ســـــــرك في بير عميـــــــق

[Manar19]

احلى تحية
من لكلام للي نسمعوه بين بعضانا جملة
سرك في بير عميق...سافدوديغ كي تحب تحكي حاجة لواحد وتتردد يقولك متخافش احكي سرك في بير...
مي يادرا صح كاينة منها...في وقتنا هدا وللاسف قليل
للي يخبي السر...درك لانسان مبقاش يحمل حاجة في قبلو
لازم يقول ويحكي سينو ميرتاحش .. انت تحكيلو من وهو يجري يفرغ مع اول شخص يلقاه..سيبوغسا تصيب نوع من الناس ميحبوش يحكيو وميديروش لامان...وقليل وين يمدو اسرارهم
مي يقولو عليهم موسوسين وخوافين سي فغي؟
اسكو للي يحدر ويدير لاحتياط انسان موسوس؟
حبيت نتناقشو ونشوفو كل واحد واش تعنيلو جملة سرك في بير عميق ..واسكو التقة مليحة وللا لازم الحدر؟
مع احلى سلام من اختكم منــــــــار

​

 

[أمينة16]

صح هذي الكلمة منتشرة بزاف مي ماشي اللي قالها نصدقوه

و كيما يقولو اللي يخاف سلم

ماشي مليح واحد يتسرع و يحكي سرو ممكن لواحد ماشي تاع ثقة ماشي راحت فيه مسكين

شوفي الثقة مليحة مي لازم واحد يحذر تخافي ديري ثقة في ناس ميكونوش أهلها

لازم نعرفو الناس مليح باه نمدولهم اسرارنا

مرسييييييي حنونة

 

[بنـ MaPa ـت]

مازالهم كاينين مي حاجة قليلة شكرا على الموضوع الرائع......تقبل مروري..

 

[** غزال الصحراء **]

وي سرك في بير كاينة منها و تصرا بزاف , مي سرك في بير عميق هاذي فيها الشك

ناس اليوم غير يطيشو في الهدرة , تلقاه يحكي و خلاص لي جاتو في راصو أنت تحكيلو حاجة سوكري بزاف

هو يهزها سخونة في ضرف ساعة تولي معلومة عالمية

و كاين ناس خرين تبروفيتي من الناس لي دير النية

( تحكيلو بسرك , درتها بيدك , سما عطيتلو سلاحك لي بيه هو يضرك )

واش نقولك يا منار خبي الصح و أحكي الراشي

سلام .

 

[مناخ]

ضرك نفسك محكمتش الهدرة حتى يقدرو يحكموها الناس

 

[mimi.dz]

انا وحدة من نفسي سري نعطيه لانسانة واحدة هي اللي نضمنو عندها يما ربي يحفظها
والناس اللي نعرفهم كامل اسرارهم عندي وفي بير اعمق من العميق
ربي يهدي ويصلح الاحوال
​

 

[الشبح الجزائري]

قال الشافعي رحمه الله:
إذا المرء أفشى سره بلسانه ولام عليه غيره فهو أحمقُ
إذا ضاق صدر المرء عن سر نفسه فصدر الذي يستودع السر أضيقُ​

 

[نجاة40]

...سافدوديغ انا مانديرش الثقة غير في والديا وخاوتي ​

 

[BOUSS]

منار اعيت انوصي فيك سرك الكبير خليه في قلبك او مراحش تندمي والباقي قسميه او ما تخلطيش كاين سر عائلي اي في الدار ايموت كاين سر مهني اي احكي او ما تخافيش وفي الاخير اي اخطر الاسرار لي هو السر العاطفي يايما يايما هذا هو الي اتخليه في قلبك لخطرش رنا في وقت ما يرحمش كاينالناس الي عندهم الفم المشرك يا لطيف و الباقي واش النقولك عينيك هما ميزانك ولا اخلات اندروها اجوندا هههههههههههه تقبلي مروري \\\بوووووووص\\\

 

[messikimo]

ga3 yekdbo ygolo mangoloch wmba3d ygolo wjerabt kaml li na3refhom hata akrab karib besah kedbo 3lia whadro donc li na3refha nkhaliha lrouhi khir men nweli f les problemes

 

[Manar19]

صح هذي الكلمة منتشرة بزاف مي ماشي اللي قالها نصدقوه

و كيما يقولو اللي يخاف سلم

ماشي مليح واحد يتسرع و يحكي سرو ممكن لواحد ماشي تاع ثقة ماشي راحت فيه مسكين

شوفي الثقة مليحة مي لازم واحد يحذر تخافي ديري ثقة في ناس ميكونوش أهلها

لازم نعرفو الناس مليح باه نمدولهم اسرارنا

مرسييييييي حنونة

صح اني معاك للي خاف سلم...لانسان مكاش بير عميق كما نفسو ...وللي حبيبك ليوم قادر غدوة يوللي عدوك هدي هي الدنيا...مشكورة على تفاعلك والف تحية ليك

 

[Manar19]

مازالهم كاينين مي حاجة قليلة شكرا على الموضوع الرائع......تقبل مروري..

