اكبر مشكل في حياتي

[نبع العرب]

يا خت متقلقيش روحك الله يرضى عليك

المشكلة ماهيش في الاسم وانما في الاخلاق

فقط يلزمك تعرفي ان اسمك راح يكون فيه اما دلالات دينية ( محمد، مريم)، ودلالات طبيعية (الربيع، وردة، فلة)، ودلالات تاريخية (الأمير عبد القادر،جميلة بوحيرد)

وحتى اذا ماكانش فيه سلمي امرك لله وخلاص وحاولي تتكلمي مع يماك ممكن ينفع
​

 

[muIstafa]

ما تحطيش في بـــــالك

بدلي إسمك مع الناس وخلي نفس الاسم في الدفتر العائلي وهكذا تذربي عصفورين بحجر رضى والديك وإسم يرضيك​

 

[اميرة الغرور]

حنونة الاسم مهوش مهم المهم العقلية هي كلشئ وزد باباك قالك كون تبدليه منمحلكش وصرحي حبيبك بسكو موش مليح تكذبي عليه وتعطالو اسمه وحدة اخرة والاسم مهوش حاجة عيب اوك حنونة ربي يكون في عونك

 

[fufa22]

مش مشكلة اختي عادي اسمك ما تحشميش بيه
افتخري بيه بكل شجاعة
كاين شخصياة كبااااااااااااار في البلاد وعادي مش مأثر عليهم
عمار غول ما رأيك هاذا وزير
كاين ثاني
استاذ قراني
اسمو خنفر احسن استاذ شفتو حياتي
كاين بزززززززاف ناس كيما هاكا
***********
تقبلي مروري​

 

[im£ne]

اسمعيني مليح......هدرة الناس...تجيب تكسار الراس
والمشكل نتاعك ...راكي تقولي لخطيبك و للناس اسم ومن بعد اسمك الحقيقي...تسمى يقولو هادي كذابة
نونونونو من الاول نقول اسمي و راسي في السما ولي معجبوش الحال الباب يفوت جمل
المهم نتيا مالازمش تحشمي باسمك...تمشي راسك ديما مرفوووووووووووووووووع..
ليسونسيااااااااال العقلية........

 

[joujou1986]

شكرا على مروركم الكريم بصح حبيت نقولكم بلي ماشي يخلوني على خاطر اسمي ماشي شباب الكل يقولولي اللي يكذب خطرة يكذب عشرة اليوم كذبت في اسمك وغدوا تكذبي في حاجة اكبر من هاك وما رانيش مستعد نتزوج وحدة كذابة

 

[sleepingbeauty]

شكرا على مروركم الكريم بصح حبيت نقولكم بلي ماشي يخلوني على خاطر اسمي ماشي شباب الكل يقولولي اللي يكذب خطرة يكذب عشرة اليوم كذبت في اسمك وغدوا تكذبي في حاجة اكبر من هاك وما رانيش مستعد نتزوج وحدة كذابة

شفتي كيفاه يستما كيما قلتلك
مالا خلاص المرة الجاية ما تزيديش حلاص تكدبي في اسمك صارحيه من اللول باه ما يصرالكش موقف كيما هاكدا
انا متاكدة اسمك لاباس بيه انتي برك معقدة منو​

 

[joujou1986]

اسمي هو ام الجيلالي ايمالا وين نروح يقولولي وين راه ولدك الجيلالي ويكثرو الضحك علياعلى هذا مانحبش نقولو للناس

 

[nada242008]

اسمي هو ام الجيلالي ايمالا وين نروح يقولولي وين راه ولدك الجيلالي ويكثرو الضحك علياعلى هذا مانحبش نقولو للناس

عادي والله غير عادي
تخيلي كون جا عندك تشوه خلقي بعيد الشر وكان مظهرك تشمئز منه النفوس
لازم نحمدو ربي كل يوم على نعمه نعمة العقل ونعمة البصر و...و
واللي يحبك يحبك من روحك مش من اسمك واللي ما عجبوش الله لا عجبو
وخليهم يقولو واش يحبو حتان يكرهو

 

[سميحة1]

السلام عليكم
عزيزتي.
عندي اختي تواجه نفس المشكل لان اسمها لا يعجبها . ولكننا جميعا نقول انه اسم عادي . هو صحيح انه اسم غريب نوعا ما.....كل من تواجهه في طريقها يسألها عن اسمها ويقول انه اسم غريب .
نقلك حاجة حبيبتي الدنيا رايحة تمشي حتى ولو اسمك ماش عاجبك ...

