شتوا لي شفتوا؟؟؟؟؟؟؟

[أفراح الجزائر]

السلام عليكم ورحمة الله تعالى وبركاته
واش حوالكم .... يخي لاباس ؟؟؟؟؟
انشاءلله تكونو واجدين لموضوع اليوم :confused1:...لأنو حساس شوي ومتأكدة راح تكونو صرحين وتجاوبو بكل روح رياضية :thumbup:...ماعليه
مراحش نطول عليكم ....
ظاهرة intervention (الوساطة ) .. بلادنا كامل تتمشى غير intervention ...عندك باباك ..خوك عمك خالك ....حبيبك ...حبيب حبيبك ...حبيب عمك ..حبيب باباك .....hmy:. والقائمة طوووويلة :crying:...المهم تحوس على ثقب ابرة وتفوت منوا :music_whistling:.... وفي كل الميادين حتى بولووونجي لاشان طويلة ...وخيو حبيبو؟؟؟؟( مكان لاه دير لشان ....أنت حبيبي ) ...في العمل ..من بعدلي عطاوني عقد ماقبل التشغيل واش نقولكم الله يخلف على خالوا :angel_not:....
مكان التوظيف
ههههه وكالة عقارية للانجاز والتعمير وشعارها ( السكن من حق كل مواطن) :thumbdown::thumbdown:ياخي وكالة ياخي .... يو ناس لي فيها وكالة !!!!!! يا حفيظ ... ماكملتش معاهم شهر الله غالب .... ماحملتش لي شفتوا:crying:
في كل مرة تمنحلها الولاية مشروع انجاز سكني مرة 1000 سكن ومرة 60 سكن ومرات 500 ...5000 ... والعديد العديد وعين الشعب ماتشوف غير العمارات يطلعو :crying:.... لكن حتى واحد ماتصحلوا :thumbdown:.... خلاص ليستا تعلقة :thumbup1:..وفيها ..أحم احم :confused1::confused1::confused1:
مدير الوكالة
حرم مدير الوكالة :001_wub:
ابن المدير
بنت المدير
نائب المدير
وزيد وزيد وزيد ..... حتى الحارس ..مي هذا ماعليش واللاهي يستاهل:angel_not:
ونخرجو من الوكالة نلقاو :glare:
سعادة الوالي
حرم سعادة الوالي :001_wub:
الخ من السلك الدبلوماشي :thumbdown: وهو ماشي
بصراحة أنا احترت :huh: ...مي الصح ينقال حتى أنا كانت عندي وساطة باش دخلت نخدم :angel_not::music_whistling:...
كامل نشكيو من intervention لكن غير تجينا فرصة نستغلوها :music_whistling:
اذن ...أنت وأنتي واش رأيكم في intervention واذا جاتكم فرصة ..تقولوا لالا :glare:
أو تستغلوها :angel_not:

تحياتي ....أفراح
​

 

[BARCA232]

السلام عليكم اختي نوال
دائما في انتظار مواضيعك السياسية
فعلا ظاهرة العصر
وكيف تريدين تطور ورقي بدون هذه الظاهرة
ففي شرح قوله صلى الله عليه وسلم وتعليقه
على هذه الظاهرة
اذ أخبرنا انه عندما تولى الامور لغير أهلها فأنتظر الساعة
ونحن أمام هذه الظاهرة
انتي أختي نوال وجدت وساطة بصحتك.
اذا وجدتيلي وساطة راني نقارع فيك
انا كرهت حياتي من المسابقات والريفزيون
باش ننجح
ويقولك المسابقة فيها شفافية كبيرة
المهم حدث ولاحرج
​

 

[Manar19]

ختي واش رايحين نديرو هدي هي بلادنا...ومنكدبوش على بعضانا اي واحد يصيب خدمة بالمعرفة راح يقول لالا؟ موحال بويسك تحتمت علينا...مي ندعيو ربي يفك حوالنا وتتعدل لبلاد ...وزيدي درك مبقاتش المعرفة تgسيستي بزاف درك ادفع فوت متدفعش اك قاعد...سافوديغ الرشوة ربي يسترنا منها....مشكورة...تحياتي

 

[boutarfaya]

بكل بساطة

رانا في الجزائر

ورايحة غي تتطور


مارسي ختي
​

 

[s.a.b.r.i.n.a]

في وقتنا هادا لي عندو لكتاف يعيش
ولي معندوش كلاه بوبي
دوركا وﻻت الدزاير كيماهاك
​

 

[أفراح الجزائر]

