحالة نتاعك مالقري مش يعني كيفك 1.85 سم مي عبادنا هادو هوما ..اللله غالب ....انا ثاني تقيسني الهدرة مي ....ضركا يشووفو للطول والزين والعقلية ......خليهم يهدروا يجي نهار وتدور الدنيا كيما قاتلك ختي اسراء ...خوك أميــــــــــر
​

 

[aMiNa-K]

السلام عليكم

في بلادنا مايطلقو حتى واحد.. لا الطويل لا القصير لا البيض لا الكحلوش.. مايخلو حتى واحد غير و يكومونتيو عليه :thumbdown:

و زيد حاجة مليحة كي راك طويل.. ماتتبحرش كامل بالخف يصيبوك ههههه.. و تانيك تعاون الناس بالطول ديالك كاش حاجة عالية انت تعلقها ..و زيد وين يكونو الغاشي و يحوسو على كاش واحد انت اللول اللي تكابتي ههههه
:angel_not:
راني نقصر موح.. حبيت نقول بلي الطول ديالك راهو avantage عندك
و زيد نورمال هدي تصرا بزاف في بلادنا.. انت اللي سونسيبل بزاف نورمالمو ماتدير والو في بالك.. شوف اللي عندو وحمة في وجهو كيفاش راهو يسوفري من هدرة الناس مسكين​

 

[نموت على بلادي]

ههههههههههه والله خويا ضحكتني انا عندي 1.60 واش نقلك مددايريين فيا رايهم واحد يقولي يا بونتا اطلعيلي شوي واحد يقولي اكي تشوفي مليح من ثم هههههههه مي والله جامي غاضتني ديما نضحك كبر قلبك برك

 

[نبض الحياة]

والله عند الحق اخي..........الانسان الطويل خلقو ربي هاكدا..........انا طويلة واللي حب يهدر الله يسهل عليه.........شكرا على الموضوع

 

[fahima m]

يخي انا نموت في الر اجل الطويل انا كون يخيروني مابين واحد قصير وواحد طويل نخير الطويل خير علابالك في الاوروب والبلدان الغربية القصير ما يgزيزتيش خلاص راك في طولك مليح هاذا هو طول الراجل المفروض انو يكون طويل نقلك وراه المشكل المشكل انو رجال جزائر تقريبا كامل قصار انت راك نورمال وما تديرش في بالك وما تقولش بلي رانا نهدرو هكدا باه نخفو عليك لا والله راني نقول في الصح انا تاني قصيرة 1.60 ما عندي ما نقلك وش يقولولي بنتا كيما قالت عضوة هنا
اسماء لا تخطر على البال انا نضحك وعادي ما نزعفش وش ندير الي ما يعجبش ناس يعجب ناس اخرين وشوف الحوايج الملاح الاخرين الي عطاهملك ربي في شكلك انا صح قصيرة مي عطالي ربي حوايج خرين ما تخليش الناس تشوف غير اني قصيرة ومالغري انا قصيرة نحب الراجل الطويل باه نعدلو الذرية نتاعنا هههههههههههه عادي والله عادي

 

[2020noura]

خويا ماتزعفش طولك مليح والراجل والراجل كي ايكون اقصير واش من فايدة عندو النساء اكثاريا اقصار وكي ايكون الراجاجل اقصير اشكون الي رايح يجبدلها احويجها من بلاصة بعيدة غير الراجل الطويل وانت ماكش اطويل بزف الطويل 2.5 وروح مش 1.91 هاذو الي قالولك شكيت عجبلهم قصرهم وصحا خويا

 

[Adel Adel1]

راك راجل و طول تاعك مليح و باهي

لي ضحك عليك قولو يسكت على خاطر راك بيدك تككمنل تلسقو فاللرض

طول مليح لراجل

صح أنا قل عليك فالطول تقريبا 10 سنتيم و راني نحس روحي قصير وحاب نزيد نطوال

 

[نموت على بلادي]

لي ضحك عليك قولو يسكت على خاطر راك بيدك تككمنل تلسقو فاللرض

هههههههه عمو وشي هادا راهي شرة بلي راهو طوووووووووويل هههههههههه
و الله ما كاراك
خويا راني نضحك برك ما تزعفش مني