وقاحة التلاميذ الى أين وصلت

[MATADOR007]

ربي يهدي ماخلق
سلام
​

 

[nanadoublecanon]

اختي انا الطوايش فيها فيها والله وماكاش الي يحل فمو معايا باسكو نعرف كيفاش نسير

اما الوقاحة خاطيني غير الي يخلط فيا ولا في ما املك نولي وحش

هادي هي بلادنا ورانا نقراو والحمد لله

 

[.:nassima:.]

نقلك هادي باش نحيلك علي خاطرك شويا
اليوم الصبح وانا نسمع في الرادو من عجائب وغرائب العالم
من المتوقع او من منطقي كي نشوفو التلميذ يغسل رجلين (حشاك ) الاستاذ
هذا من باب التقدير وعرفان بالجميل
المشكلة في هادي البلد الاسياوي المعلم هو الي يغسل رجلين التلميذ
يتسما حب يعبرو وبطريقة ما صحيت يا تلميذ كي راك تتصنطلي وتاخذ الراي
والله نعيش نسمع وتعيشي تشوفي
ربي يستر من الي جاي

 

[لمسة من الماضي]

للاسف واقع مر اصبحنا عليه و اصبحت المدارس تعاني و الاساتذة تعاني من تصرفات التلاميذ و السبب طبعا اولا راجع للتربية الخاطئة لهذا الجيل الصاعد من قبل الاولياء

و السبب الثاني هو موجة القوانين الجديدة الخاصة بالتربية و التعليم و من بينها منع الضرب مثل زمان

و السبب الاهم هو اصبحنا في يزمن ولد فلان و هذا خاله فلان و ذاك عمه فلان و هلما يحدث

فاصبح الاستاذ و التلميذ في تحدي

اصبحنا متساويان للاسف

​

 

[nawal 88]

ربما يرجع السبب للأستاذ أيضا وخاصة كي يحس التلميذ بلي هو منبوذ من الاستاذ وزيد رانا نشوفو في التلاميذ دايرين راياتهم ولبنات غير الماكياج واللبسة والذر طوايش وتبهدايل

 

[MiSs Sisi StyLe]

حنونتي دركا عاد الشيخ تلميذ و التلميذ شيخ
و ما نحكيوش على الادارة ال عاد ذركا الي يسوى و الي ما يسواش يجي و يولي مراقب
و البنات عاد خلي عليك ما نفضحوش وش ستر ربي
واش تبغي هاد هو اليسي و هاد هي المدرسة

 

[كرومة الوهرانية]

سلام عليكم ختي انا معندي منقول باركة الله فيك ختي وانا معاك في كل كلمة تقوليها
مي سمعي ختي فاضلة
ذرك راهم تخرجو اساتذة ياك راهم كثر من تلاميذ ذرك استاذ كي يولي يقول كلمات سيئة وزيد يتحكك مع بنات حشا استذة لي عندهم قيمة وشرف ونحتارمهم
واستاذة لي تجي مطلصة وجها وتلبسلي ملابس لا حول ولا قوة الا بالله وتقعد تهدر في تلفون
ولا مستشارة لي تقعد تعاندلي في شاشرة لي صغر منها
كيفاش غادي يطلعو تلاميذ حمبوكي كيفاش انا عندي خالتي مدرسة وايضا زوج خالتي مدرسة يعني انا لا اتكلم على كل اساتذة تاني يقروني اساتذة مشاء الله تربية واخلاق معندي منقول مي منلقوش لوم دايما على تلميذ ولا على صغار تاني كبار راهم يلعبو دور
شكرا اختي تقبلي مروري

 

[الفنك الدهبي]

مشكووووووووور

 

[EL General]

نحب نقولك بأن التلميذ عبارة عن أداة تحكم {لوحة مفاتيح}
و الأولياء هم الذين يعبثون أو يتحكمون جيدا في اللوحة المفاتيحية
و من هذا التعبير أريد أن أصل إلى فكرة :
{{{{ الغلطة ليست من التلميذ أو الأستاذ بل من الأولياء }}}}
{{{{{{{{{{{{{{{{{{{{{{{ تقبلوا مروري : مارادونا }}}}}}}}}}}}}}}}}}
​

 

[la_fleur_de_joie]

سمحلي خويا مانوافقكش في هذي الحاجة..علاخاطرش كاين اللي والديهم تبارك الله بصح لولاد جهنم

 

[صراع القلب]

اقول حسبي الله و نعم الوكيل
ذهبت الاخلاق في رجال المستقبل و دلك لاسباب عديده منها الاولياء و عدم المراقبه و كذلك دعم اولادهم اذا قاسى الاستاذ عليه من اجل مصلحته و كذلك الاستاذ اللذي لو يعد يحترم شخصيه انها استاذ و عليه عدم مصاحبه التلاميد بالطريقه السلبيه و كذلك مستوى الاداره و القوانين التعليم اللتي اصبح التلميذ يلعب بيها و يستعملها لصالحه و الاهم من كل هذا التربيه الحسنه اللتي اصبحت غائبه عن شباب المستقبل
فاي مستقبل يكون ..................

 

[عاشق بنات حواء]

شكر علا الموضوع الهام

 

[ivanov]

أيامات زمان ، كان التلميذ مايقدرش يشوف في عيني الأستاذ من شدة الحياء ، أما درك ، يا حسراه ، واش من تربية راهي ، ربي يستر برك هذا ماكان