مارأيكم

[amin2000]

السلام عليكم
رجعت من الخدمة مزروب قلت نفوت لدار خويا نتغدى أو نرجع باه يكفيني الوقت
كي دخلت قلتلهم كاشي غدا
وش قالولي في رأيكم








مكانش لغدا قتلهم وعلاه :confused1:






قالولي مطيبناش .:thumbdown: وعلاه مطيبتوش :angel_not:








قالولي رانا صايمين الكل "معندهومش لولاد الصغار"
قتلهم وعلاه صايمين رانا في عاشورة
قالولي..............









صايمين على جال الفريق الوطني باه يربح أو يتأهل :001_unsure:
مفهمت والو ؟؟؟؟؟؟؟؟؟؟ لهذي الدرجة.
أنا شخصيا ضد هذي الفكرة إطلاقا ونتوما وش رأيكم .

 

[بحر الأحزان]

والله حتى أنا ضدها
صح نحب المنتخب تاعنا يربح ويتأهل
بصح لكل شيء حدوده قريب نرجعوا نعبدوه
رجعنا نمشو وراه سواء ظالم مظلوم عادل
والله بزااااااااااااف لواحد كره H24 غير البالون البالون ​

 

[** غزال الصحراء **]

أنت باين على كرشك تخلي عرشك ^^

راني نقصر برك , بزاف ناس صامو للماتش

تبانلي ما فيهاش إحراج حاجة عادية .

 

[nada242008]

انا بالنسبة ليا حاجة عادية
الصيام او الدعاء تبقى وسيلة لتقربنا الى الله
وكل واحد ونيته

 

[أمينة16]

صح نحبو ليكيب انتاعنا و ندعولهم بصح ماشي لهذي الدرجة

لوكان جات حاجة اخرى بالاك كنا منديروش عليها هكذا

المهم تأهلنااااا هذا هو الصح

مرسي خويا

 

[أفراح الجزائر]

هههه انا نذرة لوكان يربحو نصوم 3 جوور ونشري tenue .....واليوم راني صايما....​

 

[sasaz]

ههههه..والله غضتني ...........
خلي لعود يتعودو في جرت الماتش ويعود يصومو ديما

 

[بنـ MaPa ـت]

النص يقول عادي والنص التاني يقول راني ضد هاد الفكرة أمالا أنا راني معاهم في زوج.....تقبل مروري..

 

[zagane]

السلام عليكم
رجعت من الخدمة مزروب قلت نفوت لدار خويا نتغدى أو نرجع باه يكفيني الوقت
كي دخلت قلتلهم كاشي غدا
وش قالولي في رأيكم








مكانش لغدا قتلهم وعلاه :confused1:






قالولي مطيبناش .:thumbdown: وعلاه مطيبتوش :angel_not:








قالولي رانا صايمين الكل "معندهومش لولاد الصغار"
قتلهم وعلاه صايمين رانا في عاشورة
قالولي..............









صايمين على جال الفريق الوطني باه يربح أو يتأهل :001_unsure:
مفهمت والو ؟؟؟؟؟؟؟؟؟؟ لهذي الدرجة.
أنا شخصيا ضد هذي الفكرة إطلاقا ونتوما وش رأيكم .

السلام عليكم

الصوم لغير الله حرام

 

[BeSt GlAdiAtOr]

ههههههههههههههههههههههههههههههههههه
حتى أنا نعرف زوج صحابي صاموا على جل الماتش

 

[amin2000]

يعطيكم الصحة على الردود

 

[fufa22]

كرشك كرشك كرشك

 

[حنوون]

كلنا نتمناو نربحو بس مب لهذه الدرجة الصيام له اجر اذا كان لله فقط والعلم عند الله وانما الاعمال بالنيات ولكل امرئ ما نوى