السلام عليكم اختي نوال

دائما في انتظار مواضيعك السياسية
فعلا ظاهرة العصر
وكيف تريدين تطور ورقي بدون هذه الظاهرة
ففي شرح قوله صلى الله عليه وسلم وتعليقه
على هذه الظاهرة
اذ أخبرنا انه عندما تولى الامور لغير أهلها فأنتظر الساعة
ونحن أمام هذه الظاهرة
انتي أختي نوال وجدت وساطة بصحتك.
اذا وجدتيلي وساطة راني نقارع فيك
انا كرهت حياتي من المسابقات والريفزيون
باش ننجح
ويقولك المسابقة فيها شفافية كبيرة
المهم حدث ولاحرج​

شكرا أخي محمد .... الله يسلمك ماتخافش راح نقولهم عليك وهكدا نكون أنا الوساطة تاعك :angel_not::angel_not:

ايه المسابقات شفافية :thumbdown::thumbdown: واش نقولك
​

ختي واش رايحين نديرو هدي هي بلادنا...ومنكدبوش على بعضانا اي واحد يصيب خدمة بالمعرفة راح يقول لالا؟ موحال بويسك تحتمت علينا...مي ندعيو ربي يفك حوالنا وتتعدل لبلاد ...وزيدي درك مبقاتش المعرفة تgسيستي بزاف درك ادفع فوت متدفعش اك قاعد...سافوديغ الرشوة ربي يسترنا منها....مشكورة...تحياتي

ماعليش حنونة الصبر ..رابي راح يفرج .....العفو
شكرا على المرور العطر:001_wub:
​

 

[somiasahraoia]

عادي في بلادي

 

[أمينة16]

والفنا بلادنا تمشي هكذا

لو كان ميكونش عندك لكتاف مادير والووووو

الله غالب

 

[أفراح الجزائر]

السلام عليكم ورحمة الله
اختي أفراح الجزائر موضوع جميل وحساس يتحدث عن واقع أليم ليس هنا في الجزائر فقط بل
تنتشر في بعض المجتمعات العربية الوساطات والمحسوبيات إلى درجة أنه يقال أنك في بعض هذه المجتمعات لا تستطيع أن تقوم بإنجاز أي عمل أو تحقيق أي هدف إلا من خلال حفنة من الوساطات أو شخص "واصل" أو من خلال الرشوة أو أن تكون "مسنود" أو أمثال هذه التعبيرات.
نحن اليوم حتى صاحب الديبلوم ومتخرج من الجامعة
لا توجد وساطة يعمل موضف بسيط الدي لا يكفيه أجار بيت أو
لشراء لحوم أو لتغطية مصاريف بيت ذلك الموظف .. بالطبع سيبحث عن وسيلة ليضيف بها دخلا يغطي نفقات بيته والأقرب اليه هو تعطيل المراجعين والتفنن بايجاد مشكلة حتي يخضع له صاحب الطلب ويقدم له الرشوة لتسهيل طلبه .. العيب هنا ليس علي ذلك الموظف بل علي الحكومة التي وضعته في هذا الموقع ولم تعطيه كفايته . وكلما كبر ذلك الموظف زادت تفانينه وأساليبه لعرقلة المراجعين .. وبعض المراجعين قد لاتكون لديهم من الاموال لارضاء ذلك الموظف فيلجأو للوساطة وهي عادة ماتكون لرجل له سلطة ويتمني الموظف أن يتعرف عليه للتوسط في موضوع يخصة فهو أيضا يحتاج لخدمات وسيجد موظفا آخر يقوم بعرقلة طلبة.​

تقبلي مروري اختي أفراح موضوع قمة والله​

باركـ الله فيك​

شكرا أخي سامي وللاهي هذا أكبر مشكل رجع الشباب يقول أنا وعلاش قرية؟؟؟ لما يشوف العجب في الادارة الجزائرية .... ​

وبعض المراجعين قد لاتكون لديهم من الاموال لارضاء ذلك الموظف فيلجأو للوساطة وهي عادة ماتكون لرجل له سلطة ويتمني الموظف أن يتعرف عليه للتوسط في موضوع يخصة فهو أيضا يحتاج لخدمات

ايه .... قضيلي نقضيلك ... هدا وش رهو يدور فلبلاد رجعنا للعصر الحجري المقايضة لكن هنا مقايضة تخوفhmy:نعتبروها مقايضة بمستقبل الشباب
بارك الله فيك أثريت الموضوع بردك المميز :angel_not: ​

 

[أفراح الجزائر]

بكل بساطة ​

رانا في الجزائر​

ورايحة غي تتطور ​

مارسي ختي​

ايه عندك الحق رانا في الجزائر ...لكن في العالم لكل كاينintervontion
بارك الله فيك
شكرا نورة الموضوع​

