ولينا اكل علماء واائمة...ربي يستر

[Manar19]

احلى سلام لاحلى اعضاء
اليوم حبيت نحكي في موضوع منعرف لكان سبق وفات وللا لا
مي معليش نعاودوه بويسك مهم وخطير
واشرايكم في ظاهرة الفتوى؟ نلاحظو في لاونة الخيرة
بللي الناس اكل وللات تفتي وللا من جا يحط روحو امام ومفتي
وارواح انت وناقشو ...الصحابة رضي الله عليهم وكانو يخافو ياتو بفتوة وهم مهمش متاكدين منها بالرغم
انهم عاشو مع الرسول صلى الله عليه وسلم
ودرك واحد مامبا حافض ربع القران يفتي على الناس
ويقولهم هدا صح وهدا غالط
وميخافوش من العواقب
وتلقى واحد اخر يحكم على الناس هدا يدخل للجنة وهدا
للجهنم والعياد بالله
شغل دخل في علم ربي الله يهدينا
ومزالو حوايج بزاف مي منيش حابة نطول عليكم
تحياتي ليكم
​

 

[نجاة40]

كاين حديث اذا مانيش غالطة يقول اقربهم الى الفتوى اقربهم الى النار​

 

[** غزال الصحراء **]

السلام عليكم

صح كاينة منها يا منار , و سبق و الأخ عبيدو طرق للموضوع في هذا القسم في موضوع عنوانو

( ماشي قاع علماء ) إذا ما كذبنيش ربي , و الله غالب الناس و لات تتلاح للي خاطيها

و تفتي و خلاص , و كيما يقولو خلي لخبز للخباز .
​

 

[sleepingbeauty]

حتى اللمة راهي ولات الله يبارك معمرة بالمفتيين و الائمة كاين حتى اللي يكفروا العباد ​

 

[BOUSS]

الله يجعل الخير منار كيما قيلو كي يكثرو لديان شد في دينك و ابلادنا الله ايبارك فيها اامة متخصين في الفتاوي لازم نخذو بيهم و الباقي للاسف ايروحو ايشوفو ناس الي ما تفهمش في الدين انتاعهم مع الف شكر علي الموظوع

 

[mimi.dz]

زعمة تطورنا وتثقفنا

المشكل انو كل مفتي ماهوش عارف اصلا واش راه يحكي

ربي يهدينا
​

 

[AnGeL*dZ]

ايه صح حتى كاين كل امام يفتي شكل ولون
سبحان الله
جزاك الله خيرا

 

[معاك يا الخضراء]

ههههههه والله عندك الحق غير الي يوجعو راسو ينوض يفتي
الله يستر....

 

[Manar19]

كاين حديث اذا مانيش غالطة يقول اقربهم الى الفتوى اقربهم الى النار​

هيه صح ...ربي يهيدينا....مشكورة ختي على مشاركتك

 

[Manar19]

السلام عليكم

صح كاينة منها يا منار , و سبق و الأخ عبيدو طرق للموضوع في هذا القسم في موضوع عنوانو

( ماشي قاع علماء ) إذا ما كذبنيش ربي , و الله غالب الناس و لات تتلاح للي خاطيها

و تفتي و خلاص , و كيما يقولو خلي لخبز للخباز .
هديك هي كون كل واحد يتلهى باختصاصو وخدمتو رايحين نكونو ملاح... ربي يهديهم برك....مشكور على مشاركتك اخ غزال...تحياتي
​

 

[Manar19]

الله يجعل الخير منار كيما قيلو كي يكثرو لديان شد في دينك و ابلادنا الله ايبارك فيها اامة متخصين في الفتاوي لازم نخذو بيهم و الباقي للاسف ايروحو ايشوفو ناس الي ما تفهمش في الدين انتاعهم مع الف شكر علي الموظوع

امــــين بوص...وكما قولت كي يكترو لديان كل واحد يشد في دينو
....للي ينصب روحو مفتي وهو مهوش في المستوى هداك ربي يغفرلو برك....مشكور بوص على مشاركتك...الف تحية مني ليك

 

[Manar19]

حتى اللمة راهي ولات الله يبارك معمرة بالمفتيين و الائمة كاين حتى اللي يكفروا العباد
مالا ردي بالك هههههه ربي يهديهم...انا شخصيا مانسمع لحتى واحد وكي نحب نسقسي على حاجة نشوف اهل الاختصاص
مشكووووووورة
​

 

[Bob Marley]

اختي في بلادنا ولات عقلية الغرور بالنفس
عندا الرجال يلبس عرقية ويلبس قميص وايدير لحية ويلعبه حافض الستين وهو كان ......مانحكيوش واش كان ايدير
واحنا بنسب ليه جوهال ومنعرفوش ومتغربين......الخ
والنساء
مشي اكل البعض تلبس جلباب او حجاب شرعي وتبد تفدي على صحباته تتفرج على قناة اقرا وتفهم كلشي بلغالط وتلعبه مثقفة ....الخ
وتشوف لبنات لخرين بنظر احتقارهن و كانها مبشرة بالجنة

شكرا على الموضوع

 

[karim073]

السلام عليكم و رحمة الله تعالى وبركاته

هي ظاهرة خطيرة جدا انتشرت خاصة في عصرنا الحالي . . .

تلقاه حافظ زوج احاديث و 4 ايات قرانية و شافي على قصة حكاهالوا جدو ولا جداتو

و يبدا يحكم في الناس و يتم فيهم . . .

و الحقيقة انهم خاسرون في الدنيا والاخرة

و يجب علينا التفطن من هذه الناحية . . .

 

[Manar19]

السلام عليكم و رحمة الله تعالى وبركاته

هي ظاهرة خطيرة جدا انتشرت خاصة في عصرنا الحالي . . .

تلقاه حافظ زوج احاديث و 4 ايات قرانية و شافي على قصة حكاهالوا جدو ولا جداتو

و يبدا يحكم في الناس و يتم فيهم . . .

و الحقيقة انهم خاسرون في الدنيا والاخرة

و يجب علينا التفطن من هذه الناحية . . .
هيه عندك الحق...سورتو الناس للي جاهلين يامنو كلش...ربي يسترنا برك....مشكور اخي