كلفة فتح سيبار كافي (( مقهى انترنت))

سوناكوم

:: عضو منتسِب ::
إنضم
22 أفريل 2009
المشاركات
14
نقاط التفاعل
0
النقاط
2
السلام عليكم
اخوتي الكرام عندي استفسار بسيط
حول التكلفة المالية لفتح مقهى انترنت
بحيث تكلفة شراء اجهزة الكمبيوتر والمودام و طاولات الكمبيوتر
لنفرض ان المقهى ستكون مكونة من 10 كمبيوترات
فكم ستكون الكلفة الاجمالية للمقهى
انا في انتظار ردود اخوتي الكرام
وشكرا
 
السلام عليكم
اين انتم ياااااااااااو
 
السلام عليكم،
اذا تحدثت على التجهيزات فتفضل:
10 اجهزة كميوتر= 2.5*10=25 مليون سنتيم...
10 طاولات= 2500*10= مليونين و نصف...
سويتش أو وسيلة ربط الشبكة المحلية= 4000دج تقريبا بحسب النوع...
10 ويب كام= 500*10= 5000 دج...
10 كاسك= 250*10= 2500 دج...
10 كراسي= 1500*10= مليون و نصف...
10 طابوري (كراسي صغيرة)= 200*10= 2000دج...
مكتب السيرفر الآن:
لازم يكون الجهاز طيارة حبيبي= 3 ملايين سنتيم...
كرسي الله الله تاع المعاليم= 5000دج...
ايه و لازملك دي باف و اومبليفيكاتور للميوزيك يجوك في القليل 2500دج و شوف...
و متنساش الكراسي تاع الناس الي تستنى الدالة ديرهم 5 ايلا حبيت= 500*5= 2500دج...
ايه و الطابعة و مادابيك تكون وحدة معاها سكانير ووحدة اخرى تكون لازير يجوك في زوج 12000 دج تقريبا...
و متنساش الخدمة تاع لانستالاسيون دو ريزو الي في لقليل اطيحلك مليون نتا و الي راح يركبهولك...
و الموديم يجيك مع الآبونمون باطل= دير 6 شهور يمدولك موديم باطل و القيمة على حساب ما تخير نتا...
يعني بلا ما نحكيلك على الكراء تاع المحل و الاشتراك في الانترنت راح اطيحلك حوالي 38 مليون و ربي يوفقك و يجيب الي فيه الخير...
و اي استفسار اخر راني هنا حبيبي...
 
آخر تعديل:
السلام عليكم
بارك الله فيك اخي الكريم على التوضيح
وشكرا
 
بخصوص الكمبيوتر سارفار والسويتش
يمكن كمبيوتر عادي
ومودم روتر مكان سويتش
 
بخصوص الكمبيوتر سارفار والسويتش
يمكن كمبيوتر عادي
ومودم روتر مكان سويتش

رووتر مش للسيرفر
بصح حنا لازم نوصلو الـ10 الباقن بالشبكة... يسما لازم سويتش (هووب)
ولا واش رايك؟
 
السويتش أسرع من الهوب و أسمو العلمي هوب ذكي يعني لما ترسل المعلومة تروح ديركت ل أدراس اي بي تع مولاها ماشي تجوز عليهم كامل
ونقولك حاجة أخي الميكرو تع 2.5 مليون مايدير والو لازم الواحد يشوف للقدام ماشي غير عند نيفو
جيب اللي ب 3 ملاين للسيبار
و نتاعك نتا (سارفور) ديرو حاجة دوريجين يعني هاربة HP ولا DELL يدير وحد 5 ملاين بصح ملي تركبو الميكروات كامل يحبسو و هو يبقى يدور شغل صاروخ ياخو و الله ما تندم عليه و حبيبنا اللي دبر عليك نسا حاجة اللي هي les onduleur لازم يكونو و الحاجة المليحة منهم تدير 6000دج
و القروب تع التريسيتي الا كنت في بلاصة تنقطع فيها بزاف و هكدا تستقام كلش في نواحي 50 مليون بصح والله ماتندم لاخاطر هاذي تدبارة من واحد فالدومان هادي هي قرايتي درت عليها ستاج في شركة لحقت انها عطاتني معدل 19 ودبر راسك خو انت حر جرب وردلي بالخبر
 
www.almsloob.com-90b67bca1f.gif
 
رووتر مش للسيرفر
بصح حنا لازم نوصلو الـ10 الباقن بالشبكة... يسما لازم سويتش (هووب)
ولا واش رايك؟
 


نظرا لاهمية الموضوع ...راني درت موضوعا خصيصا على جال السيبار ..

فيها امور بزاف يمكن نستفادو من بعضانا فيها ... ونا مش حاب ندير رد في موضوع ونفوت ...لكن حاب ندير موضوع حي ونابض .. ونتشاركو فيه و نفيدو فيه بعضانا

الرد + ردودكم راني درتهم في موضوعي .. وراني وضحتلكم السبب ..نتمنى نشوفكم في موضوعي لاخر ..

والدعوة عامة للجميع ..

وسامحني خويا سوناكوم كي هربتلك les clients ههههههههههه علابالي راح تستفاد معانا من الموضوع لاخر

 
آخر تعديل:
السلام علكيم اريد مساعدة عاجلة
ماهي الوثائق الرسمية في استخرج سجل تجاري الخاص بي السيبار كافي وكل شئ عنه
وشكرا
 
وماتنساوس لي سيباراسيون الللي بين كل بوست وبوست (كل واحد عندو خصوصيات ) ديرلها واحد 4 ملاين ولي كابل تاع الريزو

ولا لي كارت ويفي بلا ماننساو المدفئة والكليم ديرلهم تقريبا 5 ملايين ولي اونديلور تقريبا 3 ملايين وكاش تيلفزيون بلازما يتعطل بيه لي يستناو

وواحد ورا السيرفر باه يشوفو الرقم تاع البوست لي فيد ديرلهم واحد 10 ملايين .............. هذا ادا تحتاج تخدمها سامبل
 
اذا أردته عصري و جذاب فسيكلفك حوالي 100 مليون:up:
 
السلام عليكم اخي الكريم من مدة قصيرة فتح احد اصدقائي مقهى انترنت, كان مجمل التكاليف ( 670.000 ) اي سبعة و ستين مليون سنتيم مع العلم ان المحل ملكه .
 
السلام عليكم
ما هي الوثائق المطلوبة لفتح سيبار ؟؟
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top