هيه قلال سيبوغسا لانسان يدير لاحتياط احسن...العفو ختي ...تحياتي ليك

 

[fufa22]

اولا نقولك على حاجة انا عحبتني سي فغي سيبوغسا اسكو
looool
واش نقولك ع الموضوع
انا صدقيني كان ننحكي واش كاين في قلبي
بلاك نقص نص ميزاني
وصدقيني جامي حكيت لواحد
كيما تقولي نتي باسكو ما بقاش لامان​

 

[Manar19]

وي سرك في بير كاينة منها و تصرا بزاف , مي سرك في بير عميق هاذي فيها الشك

ناس اليوم غير يطيشو في الهدرة , تلقاه يحكي و خلاص لي جاتو في راصو أنت تحكيلو حاجة سوكري بزاف

هو يهزها سخونة في ضرف ساعة تولي معلومة عالمية

و كاين ناس خرين تبروفيتي من الناس لي دير النية

( تحكيلو بسرك , درتها بيدك , سما عطيتلو سلاحك لي بيه هو يضرك )

واش نقولك يا منار خبي الصح و أحكي الراشي

سلام .

اني معاك في اللخرة هدي تاع خبي الصح وحكي الراشي هههههههه... كاينة مقولة تقول اخبر صديقك كدبة فان كتمها اخبره الحقيقة.......مشكور على مشاركتك وتفاعلك مع الموضوع

 

[Manar19]

اولا نقولك على حاجة انا عحبتني سي فغي سيبوغسا اسكو
looool
واش نقولك ع الموضوع
انا صدقيني كان ننحكي واش كاين في قلبي
بلاك نقص نص ميزاني
وصدقيني جامي حكيت لواحد
كيما تقولي نتي باسكو ما بقاش لامان​

ههههههه اكي تعرفي حنا لازم نخلطو لفرونسي مع لعربية:001_unsure:
مام انا من النوع للي ميحكيش منعرف نحس بللي كل واحد يخللي اسرارو وهمومو لنفسو...مشكورة وتحياتي ليك

 

[Manar19]

منار اعيت انوصي فيك سرك الكبير خليه في قلبك او مراحش تندمي والباقي قسميه او ما تخلطيش كاين سر عائلي اي في الدار ايموت كاين سر مهني اي احكي او ما تخافيش وفي الاخير اي اخطر الاسرار لي هو السر العاطفي يايما يايما هذا هو الي اتخليه في قلبك لخطرش رنا في وقت ما يرحمش كاينالناس الي عندهم الفم المشرك يا لطيف و الباقي واش النقولك عينيك هما ميزانك ولا اخلات اندروها اجوندا هههههههههههه تقبلي مروري \\\بوووووووص\\\

هههههههه بوص متخافش انا من النوع للي ميحكيش خلاص ويقولولي نتي غامضة .....بيانسور لانسان اسرار الدار ميحكيهمش بويسك اليبوت اسرار...وكما قولت للي يحب يفرغ قلبو يحكم اجوندا وصايي....مشكووووووور بوص

 

[Manar19]

انا وحدة من نفسي سري نعطيه لانسانة واحدة هي اللي نضمنو عندها يما ربي يحفظها
والناس اللي نعرفهم كامل اسرارهم عندي وفي بير اعمق من العميق
ربي يهدي ويصلح الاحوال
​

ربي يخليهالك نشاله....هيه الناس موش كيفكيف نتي قادرة تحفضي لاسرار مي صحبتك وللا حبيبتك واش يضمن بللي هي كيفك....مشكورة على مشاركتك....تحياتي ليك

 

[** غزال الصحراء **]

اني معاك في اللخرة هدي تاع خبي الصح وحكي الراشيهههههههه... كاينة مقولة تقول اخبر صديقك كدبة فان كتمها اخبرهالحقيقة.......مشكور على مشاركتك وتفاعلك مع الموضوع

و الله مليحة هاذي , مي الصحاب تاع الليوم تالمون ذايبة تحكيلو كذبة يخبيها باش تحكيلو الصح

و كي تحكيلو الصح يصرا لي قلنا عليه :crying:

يعني جامي تحكي الصح ما تعب روحك تاستي لا والو

أحفظ سابعك لا يتزربعو وراقك .

 

[** غزال الصحراء **]

ههههههه اكي تعرفي حنا لازم نخلطو لفرونسي مع لعربية:001_unsure:
مام انا من النوع للي ميحكيش منعرف نحس بللي كل واحد يخللي اسرارو وهمومو لنفسو...مشكورة وتحياتي ليك

ا

fufa22


الجنس :

​

فو

 

[Manar19]

و الله مليحة هاذي , مي الصحاب تاع الليوم تالمون ذايبة تحكيلو كذبة يخبيها باش تحكيلو الصح

و كي تحكيلو الصح يصرا لي قلنا عليه :crying:

يعني جامي تحكي الصح ما تعب روحك تاستي لا والو

أحفظ سابعك لا يتزربعو وراقك .

واش راك مصر عل رايك مكاش منحكيوش ههههههه... عندك الحق لانسان بيرو هو نفسو...علاه نحكيو ومبعد نقولو علاه ويا ربي وعلاه الناس هكا...من اولها مكاش...انا واعود من كلمة انا قادرة نحمل جبل من لاسرار تاعي وللي خاطيني مي مصبتش للي كيفي...الله غالب الناس عقليات.....مشكور غزااال المنتدى