 

[CHAMEKH]

اختي الفاضلة انظري حولك بداية من الكثير من الاسماء التي هي اخجل كما تقولين من اسمك ولن اني لاارى اي عيب في اسمك بل بالعكس انه اسم جميل وان شاء الله في يوم من الايام تصبحين اما وينادوك بام فلان .
وثانيا انظري حولك لمن هم في تشوه خلقي احمدي ربك واسجدي له كثيرا احمدي ربك على نعمة الصحة والعافية فهي تاج الانسان .​

 

[صفاء الحنونة]

يا اختي علاه راكي تكسري في راسك هذا ماهوش مشكل واش ياختى راكى حابة تجيبى المشاكل لعمرك بسيف مالقيتى ماتحطى فى راسك غير هذا المشكل حوسى مليح راح تلقاى امور اخرى تستاهل التخمام
ربى يهديك كونى قوية متخليش حاجة كيما هذى تضعفك املا اذا جاتك مشكلة صحيحة تموتى ولاكيفاه

 

[fufa22]

والله ما فيه عيب اختي​

 

[dida007]

:confused1:السلام عليكم
اسمي ماشي شباب خلاص على هذا نكذب فيه دايما وحتى واحد ما يعرف اسمي الحقيقي وهذي اكبر مشكلة تعيق حياتي كل اللي يعرف اني كذبت في اسمي يجبد مني حتى اذا كان حبيبي وحاب يخطبني مليت من هاذ الحالة حبيت نغيره بصح بابا ما حبش وقالي عليك دعوة الشر وانتي بدلتيه ولو كان غير سماني هو معليش نرضى بيه سماتني زوجة جدي والله ما نسمحلها لا دنيا ولا اخرة كفستلي قاع حياتي حتى المسابقات الوطنية ما نشاركش فيها غير على اسمي والله غير كرهت الكل يضحك على اسمي.
واش ندير دبرو علي :confused1:

اختي الكل يشكون من هذا الامر
واريد منك ان تتعايشي والامر لأن لا ذنب لك في اختيار اسمك
ون واصلتي على هذه الحال سوف يؤول بك الامر الى عقدة نفسية
انا اسمي لا يعجبني والكل لا تعجبهم اسمائهم
ماذا عسانا نفعل؟
عليك تبقل الامر والاعتزاز باسمك كما افعل انا
اسمي هو اسمي ولا دخل لاحد به
اسمي هو اسمي رغم الجميع
فمن اعجبته البضاعة اللهم بارك
ومن لم تعجبه فهو حر ولن ارغمه على حبي
​

 

[parkour14]

الاسم مش مشكلة خلاص ... والي يحبك مش راح يحبك على جال اسمك ... و علاه متشاركيش في المسابقات شاركي و فوزي خطراش اذا فزتي ريحين يحسدوك وكما يقال كثرة من يحسدك دليل على نجاحك

معا تحياتي اختي ...
​

 

[لحظة وداع2250]

ربي يهديك اختي الناس ماشي باسمائها لكن بافعالها واخلاقها

 

[امورة المنتدى]

الاسم ماعندو اهمية بتاتا اختي فلا تشغلي نفسك به وتأكدي اذا كانت روحك جميلة فلا شيء يعيقك تقبلي مروري

 

[اللؤلؤة المصونة]

ماعليش آآختى تقوليلي اسمك واشـ؟​

 

[fatehr]

المشكل ليس في الاسم
المهم كيف يكون تعاملك مع الناس ومعاملتهم لكي
مثلا نحن في المنتدى كيف ترين معملتنا لكي

​

 

[أفراح الجزائر]

استغفري وكونك واعية ... الانسان ليس باسمه بل بأخلاقه
الاسم المرفوض و يستحق التغيير فقط اذا كان يحمل معاني مخالفة للشريعة الاسلامية .... ( سبق وأن شاهدة موضوع هنا في اللمة عنوانو - أحذرو من هذا الاسم -"وله") ارجعي للموضوع باش تعرفي وعلاش يجب تغير هذه الأسماء
والله أعلم ما أسمك ؟؟؟؟؟
​