حاجة ماراهاش عاجبتني من بعض الاعضاء

[dahbito]

:cursing:السلام عليكم خاوتي حابا نحكي معاكم علي حاجة ماراهاش عاجبتني من بعض الاعضاء وراني نحكي علي البعض فقط normalment راهم يعرفوا المهم هذا المنتدي العنوان نتاعو اهنا افرغ واش كاين في قلبك باه يفاجو علي قلوبهم وكل واحد يعاون خوه بنصيحة ولا بحل اذا امكن ماشي باه تكون المشاكل نتاعهم نكتة للبعض وماشي باه يضحكوا من المشاكل نتاعهم هذا jeste معجبنيش حنا نقولولهم ربي يهديكم والفاهم يفهم :glare:

 

[AnGeL*dZ]

منتدى أهنا فرغ واش كاين فى قلبك هنا نتكلمو على مشاكلكم في الحياة و ايجاد الحلول لها ، فرغ قلب عندنا ...
مالازمش يضحكو على مشاكل الناس
ميرسي ختي

 

[naGam]

مارسي لكي اختي وعندك الحق في كل اللي قلتيه
​

 

[bob16]

واه رانى معاك بصح كاين وحد المشاكل مكانش منهم لا فى الحقيقة ولا فى الخيال
والناس مهموش كيفكيف فى العقل​

 

[ThE CrAzY DrEaMeR]

واحد كان داير موضوع قال
وحدا هنا ف المنتدى قاتلي نحبك قولولي وش ندير
هيا رحمة على والديك هادا موضوع؟
كيفاش منضحكش
​

أو جاوبك

:biggrin:
​

 

[مروة MARWA]

واحد كان داير موضوع قال

وحدا هنا ف المنتدى قاتلي نحبك قولولي وش ندير
هيا رحمة على والديك هادا موضوع؟
كيفاش منضحكش​

هادي لي ماخلاتش بسيكولوg ومايجيبهااااااااش
واحنا واش دخلنا بينو بينها يقولها واش يحب واش يجي على gوستوه
بصح كاين صح مواضيع مايتقبلهمش المنطق
اما بالنسبة للاشخاص لي يستهزؤوا او يجي نهاارهم اختي ماتكسريش رااااسك:thumbdown:

 

[mir@cle]

ثاني الكلام الجدي في موضوع زعاقة مش مرغوب فيه
كاين اللي يقدر يوزن كلامو
ويعرف ويكتة يزعق وويكتة يتكلم جد

​

 

[beautiful -soul]

*هم يضحك و هم يبكي*
....
(.......)
...
سلام
​

 

[اماني خولة]

كاينا منها مالازمش يضحكوا على هم الغير او مون يضحكها بلاما يكتبها و لا راني غالطة ؟؟

 

[ديني حياتي]

راني معاك ونشكرك على الموضوع بوركتي الله يخليك هدا خير لكلام

 

[chamse121919]

كاينة عباد بلاك بالتمسخير يفيق و كاينة مشاكل يطرحوها غريبة كيما قال بلال و احنا نعطو راينا بصراحة مع اني ماضحكت على حتى واحد و نتمنى نكون ما قست حتى واحد

 

[dentista]

بصؤاحه
توجد مواضيع هنا أقل ما يقال عنها انها تافهه

:glare::glare::angel_not:​

 

[dahman kz]

صحيح كاينة الظاهرة هاذي ..وتلقى البعض ماهمش مهتمين بالمشكل نتاعو ..ويدخلو للموضوع ويقلبوه دردشة وكاين اللي ينشعو صاحب الموضوع.بالصح ماتنساش ساعات واحد يطرح موضوع يخليك تضحك بالسيف.
​

 

[أميرة الفولاذ]

قل خيرا او اصمت
الواحد اذا ما عجبوش موضوع خوه ولقاه تافه او ما يرقاش للمستوى
ماكان لا يدخل من الاساس
او اذا كان معترض على راي معين
يرد بموضوعية وبتحضر بلا ما يتهكم
والله عدت نقرى ردود بعض الاعضاء يدخلو حابين يضربو صاحب الموضوع
ويوليو يلوحو كلام والله غير حشومة :crying:



​

 

[ام ابتسام]

الله يهدي الجميع وبرك هدا البيت الي لامنا هو بتنا ومن المفروض الي ساكنينوا يكونو خاوة ولي يمس واحد لوخر يحس بيه وماشي من المعقول او بعبارة اخرى ان يدخل عضو ويحكي مشكلة باش نضحكو عليه وخدو كل واحد على حساب عقلوه ورانا هنا يد وحدة نفرحو مع بعض نحزنو مع بعض لا سمح الله وكفانا استهزاء بمشاعر الغير والي حاب يستهزء بنا كاين منتديات للالعاب والفرفشة والوقت من دهب ان لم تقطعه قطعك
​

 

[نسمة حب]

عندك حق كاين بزاف يستهزاو بماشاكل الغير
ربي يهديهم