في وقتنا هادا لي عندو لكتاف يعيش

ولي معندوش كلاه بوبي
دوركا وﻻت الدزاير كيماهاك​

شكرا حنونتي على الرد الجميل كلشي كتاف واش راح نديرو .... نورتي الموضوع :001_wub:​

 

[معاك يا الخضراء]

هههههههههههه نوال عندك الحق
واش حنديرو هادي بلادنا
والعيب مش فيها ولا فرئيسها بوتفليقة الله يحفظو
العيب فالي راهم يسيرو فيها راهم كارثة بشرية....الله يسترنا

 

[أفراح الجزائر]

عادي في بلادي

وللاهي عادي ..بارك الله فيك
شكرا على المرورالعطر:001_wub:​

والفنا بلادنا تمشي هكذا

لو كان ميكونش عندك لكتاف مادير والووووو

الله غالب

شكرا حبيبة على الرد الجميل ..بارك الله فيك
ذكرتيني بالله غالب ( قالك الشعب الجزائري شاف رايات كل الدول العربية مكتوب فيها ..لااله الا الله ..او الله اكبر ..نددو وطالبو الرئيس باش رايتنا تاني يكتبو فيها اسم الله .... قاللهم الرئيس خلاص لقيت الحل راح نكتبو الله غالب ) ​

 

[أفراح الجزائر]

هههههههههههه نوال عندك الحق
واش حنديرو هادي بلادنا
والعيب مش فيها ولا فرئيسها بوتفليقة الله يحفظو
العيب فالي راهم يسيرو فيها راهم كارثة بشرية....الله يسترنا

أولا لازم تقبلي اعتذاري .... واللاهي كنت نكتب في موضوع شغلني عليك ...نوعدك مراحش نعاودها خلاص ....تعرفي مايزعف منك غير لي يحبك ...ربي يخليك ليا أنا تاني نحبك
ثانيا شكرا شكرا على الرد المميز
دمتي صديقتي ​

 

[yanni]

اللي عندو المعرفة يقضي صوالحو
اللي ما عندوش الدراهم وما عندوش معرفة يشوف بعينيه ويسكت
هدا هو حال بلادنا متخلف

 

[** غزال الصحراء **]

أنا نكرها و ماهيش حاجة مليحة Sans doute , مي دايرة حالة في بلادنا

عندك الكتف راك شيكور , سي نو واحد ما يسمع بيك

مي الله غالب لازمة باش تعيش , و خاصة إذا كان عندك نيفو متريحش مكتف اليدين

بوجي زامانك و ما تسلكها غير المعريفة , و حكاية السكن يلزمها قعدة في الخيمة .

 

[أفراح الجزائر]

أنا نكرها و ماهيش حاجة مليحة Sans doute , مي دايرة حالة في بلادنا

عندك الكتف راك شيكور , سي نو واحد ما يسمع بيك

مي الله غالب لازمة باش تعيش , و خاصة إذا كان عندك نيفو متريحش مكتف اليدين

بوجي زامانك و ما تسلكها غير المعريفة , و حكاية السكن يلزمها قعدة في الخيمة .

كامل هكدا لما نكونوبعاد نقولو حرام غير تجينا فرصة مانقولوش لالا ..... يقولو القط لما يكون بعيد على الشحمة يقول مانحبهاش ..:confused1::confused1:
هههههه intervention فلخيمة انشاءلله ... عطوني غير خيمة بزاف عليا:angel_not: هههه دارها واحد عدنا ماعطاولوش سكن نصب خيمة احتجاج قدام البلدية هاكدا وماطالش السكن :thumbdown::thumbdown:​

 

[~ مستشـآرهـ طـرزآنـ ~]

وي عندك الصح اختي في كلامك...هادي هي بلادنا وحالتها تاع لوقت هادا..اللي عندو لكتاف راهو سلك و ربح صوالحو..وخوه المسكين ربي يكون معاه
ربي يهدي ما خلق و خلاص
* * *
ألف شكر ليك على الموضوع القيم و الرائع حقيقة​

 

[sayco]

هذي ولت نورمال .

 

[أفراح الجزائر]

وي عندك الصح اختي في كلامك...هادي هي بلادنا وحالتها تاع لوقت هادا..اللي عندو لكتاف راهو سلك و ربح صوالحو..وخوه المسكين ربي يكون معاه

ربي يهدي ما خلق و خلاص
* * *

ألف شكر ليك على الموضوع القيم و الرائع حقيقة​

شكرا على الرد الرائع ....
العفو ....الشكر ليك لأنك نورتي الموضوع بكلماتك الأروع ​

هذي ولت نورمال .

 

[أفراح الجزائر]

هذي ولت نورمال .

كلشي عادي في بلدي ( قانون جاري التنفيد) :crying::crying:
بارك الله فيك على الرد الجميل
​