مساء الخير عليكم
وانشاء الله تكونو لاباس
فرحانين كامل باذن الله
واللي مديـgــوتي يليق يدير طبسي ويوقف توال الجامع
هنا من درك نقولهالكم ربي ينوب هههههههه
ليوم حبيت نحكي على ظاهرة كل يوم نشوفوها في بلادنا
التســوّل .... ( كيما نقولو احنا الطلبة )
درك المشكل
ماشي في الانسان اللي تضيق عليه الدنيا
باه يربي الأولاد ولاّ يصرف ع الدار
باه ياكلو ؟ وباه يعيش الاسرة نتاعو
يوصل لدرجة تتحتم عليه يخرج يطلب
المشكل
رجع انو الانسان عاطيه ربي والحمدلله
ويخرج يطلب رجعها خدمة
المشكل
في الانسان اللي عندو ويخرج يماه تطلب واذا مجابتلوش الدراهم يضربها
المشكل
في اللي يخطف الأولاد ويخرجهم يطلبو
المشكل
في اللي يتزوج باه يلقى شكون تطلب وتجيبلو الدراهم
المشكل
في اللي يرمي اولادو يطلبو وهو عندو
الدنيا صح صعابت وكلش رجع غالي
يقولو :
النفس ديما طماعة مي لازم شوي قناعة
درك في بلادنا كي نشوفو طلاّب ديراكت نقولو عندو ودايرها خدمة
كي نشوفو واحد يطلب بلا حتى استفسار نحتقرو هذاك الانسان
لاننا نعرفو باللي يكذب وربي عاطيه
المهم من هذا كامل
انتم واش رايكم في هاذ الظاهرة ؟؟
وشكون فيكم اللي يقدر يخرج يطلب ؟؟
وربي يكون في عون كل مومن
:angel_not:
