تخطف الأنظار .....تديك للسبيطار

[ThE CrAzY DrEaMeR]

أيا لي جون شوية أومبيونس
لانحرق روحي بليسونس


النار النار هلكاتو وبعتاتو للسبيطار
النار النار خلاتو في الهم محتار
انه على عتبة الانهيار
على جالها يروح على رجليه لأدرار

يحدث في الجزائر


أن تمر الفتاة وسط الطريق
والشعر طليق
تتمايل والكل يكثر من التحديق
بكل تدقيق
يحاول غض البصر
لكن
الشيطان
مابالك أمعن النظر
انك تخطىء مثل كل البشر
ان الجون أصبح لايطيق
أسكرته وأصبح لايفيق
كل فتاة تبعت STYLE
وهو راح فيها
ديراكسيون للسبيطار تع لمهابيل
وحدة ستيل émo
مخها مفلاشي كيف الديمو
وحدة break dance
ولا dance break
تحب واحد أنتيك
ويغنيلها مانقدرش نعيش بلا بيك
تحب لاليبارتي
وتحساب في روحها نيvرتيتي


وزيد وزيد في les styles
لي عماو العينين
خلاو لي جون مغبونين

ويغنيو
هاديك الطفلة
المبلية
وش دارت فيا
ياعينيا رحتي عليا وخلتيني في كية
يابية:laugh:

وللحديث بقية

​

 

[هــــيلدا]

واو راك تبدع أخي
راني نستنا في البقية نتاعك
ومزالك ستيل تاع وحدة ترونكيل
يعطيك الصحة

 

[ThE CrAzY DrEaMeR]

واو راك تبدع أخي
راني نستنا في البقية نتاعك
ومزالك ستيل تاع وحدة ترونكيل
يعطيك الصحة

شكرا أختي
مايكون غير خاطر على واحدة ترونكيل
ان شاء الله ندير وحدة سpيسيال




​

 

[** غزال الصحراء **]

خليك بلا الهدرة لي ما تدي ما تجيب

لاكانك سبيسياليست فلبنات , أنا مع المرضى طبيب

راني غير نقصر رد بالك تزعف عليا يا لحبيب

رانا هنا كيما أنت , و نتسناو في جديدك تجيب .

 

[ThE CrAzY DrEaMeR]

خليك بلا الهدرة لي ما تدي ما تجيب

لاكانك سبيسياليست فلبنات , أنا مع المرضى طبيب

راني غير نقصر رد بالك تزعف عليا يا لحبيب

رانا هنا كيما أنت , و نتسناو في جديدك تجيب .

توجد عبرة من الهدرة لازم تتمعن في النظرة
لبنات خاطيني الدومان هذا يعييني


خلعتني يالطبيب
حسبتك أنت هو مقص الرقيب

مشكور خويا

​

 

[BeSt GlAdiAtOr]

والله تحير هدا كلوا علا جالها؟؟؟؟ والله راكي رايح للإبداع

 

[اسماء16]

واووووووووووووووو مبدع كا لعادة ننتضر جديدك مي متكترش من هدو الموضيع بزاف راهم يقتلوك وحنا نحتاجوك فللمة تحياتي لك وربي يكون معاك قلعت نص منك وقيلا هدي كيما يقول شاب قاديرو قلعت مني نص دك ليلة​

 

[Dr.Odd]

الله الله وش هذا

الهدف دخل الشباك والناس كل شافاتو
وأظن أن الحكم
قال لا ملغى
بسبب
......
مجهول حتى إشعار آخر

h²​

 

[khalilou algerino]

الله غالب هادي هي الدنيا يا شريك
والطفلة نغني عليها ونقول
هاعمريكيفاش نعيش بلابيك
وانا كي شفتك قلبي طار ليديك
وللبقية تكميل
​

 

[ThE CrAzY DrEaMeR]

والله تحير هدا كلوا علا جالها؟؟؟؟ والله راكي رايح للإبداع

على جال شكون؟؟؟؟
نبدع مي مش علا جال وحدة
ياو بدلنا السياسة عندنا زمان

​

واووووووووووووووو مبدع كا لعادة ننتضر جديدك مي متكترش من هدو الموضيع بزاف راهم يقتلوك وحنا نحتاجوك فللمة تحياتي لك وربي يكون معاك قلعت نص منك وقيلا هدي كيما يقول شاب قاديرو قلعت مني نص دك ليلة​

هههههه
ماكان والو راني مازالني صحيح
مانحصل ماتقلع مني النص
الواد هداك بعيد عليا وطريقي ماتوصلش ليه
ماتخافيش عليا
يعطيك الصحة أختي
تحيات متبادلة

​

 

[إحســاس بــراءة]

اليوم الحالة راهي غير اشعار ههههههههه الله يجعل الخير

 

[ThE CrAzY DrEaMeR]

الله الله وش هذا

الهدف دخل الشباك والناس كل شافاتو
وأظن أن الحكم
قال لا ملغى
بسبب
......
مجهول حتى إشعار آخر

h²​

هذا واشي
هدف ولاأروع
الغاء
...
بسبب
تيت تيت انقطع البث
وراك تعرف

شكرا على الرد والتدخل
في موضوعي المتخلخل

​

 

[ThE CrAzY DrEaMeR]

اليوم الحالة راهي غير اشعار ههههههههه الله يجعل الخير

أمين
الأشعار ليل ونهار
ينحيو الغش والدمار

مشكوورة أختيــ

​

 

[إحســاس بــراءة]

أمين

الأشعار ليل ونهار
ينحيو الغش والدمار​

مشكوورة أختيــ​

الله يبارك ربي يزيد ان شاء الله:angel_not:

 

[ThE CrAzY DrEaMeR]

الله غالب هادي هي الدنيا يا شريك
والطفلة نغني عليها ونقول
هاعمريكيفاش نعيش بلابيك
وانا كي شفتك قلبي طار ليديك
وللبقية تكميل
​

هههههه
طيشها درك تحس بقيمتك
أقفل الباب عليها
درك تجيك اطبطب وحدها

​

 

[ThE CrAzY DrEaMeR]

الله يبارك ربي يزيد ان شاء الله:angel_not:

أمين يارب
:biggrin::biggrin::biggrin:
​

 

[** غزال الصحراء **]

توجد عبرة من الهدرة لازم تتمعن في النظرة
لبنات خاطيني الدومان هذا يعييني


خلعتني يالطبيب
حسبتك أنت هو مقص الرقيب

مشكور خويا

​

هههه خير من بلاش , خلينا نحكو أنتيك

ما دام الدومان يعييك لواش تتلاح للي خاطيك ؟

أنا طبيب للمرضى و الباريين

تحياتي ليك و لقاع للمة منتسبين

غير كنا نزعقو :thumbdown:

 

[samifa31]

هههههههه جبتها قد قد
يعطيك صحة خويا​

 

[mimi.dz]

ههههههههههههه
نضحك ولاّ نقول برافو ؟
ههههههههههههههههه
يعطيك الصحة راك فووووووور
​

 

[معاك يا الخضراء]

hmy:
***أيا لي جون شوية أومبيونس
لانحرق روحي بليسونس*****

منين نشوف موضوع تاعك نلقاك حتحرق روحك بليسونس:confused1:
يا خويا كان محتاج ما تحشمش قول برك رانا خاوة نلمو الف الف و نجيبولك بيدون و اتكل على ربي :001_wub::001_wub:
هههههههه واصل على هادا المينوال حتى نجيبولك ليسونس​