أحتاج مساعدة أولاد بلادي

[chaquerre]

إنشاء الله تقراو موضوعي من الأول للأخير راني محتاجتكم [
السلم عليكم يا أهل اللمة وبربي تكونو بألف خير . راني حايرة كيفاش نتصرف و أنا نشوف أعز الناس ليا في طريق ماشي مليحة هذا الشخص صديقي ونعم الأصدقاء والله إبارك أخلاق وتربية يحب الناس وكامل الناس يبغوه لكن الآن معلباليش واش أصرالو أرجع إيدخن ويتعاطى الرهج أنتاع الحبوب في تصرفاتو أبقى كيما هو ولعلمكم راه عندو مشاكل وكامل نعرفو أنو المشكل لا يحل بمشكل آخر راهو غايضني ومخلانيش قلبي ،نخليه في هذي الحالة والله مايستاهل واش راه يصرالو
راني باغيتكم تعاونوني وتفيدوني بنصائحكم باه نقدر نحكي معاه ونفهمو بلي راه في طريق منحرفة
نصائحكم تهمني على هذا إخترتكم يا ناس اللمة

 

[RaNiA]

ربي يهديه ان شاء الله
انت حاولي معاه قوليلو بلي راه غالط والمشاكل ما تتحلش بالطريقة هذي بالعكس تزيد تكثر ​

 

[اسماء16]

شوفي ختى انت اهدري معه ولكن كي يكون في حالة مليحة يعني في نهارو اهدري معاه وفهميه بلي اخطيك من تخلاط ناس الي ماشي ملاح
ولو اني علابالي الي يتعاطى الحبوب خلاص مستحيل يبطلها
قولي للاهل دياولو
حاولي كيفها ترجيعيه قبل مايمشي لقطار
وانشاء لله ميكون غير لخير

 

[chiva.]

نقلك قوليلو كلمة بلاك يرجع كون ربي يقبض روحك وانت في هده الحالة كيفاش تقابل مولاك ربي يهدي

 

[chaquerre]

ربي إخليكم أسماءو رانيا أنحاول كيفاش أنقنعو

 

[ماقتة الصهيون]

حاولي تنصحيه انت لكان مقدرتيش اطلبي من شخص اخر اكثر منك عمرا و حكمة و كلش يدخل و يعاونك
و ربي يهديه و يهدينا اجمعين
اللهم يا مثبت القلوب ثبت قلوبنا على دينك

 

[chaquerre]

نقلك قوليلو كلمة بلاك يرجع كون ربي يقبض روحك وانت في هده الحالة كيفاش تقابل مولاك ربي يهدي

إنشاء الله ربي يهديه هذا واش نتمناو

 

[chaquerre]

sahitou khawti wrayeha nwarilou hadou les conseils li goltohali psk tala3 lmoral wtkhali lwahéd ihass que marahéch wahdou wkayén li yafahmo wli ihéss bih vive wléd bladi

 

[أمـــل المستقبل]

ربي يهديه و يردو للطريق الصحيح
شوفي حنونتي اولا و قبل كل شيء صلي ركعتين و ادعيلوا بالهداية
و ثانيا حاولي تحملي عليه جزء من ثقل المشاكل اللي راه عايشها
و خليه يفكر دائما فالصوالح الشابين اللي في حياته قوليلوا ما كانش بني آدم في هدي الدنيا ما عندوش مشاكل بصح الواحد لازم يصبر و يتقي مولاه و انسى الهم ينساك

و انشاء الله ما يكون غير الخير
تقبلي مروري و ردي المتواضع
اختك أمل ​

 

[somiasahraoia]

اولا تكلي معاه وحاولي تفهمي منو سبب تعاطيه للمخدرات وعاونيه

 

[chaquerre]

ربي يهديه و يردو للطريق الصحيح
شوفي حنونتي اولا و قبل كل شيء صلي ركعتين و ادعيلوا بالهداية
و ثانيا حاولي تحملي عليه جزء من ثقل المشاكل اللي راه عايشها
و خليه يفكر دائما فالصوالح الشابين اللي في حياته قوليلوا ما كانش بني آدم في هدي الدنيا ما عندوش مشاكل بصح الواحد لازم يصبر و يتقي مولاه و انسى الهم ينساك

و انشاء الله ما يكون غير الخير
تقبلي مروري و ردي المتواضع
اختك أمل ​

rabi ikhalik okhti elkarima

 

[chaquerre]

اولا تكلي معاه وحاولي تفهمي منو سبب تعاطيه للمخدرات وعاونيه

sahiti hanouna

 

[sami44]

يا ختي الوقت دار هكذا
راه غير الي عندو مشكل يبدا يقفل ويشرب لالكول
الله يهدي ما خلق
انتي الي عليك ديما فكريه بلي ربي راه يشوف فيك
وقوليلو يبعث المرا على ما مات عليه تخيل لو انك مت وانت في حالة
غير طبيعية معناها سوف تقابل ربي على هذيط الحالة
وان شاء الله ربي يهديه
تحياتي
​

 

[fufa22]

نقولك واش تقوليلو اخلعيه قوليلو بالي تمرض مرض خطير جدا وتولي ناس كامل تهرب منك
درك يخاف ويحبس وزيدي شوي من عندك قوليلو الحبوب راهي ترجع العبد مهبول والكيف راهو يمرض بالكونسار ربي يعفينا اجمعين
و زيدي اخلعيه بكاش مرض ماكنش منو خلاص درك يحبس كلش
جربي وقوليلي​

 

[نبع العرب]

كان عندي صاحبي هك ، والكلب انتاع صاحبه لي لعبهاله صاحبه كان يتعاند معاه على الكاشي اي الحبوب ، بالرغم انه حاولت معاه بصح الحمد لله توصلت فكرة : وهي كرهته في هذا الخبيث وقربته لوحيدن ملاح نوعا ما بمجرد انه بعد عليه الحمد لله رجع على لي كان بالرغم انه مازلال مدمن بصح مشي كما فات ، ان شاء الله يعفوا على الجميع . شي اخير بعدي عليه اختي بمجرد انه ياكل الحبوب يخرج تمام عن مجال التغطية ، ممكن يقطع خوه الانسان كي شغل راه يقطع خروف ، نصيحتي بعدي عليه maxi ، والله يهدي الجميع
​

 

[chaquerre]

merci à tou

 

[نور السهى]

ربي يهديه وانت متخليهش اقعد وراه حتان ان شاء الله يرجع لطريق

 

[Adel Adel1]

هو يعلم أنو في طريق سيئة

أرجو أن تبتعدب عنه

تصوري كلام عن فتات تصادق متعاطي حبوب
كما أن الحبوب المهلوسة جربتها و أعلم ماتفعل فقد يقتل شخص آخر ببرودت أعصاب و حتى يضحك بعد ذلك

.........

أتركيه لللوقت يعلمه فلا تستطيعين أنت لأنك فتات ستعرضين نفسك للخطر
لكن لو كان هناك إنسان آخر متربي و فيه الأمان يمكن أن يوجهه

و يكون توجيهه بالضرب و بالكلام المهين حتى يرى ماتفعل الحبوب من مهانة ثم بعد ذلك يفاجئه بحبه له و فرحه لأنه لم يتعاطا الحبوب منذ فترة

يواضف الفتا على تركها و ينجح و لن يعود لها

 

[أفراح الجزائر]

لالا متقوليش الوداع ..............كوني ناصحتا له ....حاولي وحاولي وحاولي وان يئستي من المحاولة ...زيدي حاولي​

 

[noumira]

شكرا على نصائحكم القيمة مانساش خيركم